Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 3 | |
3:1 | Се, Аз посылаю Ангела Моего, и призрит на путь пред лицем Моим: и внезапу приидет в церковь Свою Господь, Егоже вы ищете, и Ангел завета, Егоже вы хощете: се, грядет, глаголет Господь Вседержитель. |
3:2 | И кто стерпит день пришествия Его? И кто постоит в видении Его? Зане Той входит яко огнь горнила и яко мыло перущих. |
3:3 | И сядет разваряя и очищая яко сребро и яко злато, и очистит сыны Левиины, и прелиет я яко злато и яко сребро: и будут Господеви приносяще жертву в правде. |
3:4 | И угодна будет Господеви жертва Иудова и Иерусалимля, якоже дние века и якоже лета преждняя. |
3:5 | И прииду к вам с судом, и буду свидетель скор на чародеи и на прелюбодейцы, и на кленущыяся именем Моим во лжу и на лишающыя мзды наемника, и на насильствующыя вдовиц и пхающыя сирыя, и на укланяющыя суд пришелца и на небоящыяся Мене, глаголет Господь Вседержитель: |
3:6 См.: 🔗Чис. 23:19 | зане Аз Господь Бог ваш, и не изменяюся, и вы сынове Иаковли не удаляетеся от грех отец ваших. |
3:7 См.: 🔗Зах. 1:3 | Уклонистеся от законов Моих и не сохранисте: обратитеся ко Мне, и обращуся к вам, глаголет Господь Вседержитель. И ресте: в чесом обратимся? |
3:8 | Еда обольстит человек Бога? Зане вы обольщаете Мя. И ресте: в чесом обольстихом Тя? Яко десятины и начатцы с вами суть. |
3:9 | И взирающе вы взираете, и Мене вы обольщаете. |
3:10 См.: 🔗4Цар. 7:2 | Лето скончася, и внесосте вся плоды в сокровища, и будет расхищение Его в дому Его: обратитеся убо о сем, глаголет Господь Вседержитель: аще не отверзу вам хлябий небесных и излию вам благословение Мое, дондеже удовлитеся: |
3:11 | и разделю вам в брашно, и не имам истлити вам плодов земных, и не изнеможет ваш виноград на селе, глаголет Господь Вседержитель: |
3:12 См.: 🔗Втор. 33:29 | и ублажат вы вси языцы, зане будете вы земля пожеланная, глаголет Господь Вседержитель. |
3:13 См.: 🔗Иуд. 1:15 | Отяготисте на Мя словеса ваша, глаголет Господь (Вседержитель). И ресте: о чем клеветахом на Тя? |
3:14 См.: 🔗Иов. 21:15 | Ресте: суетен работаяй Богу, и что более, яко сохранихом хранения Его и яко идохом молитвенницы пред лицем Господа Вседержителя? |
3:15 См.: 🔗Пс. 94:9 | И ныне мы блажим чуждих, и созидаются вси творящии беззаконная, сопротивишася Богови и спасошася. |
3:16 | Сия рекоша боящиися Господа, кийждо ко искреннему своему: и внят Господь, и услыша, и написа книгу памяти пред Собою боящымся Господа и благоговеющым имя Его. |
3:17 См.: 🔗Мф. 13:30 | И будут Ми, глаголет Господь Вседержитель, в день, егоже Аз творю в снабдение, и изберу я, имже образом избирает человек сына своего (добре) работающа ему. |
3:18 См.: 🔗Ис. 3:10 🔗Ис. 65:13 | И обратитеся и увидите между праведным и между беззаконным, и между служащим Богови и не служащим Ему. |