Первое Соборное послание апостола Иоанна Богослова, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1 См.: 🔗Лк. 1:2 🔗Лк. 24:39 🔗Ин. 1:1	[Зач. 68Б.] Еже бѣ исперва, еже слышахомъ, еже видѣхомъ очима нашима, еже узрѣхомъ, и руки нашя осязаша, о Словеси животнѣмъ:
1:2 См.: 🔗Ин. 1:1	и животъ явися, и видѣхомъ, и свидѣтел­ст­вуемъ, и воз­вѣщаемъ вамъ животъ вѣчный, иже бѣ у Отца и явися намъ:
1:3 См.: 🔗Ин. 15:10 🔗1Кор. 1:9	еже видѣхомъ и слышахомъ, повѣдаемъ вамъ, да и вы общенiе имате съ нами: общенiе же на­ше со Отцемъ и съ Сыномъ Его Иисусомъ Христомъ.
1:4	И сiя пишемъ вамъ, да радость ваша будетъ исполнена.
1:5 См.: 🔗Ин. 8:12	И сiе есть обѣтованiе, еже слышахомъ от­ Него и повѣдаемъ вамъ, яко Богъ свѣтъ есть, и тмы въ Немъ нѣсть ни единыя.
1:6 См.: 🔗2Кор. 6:14 🔗Еф. 5:11	Аще речемъ, яко общенiе имамы съ Нимъ, и во тмѣ ходимъ, лжемъ и не творимъ истины:
1:7 См.: 🔗1Пет. 1:19 🔗Евр. 9:14 🔗Отк. 1:5	аще же во свѣтѣ ходимъ, якоже Самъ Той есть во свѣтѣ, общенiе имамы другъ ко другу, и Кровь Иисуса Христа Сына Его очищаетъ насъ от­ всякаго грѣха.
1:8 См.: 🔗3Цар. 8:46 🔗Прит. 20:9 🔗Еккл. 7:20	[Зач. 69.] Аще речемъ, яко грѣха не имамы, себе прельщаемъ, и истины нѣсть въ насъ.
1:9 См.: 🔗2Цар. 12:13 🔗Пс. 31:5 🔗Прит. 28:13	Аще исповѣдаемъ грѣхи нашя, вѣренъ есть и праведенъ, да оставитъ намъ грѣхи нашя и очиститъ насъ от­ всякiя неправды.
1:10	Аще речемъ, яко не согрѣшихомъ, лжа творимъ Его, и слово Его нѣсть въ насъ.