Второе Соборное послание апостола Петра, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Втор. 13:1 🔗Мф. 24:11 🔗1Тим. 4:1	Быша же и лживiи пророцы въ людѣхъ, якоже и въ васъ будутъ лживiи учителiе, иже внесутъ ереси погибели, и искупльшаго ихъ Владыки от­метающеся, при­­водяще себѣ скору погибель.
2:2 См.: 🔗2Тим. 4:3	И мнози послѣд­ст­вуютъ ихъ нечистотамъ, ихже ради путь истин­ный похулит­ся.
2:3 См.: 🔗Рим. 16:18	И въ пре­умноженiи льстивыхъ словесъ {въ лихо­им­ст­вѣ льстивыми словесы} васъ уловятъ: ихже судъ искони не коснитъ, и погибель ихъ не дремлетъ.
2:4 См.: 🔗Иов. 4:18 🔗1Ин. 3:8 🔗Иуд. 1:6	Аще бо Богъ аггеловъ согрѣшив­шихъ не пощадѣ, но пленицами мрака связавъ, предаде на судъ мучимыхъ блюсти:
2:5 См.: 🔗Быт. 7:7	и перваго мiра не пощадѣ, но осмаго Ноа правды проповѣдника сохрани, потопъ мiру нече­ст­вовав­шихъ наведе:
2:6 См.: 🔗Быт. 19:24	и грады Cодомскiя и Гоморрскiя сжегъ, разоренiемъ осуди, образъ хотящымъ нече­ст­вовати положивъ:
2:7 См.: 🔗Быт. 19:5	и праведнаго Лота, обидима от­ беззакон­ныхъ въ нечистотѣ сожитiя, избави:
2:8 См.: 🔗Иез. 9:4	видѣнiемъ бо и слухомъ праведный, живый въ нихъ, день от­ дне душу праведну беззакон­ными дѣлы мучаше:
2:9 См.: 🔗Пс. 90:15 🔗1Кор. 10:13	[Зач. 67.] вѣсть Господь благо­честивыя от­ напасти избавляти, неправедники же на день судный мучимы блюсти,
2:10 См.: 🔗Иуд. 1:8	наипаче же вслѣдъ плотскія похоти скверненiя ходящыя и о господ­ст­вѣ нерадящыя: продерзателе, себѣ угодницы, славы не трепещутъ хуляще:
2:11 См.: 🔗Иуд. 1:9	идѣже Ангели крѣпостiю и силою болши суще, не терпятъ на ся от­ Господа укоризненъ судъ.
2:12	Сіи же, яко скоти животни есте­с­т­вомъ быв­ше въ погибель и тлю, въ нихже не разумѣютъ хуляще, во истлѣнiи сво­емъ истлѣютъ,
2:13 См.: 🔗Рим. 16:18 🔗Флп. 3:19	прiемлюще мзду неправедну, сласть мняще вседневное насыщенiе, сквернители и порочницы, питающеся лестьми сво­ими, ядуще съ вами,
2:14 См.: 🔗1Тим. 6:10	очи имуще исполнь блудодѣянiя и непрестаемаго грѣха, прельщающе душы неутверждены, сердце научено лихо­им­ст­ву имуще, клятвы чада:
2:15 См.: 🔗Иуд. 1:11	оставльше правый путь заблудиша, послѣдовав­ше пути Валаама Восорова, иже мзду неправедну воз­люби,
2:16 См.: 🔗Чис. 22:23	обличенiе же имѣ сво­его беззаконiя: подъяремникъ безгласенъ, человѣческимъ гласомъ провѣщав­шь, воз­брани пророка безумiе.
2:17 См.: 🔗Иуд. 1:12	Сіи суть источницы безводни, облацы и мглы от­ вѣтръ преносими, имже мракъ темный во вѣки блюдет­ся.
2:18	Прегордая бо суеты вѣщающе, прельщаютъ въ скверны плотскія похоти, от­бѣгающихъ всячески от­ нихъ живущихъ во льсти,
2:19 См.: 🔗Ин. 8:34 🔗Рим. 6:16	свободу имъ обѣщавающе, сами раби суще тленiя: имже бо кто побѣжденъ бываетъ, сему и работенъ есть.
2:20 См.: 🔗Мф. 12:45 🔗Лк. 11:26	Аще бо от­бѣгше сквернъ мiра въ разумъ {познанiемъ} Господа и Спаса на­шего Иисуса Христа, сими же паки сплетшеся побѣждаеми бываютъ, быша имъ послѣдняя горша первыхъ.
2:21 См.: 🔗Ин. 15:22	Лучше бо бѣ имъ не познати пути правды, нежели познав­шымъ воз­вратитися вспять от­ предан­ныя имъ святыя заповѣди.
2:22 См.: 🔗Прит. 26:11	Случися бо имъ истин­ная притча: песъ воз­вращься на свою блевотину, и: свинiя, омыв­шися, въ калъ тин­ный.