Книга пророка Исаии, глава 32

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 32
32:1 См.: 🔗Иер. 23:5 🔗Иер. 33:15 🔗Ис. 11:5	Се бо, Царь праведный воцарит­ся, и князи со судомъ владѣти начнутъ.
32:2 См.: 🔗Пс. 142:6	И будетъ человѣкъ сокрываяй словеса своя, и скрыет­ся, аки от­ воды носимыя: и явит­ся въ Сiонѣ яко рѣка текущая славная въ земли жаждущей.
32:3	И ксему не будутъ уповающе на человѣки, но ушы вдадятъ на слышанiе,
32:4 См.: 🔗Лк. 10:21	и сердце изнемогшихъ вонметъ послушати, и языцы нѣмот­ст­вующiи скоро научат­ся глаголати миръ:
32:5	и ксему не рекутъ юродивому владѣти, и ксему не рекутъ слуги тво­и: молчи.
32:6 См.: 🔗1Цар. 24:14	Юродъ бо юродивая изрѣчетъ, и сердце его тщетная уразумѣетъ, еже совершати беззакон­ная и глаголати на Господа прелесть, еже растлити душы алчныя и душы жаждущыя тщы сотворити.
32:7 См.: 🔗1Цар. 8:3 🔗Прит. 29:4 🔗Деян. 20:35	Совѣтъ бо злыхъ беззакон­ная совѣщаваетъ, растлити смирен­ныя словесы неправедными и разсыпати словеса смирен­ныхъ на судѣ.
32:8 См.: 🔗Лк. 6:45	Благочестивiи же смыслен­нѣ совѣщаша, и той совѣтъ пребудетъ.
32:9	Жены богатыя, востаните и услышите гласъ мой: дщери, съ надеждею слышите словеса моя:
32:10 См.: 🔗Лев. 26:34	дня лѣтняго память сотворите въ болѣзни съ надеждею: потребися объиманiе вин­ное, преста сѣянiе, и [собиранiе] ктому не прiидетъ.
32:11	Ужаснитеся, сжалитеся, уповав­шыя, совлецытеся, наги будите, препояшите чресла своя во вретища
32:12	и въ перси бійтеся о селѣ желаемѣмъ и о винограднѣмъ рожденiи.
32:13 См.: 🔗Ис. 34:13 🔗Ос. 9:6	На земли людій мо­ихъ тернiе и былiе воз­никнетъ, и от­ всего дому радость восхитит­ся: градъ богатъ,
32:14 См.: 🔗2Пар. 27:3	домове оставлен­нiи, богат­ст­во града и домы вожделѣнiя оставятъ: и будутъ веси пещеры до вѣка, радость осломъ дивiимъ, па­ст­вы пастуховъ:
32:15 См.: 🔗Ис. 29:17	дондеже найдетъ на ны Духъ от­ вышняго, и будетъ пустыня въ хермель, а хермель въ дубраву вмѣнит­ся.
32:16 См.: 🔗Ис. 35:1	И почіетъ въ пустыни судъ, и правда въ кармилѣ вселит­ся:
32:17 См.: 🔗Рим. 5:1	и будутъ дѣла правды миръ, и одержитъ правда покой, и уповающе будутъ до вѣка:
32:18 См.: 🔗Иер. 33:16 🔗Иез. 34:27	и вселят­ся людiе его во градѣ мира и обитати будутъ уповающе, и почіютъ съ богат­ст­вомъ.
32:19	Градъ же, аще снидетъ, то не на вы прiидетъ: и будутъ живущiи въ дубравахъ уповающе, якоже сущiи на поляхъ.
32:20 См.: 🔗Пс. 71:16	Блажени сѣющiи при­­ всяцѣй водѣ, идѣже волъ и оселъ попираетъ.