Книга пророка Исаии, глава 15

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 15
15:1 См.: 🔗Иер. 48:13	Нощiю погибнетъ Моавитска земля, нощiю бо погибнетъ стѣна Моавитская.
15:2 См.: 🔗Иер. 48:37 🔗Иез. 7:18	Плачитеся о себѣ, погибнетъ бо и дивонъ, идѣже требище ва­ше: тамо взыдете плакатися надъ Нававомъ Моавитскимъ. Плачитеся, на всяцѣй главѣ плѣшь, вся мышцы обсѣчены,
15:3 См.: 🔗Ис. 22:1	на стогнахъ его препояшитеся во вретища, и восплачитеся на храминахъ его и на улицахъ его и на стогнахъ его, вси воз­рыдайте съ плачемъ.
15:4	Яко возопи есевонъ и Елеала, даже до Иассы услышася гласъ ихъ: сего ради чресла Моавитиды вопiютъ, душа ея увѣсть.
15:5 См.: 🔗Иер. 48:34	Сердце Моавитиды вопiетъ въ ней даже до Сигора: юница бо есть трилѣтна. Въ воз­ше­ст­вiи же луиѳа къ тебѣ плачущеся взыдутъ путемъ Аронiимлимъ: вопiетъ сотренiе и трусъ.
15:6 См.: 🔗Чис. 32:36	Вода немримля пуста будетъ, и трава ея оскудѣетъ: травы бо зелены не будетъ.
15:7	Еда и сице спасет­ся? наведу бо на дебрь Аравлянъ, и возмутъ ю:
15:8 См.: 🔗Чис. 21:15 🔗2Цар. 8:2 🔗4Цар. 1:1	прейде бо вопль предѣлъ земли Моавитскiя до агаллима, и плачь ея даже до кладязя Елимля.
15:9	Вода бо димоня наполнит­ся крове: наведу бо на димона Аравляны, и воз­му сѣмя Моавле и Арiилево и останокъ Адаминь.