Книга Судей Израилевых, глава 13

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 13
13:1 См.: 🔗Суд. 2:11 🔗Суд. 3:7	И при­­ложиша еще сынове Израилевы творити зло предъ Господемъ: и предаде я Господь въ руку Филистимску четыредесять лѣтъ.
13:2 См.: 🔗Нав. 15:33 🔗Суд. 16:31	И бяше мужъ единъ от­ Сараи, от­ племене Данова, имя же ему Маное: и жена ему бяше неплоды и не ражда­ше.
13:3 См.: 🔗Суд. 2:1 🔗Быт. 18:10	И явися Ангелъ Господень къ женѣ и рече къ ней: се, ты неплоды и не раждала еси, и зачнеши и родиши сына:
13:4 См.: 🔗Чис. 6:3	и нынѣ блюдися, и не пій вина и сикера, и не яждь всякаго нечистаго:
13:5 См.: 🔗Чис. 6:5	яко се, ты во утробѣ прiимеши и родиши сына: и желѣзо на главу его не взыдетъ, яко назорей Богови будетъ сiе отроча от­ чрева: и сей начнетъ спасати Израиля изъ руки Филистимли.
13:6 См.: 🔗Лк. 1:12	И вниде жена и рече мужу сво­ему, глаголющи: человѣкъ Божiй прiиде ко мнѣ, и образъ его яко образъ Ангела Божiя, стра­шенъ зѣло: и вопрошахъ его, от­куду еси? и имене сво­его не повѣда ми,
13:7	и рече мнѣ: се, ты во утробѣ зачнеши и родиши сына: и нынѣ не пій вина, ни сикера, и не яждь всякаго нечистаго, яко назорей Богу будетъ отрочищь от­ утробы даже до дне смерти сво­ея.
13:8 См.: 🔗Быт. 25:21	И помолися Маное ко Господу и рече: во мнѣ, Господи, человѣкъ Божiй, егоже послалъ еси, да прiидетъ еще къ намъ и наставитъ ны, что сотворимъ отрочати раждающемуся.
13:9	И послуша Богъ молитвы Маноевы: и прiиде паки Ангелъ Божiй къ женѣ, сiя же сѣдяше на селѣ, и Маное мужъ ея не бяше съ нею.
13:10	И потщася жена, и текши скоро повѣда мужу сво­ему, и рече къ нему: се, явися мнѣ мужъ, иже при­­ходилъ въ день онъ ко мнѣ.
13:11	И воставъ иде Маное вслѣдъ жены сво­ея, и прiиде къ мужу и рече ему: ты ли еси мужъ глаголавый къ женѣ [мо­ей]? И рече Ангелъ: азъ.
13:12	И рече Маное: нынѣ убо да прiидетъ слово твое, кій будетъ судъ отрочате, и что дѣла его?
13:13	И рече Ангелъ Господень къ Маною: от­ всѣхъ, яже глаголахъ къ женѣ, да сохранит­ся:
13:14 См.: 🔗Чис. 6:3 🔗Лк. 1:15	от­ всего, еже исходитъ изъ винограда, да не ястъ, и вина и сикера да не пiетъ, и всякаго нечистаго да не ястъ: и вся, елика заповѣдахъ ей, да хранитъ.
13:15 См.: 🔗Суд. 6:18	И рече Маное ко Ангелу Господню: да удержимъ тя здѣ, и сотворимъ предъ тобою козлище от­ козъ.
13:16	И рече Ангелъ Господень къ Маною: аще мя понудиши, не буду ясти хлѣба тво­его: но аще сотвориши всесожженiе Господеви, то воз­неси е. Не вѣдяше бо Маное, яко Ангелъ Господень той.
13:17 См.: 🔗Быт. 32:29	И рече Маное ко Ангелу Господню: что имя твое? да егда сбудет­ся слово твое, прославимъ тя.
13:18 См.: 🔗Ис. 9:6 🔗Ис. 45:15	И рече ему Ангелъ Господень: почто сiе вопрошаеши имене мо­его? и то есть чудно.
13:19	И взя Маное козлища от­ козъ и жертву, и воз­несе на камень Господеви чудная творящему: Маное же и жена его зряста.
13:20 См.: 🔗Мф. 17:6 🔗Лк. 1:12	И бысть егда пламень взыде выше олтаря даже до небесе, и взыде Ангелъ Господень въ пламени олтаря: Маное же и жена его смотряста, и падоста лицемъ сво­имъ на землю.
13:21	И не при­­ложи ктому Ангелъ Господень явитися Маною и женѣ его. Тогда увѣдѣ Маное, яко Ангелъ Господень есть.
13:22 См.: 🔗Исх. 19:21 🔗Втор. 5:24 🔗Мф. 28:8	И рече Маное къ женѣ сво­ей: смертiю умремъ, яко Бога видѣхомъ.
13:23	И рече ему жена его: аще бы хотѣлъ Господь умертвити насъ, не бы взялъ от­ рукъ нашихъ всесожженiя и жертвы, и не бы показалъ намъ сихъ всѣхъ, и не бы слышана сiя сотворилъ намъ якоже нынѣ.
13:24 См.: 🔗Евр. 11:32	И роди жена сына, и нарече имя ему Сампсонъ. И воз­мужа отроча, и благослови е Господь:
13:25 См.: 🔗1Цар. 16:13 🔗Мф. 4:1 🔗Лк. 4:1	и нача Духъ Господень ходити съ нимъ въ полцѣ Дановѣ, посредѣ Сараи и посредѣ Есѳаола.