Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 2 | |
2:1 | И приближишася давиду дніе умрети ему, и заповѣда соломону сыну своему, глаголя: |
2:2 См.: 🔗Нав. 23:14 | азъ отхожду въ путь всея земли: ты же крѣпися, и буди мужъ совершенъ, |
2:3 См.: 🔗Нав. 22:3 🔗1Пар. 28:9 | и сохрани завѣтъ Господа Бога твоего, еже ходити во всѣхъ путехъ его, хранити заповѣди его и оправданiя его, и судьбы его и свидѣнiя его, писанная въ законѣ Моисеовѣ: да разумѣеши яже сотвориши по всѣмъ, елика заповѣдахъ тебѣ: |
2:4 См.: 🔗Пс. 131:12 🔗3Цар. 8:23 | да утвердитъ Господь слово свое, еже рече о мнѣ, глаголя: аще сохранятъ сынове твои пути своя, еже ходити предо мною во истинѣ всѣмъ сердцемъ своимъ и всею душею своею, глаголя: не искоренится тебѣ мужъ съ престола Израилева: |
2:5 См.: 🔗2Цар. 3:27 🔗2Цар. 20:10 | и ты вѣси, елика сотвори мнѣ Иоавъ сынъ саруинъ, елика сотвори двѣма воеводама силъ Израилевыхъ, Авениру сыну нирову и Амессаю сыну Иеѳерову, и уби ихъ, и излiя крови брани въ мирѣ, и даде кровь неповинныхъ на поясѣ своемъ, иже на чреслѣхъ его, и на сапозѣ своемъ сущемъ на нозѣ его: |
2:6 | и сотвориши по мудрости твоей, и не сведеши старости его съ миромъ во адъ: |
2:7 См.: 🔗2Цар. 19:31 | сыномъ же верзелліи Галаадитина сотвориши милость, и да будутъ съ ядущими трапезу твою: яко тако приближишася мнѣ, внегда бѣжати мнѣ от лица Авессалома брата твоего: |
2:8 | и се, съ тобою семей сынъ Гирань сынъ Иеменіинъ от ваурима, и той прокля мя проклятiемъ горькимъ, въ день въ оньже исхождахъ въ полки: и той сниде на срѣтенiе ми на Иорданъ, и кляхся ему о Господѣ, глаголя: не убiю тя оружiемъ: |
2:9 | и да не обезвиниши его, яко мужъ мудръ еси ты, и увѣси что сотвориши ему, и сведеши старость его съ кровiю во адъ. |
2:10 См.: 🔗Деян. 2:29 🔗Деян. 13:36 | И успе давидъ со отцы своими, и погребенъ бысть во градѣ давидовѣ. |
2:11 См.: 🔗2Цар. 5:4 🔗1Пар. 29:26 | И бысть дній, въ няже царствова давидъ во Израили, четыредесять лѣтъ: въ Хевронѣ царствова седмь лѣтъ, во Иерусалимѣ же тридесять три лѣта. |
2:12 См.: 🔗1Пар. 29:23 | И соломонъ сѣде на престолѣ давида отца своего сынъ дванадесяти лѣтъ, и уготовася царствiе его зѣло. |
2:13 | И вниде Адонiа сынъ Аггиѳинъ къ вирсавіи матери соломони, и поклонися ей. Она же рече: миръ ли входъ твой? И рече: миръ. |
2:14 | И рече: слово мнѣ къ тебѣ. И рече ему: глаголи. |
2:15 См.: 🔗3Цар. 1:5 🔗1Пар. 22:9 | И рече ей: ты вѣси, яко мнѣ бѣ царство, и на мя весь Израиль положи лице свое, еже царствовати, и обратися царство, и бысть брату моему, яко от Господа бысть ему: |
2:16 | и нынѣ прошенiя единаго азъ прошу от тебе, не отврати лица своего. И рече ему вирсавіа: глаголи. |
2:17 См.: 🔗3Цар. 1:3 | И рече къ ней: рцы къ соломону царю, яко не имать отвратити лица своего от тебе, и дабы ми далъ Ависагу сумантяныню въ жену. |
2:18 | И рече вирсавіа: добрѣ, азъ имамъ глаголати о тебѣ къ царю. |
2:19 | И вниде вирсавіа предъ царя соломона глаголати ему о Адонiи. И воста царь на срѣтенiе ей, и поклонися ей, и сѣде на престолѣ своемъ: и поставиша престолъ другій матери царевѣ, и сѣде одесную его, |
2:20 | и рече ему: прошенiя мала единаго азъ прошу у тебе, не отврати лица моего. И рече къ ней царь: проси, мати моя, яко не отвращуся от тебе. |
2:21 | И рече: даждь Ависагу сумантяныню Адонiи брату твоему въ жену. |
2:22 См.: 🔗3Цар. 1:7 | И отвѣща царь соломонъ и рече матери своей: вскую ты просиши Ависаги сумантяныни Адонiи? еще проси ему и царства, яко той братъ мой болшiй мене, и ему Авiаѳаръ иерей, и ему Иоавъ сынъ саруинъ воевода другъ. |
2:23 | И клятся царь соломонъ Господемъ, глаголя: сiя да сотворитъ мнѣ Богъ и сiя да приложитъ, яко на душу свою глагола Адонiа слово сiе: |
2:24 См.: 🔗2Цар. 7:12 | и нынѣ живъ Господь, иже уготова мя, и посади мя на престолѣ отца моего давида, и той сотвори ми домъ, якоже глагола Господь, яко днесь умретъ Адонiа. |
2:25 | И посла царь соломонъ рукою ванеа сына Иодаева, и уби его, и умре Адонiа въ той день. |
2:26 | И Авiаѳару иерею рече царь: тецы ты во Анаѳоѳъ на село твое, яко мужъ смерти еси ты въ днешнiй день, но не умерщвлю тебе, яко носилъ еси кивотъ завѣта Господня предъ отцемъ моимъ [давидомъ], и яко озлобленъ былъ еси во всѣхъ, имиже озлобленъ бѣ отецъ мой. |
2:27 См.: 🔗1Цар. 2:31 | И изгна соломонъ Авiаѳара, еже не быти ему иереемъ Господнимъ, якоже сбытися словеси Господню, еже глагола на домъ иліевъ въ Силомѣ. |
2:28 См.: 🔗3Цар. 1:50 | И слухъ дойде до Иоава сына саруина, яко Иоавъ послѣдова Адонiи, и въ слѣдъ соломонь не уклонися. И бѣжа Иоавъ въ скинiю Господню, и ятся роговъ олтаревыхъ. |
2:29 | И возвѣстиша соломону, глаголюще: яко бѣжа Иоавъ въ скинiю Господню, и се, держится роговъ олтаревыхъ. И посла царь соломонъ ко Иоаву, глаголя: что ти бысть, яко убѣжалъ еси во олтарь? И рече Иоавъ: яко убояхся от лица твоего, и бѣжахъ ко Господу. И посла соломонъ ванеа сына Иодаева, глаголя: иди, и убій его, и погреби его. |
2:30 | И прiиде ванеа сынъ Иодаевъ ко Иоаву въ скинiю Господню, и рече ему: сiя глаголетъ царь: изыди. И рече Иоавъ: не изыду, но да здѣ умру. И возвратися ванеа сынъ Иодаевъ и рече царю, глаголя: сiя глагола Иоавъ и сiя отвѣща мнѣ. |
2:31 См.: 🔗Исх. 21:14 🔗2Цар. 23:20 | И рече ему царь: иди и сотвори ему, якоже рече, и убій его, и погреби его, и отими днесь кровь, юже туне пролiя Иоавъ, от мене и от дому отца моего: |
2:32 См.: 🔗2Цар. 3:27 🔗2Цар. 20:10 | и возврати Господь кровь неправды его на главу его, якоже нападе на два мужа праведна и блага паче его, и уби ихъ оружiемъ: и отецъ мой давидъ не разумѣ крове ихъ, Авенира сына нирова, воеводу Израилева, и Амессая сына Иеѳерова, воеводу Иудина: |
2:33 | и возвратися кровь ихъ на главу его и на главу сѣмене его во вѣки: давиду же и сѣмени его, и дому его, и престолу его миръ да будетъ до вѣка от Господа. |
2:34 См.: 🔗2Цар. 3:39 | И взыде ванеа сынъ Иодаевъ и нападе на него, и уби его, и погребе его въ дому его въ пустыни. |
2:35 | И еще живъ сый давидъ, заповѣда соломону глаголя: се, съ тобою семей сынъ Гирань, сынъ сѣмене Иеменіина, от Хеврона: |
2:36 | и нынѣ да не обезвиниши его, яко мужъ смысленъ еси ты, и разумѣеши яже сотвориши ему, и сведеши старость его съ кровiю во адъ. |
2:37 | и той сниде въ срѣтенiе ми на Иорданъ, и кляхся ему Господемъ, глаголя, яко не умерщвлю его оружiемъ: |
2:38 | сей кляше мя клятвою укоризненною, въ день въ оньже идохъ въ полки: |
2:39 | обаче по созданiи дому Господня и стѣны Иерусалимскiя окрестъ, по сихъ созда грады сiя. |
2:40 | И созда Ассуръ, и Магдонъ и газеръ, и веѳоронъ вышнiй и Валалаѳъ: |
2:41 | И сіи старѣйшины приставлени надъ дѣлами соломоними, три тысящы и шесть сотъ приставникъ за людьми дѣлающими дѣло. |
2:42 | и созда краеградiе, и забрала надъ нимъ, и разсѣче градъ давидовъ. Тако дщи фараоня прейде от града давидова въ домъ свой, егоже созда ей: тогда созда краеградiе. |
2:43 | И сотвори соломонъ море, и подкрѣпленiя, и бани великiя, и столпы, и источникъ дворный, и море мѣдяное: |
2:44 | И бяше у соломона седмьдесятъ тысящъ [мужей] носящихъ бремена, и осмьдесятъ тысящъ каменосѣчцевъ въ горѣ. |
2:45 | И поятъ дщерь фараоню, и введе ю во градъ давидовъ, дондеже сконча себѣ здати домъ свой, и домъ Господень въ первыхъ, и стѣну Иерусалима окрестъ: въ седмь лѣтъ сотвори и сконча. |
2:46 | и исполнися разума соломонъ паче разума всѣхъ древнихъ сыновъ и паче всѣхъ мудрыхъ Египетскихъ. |
2:47 | И даде Господь смыслъ соломону и премудрость многу зѣло, и широту сердца, якоже песокъ иже при мори: |
2:48 | И постави царь соломонъ ванеа сына Иодаева вмѣсто его надъ воинствомъ: царство же управляшеся во Иерусалимѣ. И садока иереа даде соломонъ царь во иереа перваго вмѣсто Авiаѳара. |
2:49 | И соломонъ возношаше трижды въ лѣто всесожженiя и мирная на олтарь, егоже созда Господеви, и кадяше предъ Господемъ, и соверши домъ. |
2:50 | И пославъ царь соломонъ, призва семеа и рече ему: созижди себѣ домъ во Иерусалимѣ и сѣди тамо, и не исходи оттуду никаможе: |
2:51 | и будетъ въ день исхода твоего, и прейдеши потокъ кедрскiй, разумѣя разумѣй, яко смертiю умреши: кровь твоя будетъ на главѣ твоей. И заклятъ его царь въ день той. |
2:52 | И рече семей къ царю: благъ глаголъ, егоже глаголалъ еси, господи мой царю: тако сотворитъ рабъ твой. И сѣде семей во Иерусалимѣ три лѣта. |
2:53 См.: 🔗1Цар. 21:10 🔗1Цар. 27:2 | И бысть по трiехъ лѣтѣхъ, и бѣжаста два раба семеина ко агхусу сыну маахаину, царю геѳску. И возвѣстиша семею, глаголюще: се, раби твои во геѳѣ. |
2:54 | И воста семей, и осѣдла осля свое, и иде во геѳъ ко агхусу взыскати рабы своя: и пойде семей, и приведе рабы своя от геѳа. |
2:55 | И возвѣстиша соломону, глаголюще: яко семей ходи изъ Иерусалима въ геѳъ и возврати рабы своя. |
2:56 | И посла царь и призва семеа и рече къ нему: не закляхъ ли тя Господемъ, и засвидѣтелствовахъ тебѣ, глаголя: въ оньже аще день изыдеши изъ Иерусалима и пойдеши на десно или на шуее, разумѣя разумѣй, яко смертiю умреши? и реклъ ми еси: благъ глаголъ, егоже слышахъ: |
2:57 | и что яко не сохранилъ еси клятвы Господни и заповѣди, юже заповѣдахъ на тя? |
2:58 См.: 🔗2Цар. 16:5 🔗2Цар. 19:23 | И рече царь къ семею: ты вѣси всю злобу твою, юже вѣсть сердце твое, яже сотворилъ еси давиду отцу моему: и возврати Господь злобу твою на главу твою: |
2:59 См.: 🔗1Мак. 2:57 | и царь соломонъ благословенъ, и престолъ давидовъ будетъ готовъ предъ Господемъ во вѣки. |
2:60 | И заповѣда царь соломонъ ванею сыну Иодаеву: и изыде, и уби его, и умре [семей]. |