Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 18 | |
18:1 См.: 🔗Иов. 8:1 🔗Иов. 25:1 | Отвѣщавъ же Валдадъ Савхейскiй, рече: |
18:2 | доколѣ не престанеши? пожди, да и мы возглаголемъ. |
18:3 | И почто аки четвероножная умолчахомъ предъ тобою? |
18:4 | Пребысть ти гнѣвъ. что бо? аще ты умреши, не населенна ли будетъ поднебесная? или превратятся горы изъ основанiй? |
18:5 См.: 🔗Иов. 21:17 | И свѣтъ нечестивыхъ угаснетъ, и не произыдетъ ихъ пламень: |
18:6 См.: 🔗Иов. 29:3 🔗Прит. 13:9 | свѣтъ его тма въ жилищи, свѣтилникъ же въ немъ угаснетъ: |
18:7 См.: 🔗Есф. 7:9 | да уловятъ меншiи имѣнiя его, погрѣшитъ же его совѣтъ: |
18:8 | ввержена же бысть нога его въ пругло, мрежею да повiется: |
18:9 См.: 🔗Иов. 5:5 | да прiидутъ же нань пругла, укрѣпитъ нань жаждущихъ: |
18:10 | скрыся въ земли уже его, и ятiе его на стези. |
18:11 См.: 🔗Иов. 27:20 | Окрестъ да погубятъ его болѣзни: мнози же окрестъ ногъ его объидутъ во гладѣ тѣснѣмъ: |
18:12 | паденiе же ему уготовано велико. |
18:13 | Поядены же да будутъ плесны ногъ его, красная же его да поястъ смерть. |
18:14 См.: 🔗Иов. 11:20 | Отторжено же буди от житiя его изцѣленiе, да иметъ же его бѣда виною царскою. |
18:15 См.: 🔗Быт. 19:24 | Да вселится въ храминѣ его въ нощи его, посыпана да будутъ лѣпотная его жупеломъ: |
18:16 См.: 🔗Ам. 2:9 | подъ нимъ коренiя его да изсохнутъ, свыше же нападетъ пожатiе его. |
18:17 См.: 🔗Прит. 2:22 | Память его да погибнетъ от земли, и [не] будетъ имя его на лицы внѣшнемъ: |
18:18 | да отринетъ его от свѣта во тму: |
18:19 См.: 🔗Пс. 36:28 🔗Прем. 3:16 | не будетъ знаемь въ людехъ его, ниже спасенъ въ поднебеснѣй домъ его: |
18:20 См.: 🔗Пс. 36:13 | но въ своихъ ему поживутъ иніи, надъ нимъ воздохнуша послѣднiи, первыхъ же объя чудо. |
18:21 См.: 🔗Иов. 20:29 | Сіи суть домове неправедныхъ, сiе же мѣсто невѣдущихъ Бога. |