Книга Иова, глава 31

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 31
31:1 См.: 🔗Быт. 34:1 🔗Сир. 9:5 🔗Мф. 5:28	Завѣтъ положихъ очима мо­има, да не помышлю на дѣвицу.
31:2	И что удѣли Богъ свыше, и наслѣдiе всесильнаго от­ вышнихъ?
31:3	Увы, пагуба неправдивому и от­чужденiе творящымъ беззаконiе.
31:4 См.: 🔗Иов. 23:10 🔗Иов. 34:21 🔗Пс. 138:3	Не самъ ли узритъ путь мой и вся стопы моя изочтетъ?
31:5	Аще ходихъ съ посмѣятели, и аще потщася нога моя на лесть,
31:6	стахъ бо на мѣрилѣ праведнѣ, видѣ же Господь незлобiе мое.
31:7 См.: 🔗Пс. 7:4	Аще уклонися нога моя от­ пути, аще и вслѣдъ ока мо­его иде сердце мое, и аще рукама мо­има при­­коснухся даровъ,
31:8 См.: 🔗Лев. 26:16 🔗Втор. 28:30	да посѣю убо, а иніи да поядятъ, безъ корене же да быхъ былъ на земли.
31:9 См.: 🔗Иов. 24:15	Аще вслѣдъ иде сердце мое жены мужа инаго, и аще при­­сѣдяй быхъ при­­ дверехъ ея,
31:10 См.: 🔗Втор. 28:30	угодна убо буди и жена моя иному мужу, младенцы же мо­и смирени да будутъ:
31:11 См.: 🔗Быт. 38:24 🔗Лев. 20:10	ярость бо гнѣва не удержана, еже осквернити мужа инаго жену:
31:12 См.: 🔗Ис. 47:14	огнь бо есть горяй на вся страны, идѣже найдетъ, изъ коренiя погубитъ.
31:13 См.: 🔗Еф. 6:9 🔗Кол. 4:1	Аще же презрѣхъ судъ раба мо­его или рабыни, прящымся имъ предо мною:
31:14	что бо сотворю, аще испытанiе сотворитъ ми Господь? аще же и посѣщенiе, кій от­вѣтъ сотворю?
31:15	Еда не якоже и азъ бѣхъ во чревѣ, и тіи быша? бѣхомъ же въ томже чревѣ.
31:16 См.: 🔗1Ин. 3:17 🔗Иак. 2:15	Немощніи же, аще когда чесого требоваху, не не получиша, вдовича же ока не презрѣхъ.
31:17 См.: 🔗Лк. 14:13	Аще же и хлѣбъ мой ядохъ единъ и сирому не преподахъ от­ него:
31:18 См.: 🔗Иов. 29:16 🔗Сир. 4:10	понеже от­ юности мо­ея кормихъ якоже отецъ, и от­ чрева матере мо­ея наставляхъ:
31:19 См.: 🔗Ис. 58:7	аще же презрѣхъ нага погибающа и не облекохъ его:
31:20 См.: 🔗Втор. 24:13	немощніи же аще не благословиша мя, от­ стриженiя же агнцевъ мо­ихъ согрѣшася плещы ихъ:
31:21 См.: 🔗Ис. 58:4	аще воз­двигохъ на сироту руку, надѣяся, яко многа помощь мнѣ есть:
31:22 См.: 🔗Зах. 11:17	да от­падетъ убо рамо мое от­ состава, мышца же моя от­ лактя да сокрушит­ся:
31:23 См.: 🔗Быт. 50:19	страхъ бо Господень объя мя, и от­ тягости его не стерплю.
31:24 См.: 🔗Пс. 61:11 🔗Мк. 10:24	Аще вчинихъ злато въ крѣпость мою и аще на каменiя многоцѣн­ная надѣяхся,
31:25	аще же и воз­веселихся, многу ми богат­ст­ву сущу, аще же и на безчислен­ныхъ положихъ руку мою:
31:26 См.: 🔗Втор. 4:19 🔗Иез. 8:16	или не видимъ солнца воз­сiяв­шаго оскудѣвающа, луны же умаляющiяся? не въ нихъ бо есть:
31:27 См.: 🔗3Цар. 19:18	и аще прельстися отай сердце мое, аще и руку мою положивъ на устахъ мо­ихъ лобзахъ:
31:28 См.: 🔗Тит. 1:16	и сiе ми убо въ беззаконiе превелiе да вмѣнит­ся, яко солгахъ предъ Богомъ вышнимъ.
31:29 См.: 🔗Прит. 24:17	Аще же обрадовахся о паденiи врагъ мо­ихъ, и рече сердце мое: благоже, благоже:
31:30	да услышитъ убо ухо мое клятву мою, озлославленъ же да буду от­ людій мо­ихъ озлобляемь.
31:31	Аще же и многажды рѣша рабыни моя: кто убо далъ бы намъ от­ плотей его насытитися, зѣло мнѣ благу сущу?
31:32 См.: 🔗Быт. 19:2 🔗Рим. 12:13 🔗Евр. 13:2	И внѣ не водворяшеся стран­никъ, дверь же моя всякому при­­ходящему от­верста бѣ.
31:33 См.: 🔗Быт. 3:8 🔗Ос. 6:7	Аще же и согрѣшая неволею, скрыхъ грѣхъ мой:
31:34	не посрамихся бо народнаго множе­ст­ва, еже не повѣдати предъ ними: аще же и оставихъ маломощнаго изыти изъ дверiй мо­ихъ тщимъ нѣдромъ: [аще бы не убоял­ся].
31:35	Кто дастъ слуша­ю­щаго мене? руки же Господни аще быхъ не убоял­ся, писанiе же, еже имѣхъ на кого,
31:36	на плещахъ воз­ложивъ аки вѣнецъ, читахъ,
31:37	и аще не раздравъ его от­дахъ, ничтоже вземъ от­ должника:
31:38	аще на мя когда земля воз­стена, аще и бразды ея восплакашася вкупѣ:
31:39 См.: 🔗Иак. 5:11	аще и силу ея ядохъ единъ безъ цѣны, или аще и душу господина земли вземъ оскорбихъ:
31:40	вмѣсто пшеницы да взыдетъ ми кропива, а вмѣсто ячменя тернiе.