Книга Иова, глава 32

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 32
32:1 См.: 🔗Иов. 2:11	И умолча иовъ словесы. Умолчаша же и трiе друзiе его ктому прерѣковати иову, бѣ бо иовъ праведенъ предъ ними.
32:2 См.: 🔗Иов. 35:2	Разгнѣвася же Елiусъ сынъ Варахiилевъ вузитянинъ, от­ ужиче­ст­ва Арамска авситидійскiя страны, разгнѣвася же на иова зѣло, занеже нарече себе праведна предъ Богомъ,
32:3	и на трiехъ же друговъ разгнѣвася зѣло, яко не воз­могоша от­вѣщати противу иову и судиша его быти нечестива.
32:4	Елiусъ же терпяше дати от­вѣтъ иову, яко старѣйшiи его суть деньми [друзiе его].
32:5	И видѣ Елiусъ, яко нѣсть от­вѣта во устѣхъ трiехъ мужей, и воз­ъярися гнѣвомъ сво­имъ.
32:6 См.: 🔗Иов. 15:10	Отвѣщавъ же Елiусъ сынъ Варахiилевъ вузитянинъ, рече: юнѣйшiй убо есмь лѣты, вы же есте старѣйшiи: тѣмже молчахъ, убоявся воз­вѣстити вамъ хитрость мою:
32:7 См.: 🔗Иов. 12:12	рѣхъ же: время есть глаголющее, и во мнозѣхъ лѣтѣхъ вѣдятъ премудрость,
32:8 См.: 🔗Ис. 11:2 🔗Прит. 2:6	но духъ есть въ человѣцѣхъ, дыханiе же Вседержителево есть научающее:
32:9 См.: 🔗Дан. 2:21 🔗Пс. 118:100	не многолѣтнiи суть премудри, ниже старiи вѣдятъ судъ:
32:10	тѣмже рѣхъ: послушайте мене, и воз­вѣщу вамъ, яже вѣмъ, внушите глаголы моя:
32:11	реку бо вамъ послуша­ю­щымъ, дондеже испытаете словеса, и даже васъ уразумѣю,
32:12	и се, не бѣ иова обличаяй, от­вѣщаяй противно глаголомъ его от­ васъ:
32:13	да не речете: обрѣтохомъ премудрость, Господеви при­­ложив­шеся:
32:14	человѣку же попустисте глаголати таковая словеса:
32:15	ужаснушася, не от­вѣщаша ктому, обетшаша от­ нихъ словеса:
32:16	терпѣхъ, не глаголахъ бо, яко сташа, не от­вѣщаша, яко да от­вѣщаю и азъ часть.
32:17	Отвѣща же Елiусъ, глаголя:
32:18 См.: 🔗Иер. 20:9 🔗Мих. 3:8	паки воз­глаголю, исполненъ бо есмь словесъ: убиваетъ бо мя духъ чрева:
32:19	чрево же мое яко мѣхъ мста вряща завязанъ, или якоже мѣхъ коваческiй расторгнутый:
32:20	воз­глаголю, да почію, от­верзъ уста:
32:21 См.: 🔗Иер. 17:16	человѣка бо не постыждуся, но ниже брен­наго посрамлюся:
32:22	не вѣмъ бо чудитися лицу: аще же ни, то и мене молiе изъядятъ.