Книга пророка Исаии, глава 47

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 47
47:1 См.: 🔗Иер. 13:18 🔗Иер. 48:18 🔗Втор. 28:56	Сниди, сяди на земли, дѣво, дщи Вавилоня, вниди во тму {По инымъ: сяди на землю.}, дщи Халдейска, яко не при­­ложиши ксему прозыватися мягка и юна.
47:2 См.: 🔗Суд. 16:21	Возми жерновы, мели муку, от­крый покрывало твое, от­крый сѣдины, воз­сучи голени, прейди рѣки:
47:3 См.: 🔗Наум. 3:5	от­крыет­ся студъ твой, явят­ся укоризны твоя, праведное от­ тебе воз­му, ктому не предамъ человѣкомъ.
47:4 См.: 🔗1Тим. 4:10	Рече избавивый тя Господь Саваоѳъ, имя ему святый Израилевъ:
47:5	сяди умилена, вниди во тму, дщи Халдейска, ксему не прозовешися крѣпость цар­ст­ва.
47:6 См.: 🔗Зах. 1:15 🔗2Цар. 24:14	Разгнѣвахся на люди моя, осквернила еси наслѣдiе мое: азъ вдахъ я въ руку твою, ты же не дала имъ милости, старчiй яремъ отягчила еси зѣло
47:7 См.: 🔗Отк. 18:7	и рекла еси: въ вѣкъ буду владычица: не помыслила еси сихъ въ сердцы тво­емъ, ниже помянула еси послѣднихъ:
47:8 См.: 🔗Соф. 2:15	нынѣ же слыши сiе, юная, сѣдящая, уповающая, глаголющая въ сердцы сво­емъ: азъ есмь, и нѣсть иныя, не сяду вдовою и не познаю сирот­ст­ва.
47:9 См.: 🔗Ис. 51:19	Нынѣ же прiидутъ на тя два сiя внезапу во единъ день, безчадiе и вдов­ст­во внезапу прiидетъ на тя, въ волшеб­ст­вѣ тво­емъ и въ крѣпости волхвовъ тво­ихъ зѣло,
47:10 См.: 🔗Пс. 61:11 🔗Ис. 30:12 🔗Иез. 28:2	въ надѣянiи злобы тво­ея: ты бо рекла еси: азъ есмь, и нѣсть иныя: увѣждь, яко смышленiе сихъ и блуженiе твое будетъ тебѣ срамъ: и рекла еси сердцемъ сво­имъ: азъ есмь, и нѣсть иныя.
47:11	И прiидетъ на тя пагуба, и не увѣси, пропасть, и впадеши въ ню: и прiидетъ на тя печаль, и не воз­можеши чиста быти: и прiидетъ на тя внезапу пагуба, и не увѣси.
47:12	Стани нынѣ се волхвы тво­ими и со многими чары тво­ими, имже научилася еси изъ юности тво­ея, аще воз­могутъ ти помощи.
47:13	Утрудилася еси въ совѣтѣхъ тво­ихъ: да станутъ нынѣ и спасутъ тя звѣздочетцы небесе, смотряющiи звѣздъ, да воз­вѣстятъ ти, что имать на тя прiити.
47:14 См.: 🔗Ис. 33:11 🔗Иов. 31:12	Се, вси яко хврастiе огнемъ погорятъ и не изъимутъ души сво­ея изъ пламене, понеже имаши углiе огнен­ное, сяди на нихъ.
47:15	Сіи будутъ тебѣ помощь: трудилася еси въ преложенiи от­ юности, человѣкъ самъ въ себѣ прельстися, тебѣ же не будетъ спасенiя.