Первое Соборное послание апостола Иоанна Богослова, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Рим. 8:34 🔗1Тим. 2:5	Чадца моя, сiя пишу вамъ, да не согрѣшаете: и аще кто согрѣшитъ, ходатая имамы ко Отцу, Иисуса Христа праведника:
2:2 См.: 🔗Деян. 5:31 🔗1Ин. 1:9 🔗1Ин. 4:10 🔗Евр. 2:10	и Той очищенiе есть о грѣсѣхъ нашихъ, не о нашихъ же точiю, но и о всѣго мiра.
2:3	И о семъ разумѣемъ, яко познахомъ Его, аще заповѣди Его соблюдаемъ.
2:4	Глаголяй, яко познахъ Его, и заповѣди Его не соблюдаетъ, ложь есть, и въ семъ истины нѣсть:
2:5	а иже аще соблюдаетъ слово Его, по­истин­нѣ въ семъ любы Божiя совершен­на есть: о семъ разумѣемъ, яко въ Немъ есмы.
2:6 См.: 🔗Ин. 13:15	Глаголяй, въ Немъ пребывати, долженъ есть, якоже Онъ ходилъ есть, и сей такожде да ходитъ.
2:7 См.: 🔗Ин. 13:34	[Зач. 70.] Возлюблен­нiи, не заповѣдь нову пишу вамъ, но заповѣдь ветху, юже имѣсте исперва. Заповѣдь ветха есть слово, еже слышасте исперва.
2:8 См.: 🔗Ин. 1:9 🔗Рим. 13:12	Паки заповѣдь нову пишу вамъ, еже есть по­истин­нѣ въ Немъ и въ васъ: яко тма мимоходитъ и свѣтъ истин­ный сей уже сiяетъ.
2:9 См.: 🔗1Кор. 13:2	Глаголяй себе во свѣтѣ быти, а брата сво­его ненавидяй, во тмѣ есть доселѣ.
2:10	Любяй брата сво­его во свѣтѣ пребываетъ, и соблазна въ немъ нѣсть.
2:11 См.: 🔗Ин. 12:35	А ненавидяй брата сво­его во тмѣ есть, и во тмѣ ходитъ, и не вѣсть, камо идетъ, яко тма ослѣпи очи ему.
2:12 См.: 🔗Деян. 4:12 🔗Деян. 10:43	Пишу вамъ, чадца, яко оставляют­ся вамъ грѣси имене Его ради.
2:13 См.: 🔗Лк. 10:18	Пишу вамъ, отцы, яко познасте Безначалнаго. Пишу вамъ, юноши, яко побѣдисте лукаваго. Пишу вамъ, дѣти, яко познасте Отца.
2:14 См.: 🔗Еф. 6:10	Писахъ вамъ, отцы, яко познасте Искон­наго: писахъ вамъ, юноши, яко крѣпцы есте, и слово Божiе въ васъ пребываетъ, и побѣдисте лукаваго.
2:15 См.: 🔗Мф. 6:24	Не любите мiра, ни яже въ мiрѣ: аще кто любитъ мiръ, нѣсть любве Отчи въ немъ:
2:16	яко все, еже въ мiрѣ, похоть плотская и похоть очима и гордость житейская, нѣсть от­ Отца, но от­ мiра сего есть.
2:17 См.: 🔗Ис. 40:6 🔗1Кор. 7:31	И мiръ преходитъ, и похоть его, а творяй волю Божiю пребываетъ во вѣки.
2:18 См.: 🔗Лк. 21:8	[Зач. 71.] Дѣти, послѣдняя година есть. И якоже слышасте, яко антихристъ грядетъ, и нынѣ антихристи мнози быша, от­ сего разумѣваемъ, яко послѣднiй часъ есть.
2:19 См.: 🔗Деян. 20:30	От насъ изыдоша, но не бѣша от­ насъ: аще бы от­ насъ были, пребыли убо быша съ нами: но да явят­ся, яко не суть вси от­ насъ.
2:20 См.: 🔗Мф. 11:25 🔗2Кор. 1:21	И вы помазанiе имате от­ Святаго, и вѣсте вся.
2:21	Не писахъ вамъ, яко не вѣсте истины, но яко вѣсте ю и яко всяка лжа от­ истины нѣсть.
2:22	Кто есть лживый, точiю от­метаяйся, яко Иисусъ нѣсть Христосъ? Сей есть антихристъ, от­метаяйся Отца и Сына.
2:23 См.: 🔗Мк. 8:38 🔗Ин. 8:19	Всякъ от­метаяйся Сына, ни Отца имать: а исповѣдаяй Сына, и Отца имать.
2:24	Вы убо еже слышасте исперва, въ васъ да пребываетъ: [и] аще въ васъ пребудетъ, еже исперва слышасте, и вы въ Сынѣ и Отцѣ пребудете.
2:25	И сiе есть обѣтованiе, еже Самъ обѣща намъ, животъ вѣчный.
2:26	Сiя писахъ вамъ о льстящихъ васъ.
2:27 См.: 🔗Ин. 14:26 🔗1Ин. 2:20	И вы еже помазанiе прiясте от­ Него, въ васъ пребываетъ, и не требуете, да кто учитъ вы: но яко то само помазанiе учитъ вы о всемъ, и истин­но есть, и нѣсть ложно: и якоже научи васъ, пребывайте въ немъ.
2:28	И нынѣ, чадца, пребывайте въ Немъ, да егда явит­ся, имамы дерзновенiе и не посрамимся от­ Него въ при­­ше­ст­вiи Его.
2:29	Аще вѣсте, яко праведникъ есть, разумѣйте, яко всякъ творяй правду от­ Него родися.