Книга Иова, глава 26

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 26
26:1	Отвѣщавъ же иовъ, рече:
26:2	кому при­­лѣжиши, или кому хощеши помогати? не сему ли, емуже многа крѣпость и емуже мышца крѣпка есть?
26:3	Кому совѣтъ далъ еси? не емуже ли вся премудрость? Кого поженеши? не емуже ли превелiя сила?
26:4	Кому воз­вѣстилъ еси глаголы? дыханiе же чiе есть исходящее изъ тебе?
26:5 См.: 🔗Ис. 14:9	Еда исполини родят­ся подъ водою и сосѣдми ея?
26:6 См.: 🔗Прит. 15:11 🔗Евр. 4:13	Нагъ адъ предъ нимъ, и нѣсть покрывала пагубѣ.
26:7 См.: 🔗Иов. 38:6 🔗Евр. 1:3	Простираяй сѣверъ ни на чемже, повѣшаяй землю ни начемже,
26:8 См.: 🔗Иов. 38:37 🔗Прит. 8:28	связуяй воду на облацѣхъ сво­ихъ, и не расторжеся облакъ подъ нею:
26:9	держай лице престола, простирая надъ нимъ облакъ свой:
26:10 См.: 🔗Иов. 38:8 🔗Прит. 8:29 🔗Иер. 5:22	повелѣнiе окружи на лице воды даже до скончанiя свѣта со тмою.
26:11 См.: 🔗2Цар. 22:8	Столпи небеснiи прострошася и ужасошася от­ запрещенiя его.
26:12 См.: 🔗Пс. 88:10 🔗Ис. 51:10 🔗Лк. 8:25	Крѣпостiю укроти море, и хитростiю его низложенъ бысть китъ:
26:13	вереи же небесныя убояшася его: повелѣнiемъ же умертви зміа от­ступника.
26:14	Се, сiя части пути его: и о капли слова услышимъ въ немъ: силу же грома его кто увѣда, когда сотворитъ?