Евангелие от Матфея, глава 11

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 11
11:1	И бысть, егда соверши Иисус заповедая обеманадесяте ученикома Своима, прейде оттуду учити и проповедати во градех их.
11:2 См.: 🔗Лк. 7:18	Иоанн же слышав во узилищи дела Христова, посла два от ученик своих,
11:3 См.: 🔗Втор. 18:15	рече Ему: Ты ли еси Грядый, или иного чаем?
11:4	И отвещав Иисус рече има: шедша возвестита Иоаннови, яже слышита и видита:
11:5 См.: 🔗Ис. 29:18 🔗Ис. 35:5	слепии прозирают и хромии ходят, прокаженнии очищаются и глусии слышат, мертвии востают и нищии благовествуют:
11:6	и блажен есть, иже аще не соблазнится о Мне.
11:7	Тема же исходящема, начат Иисус народом глаголати о Иоанне: чесо изыдосте в пустыню видети? Трость ли ветром колеблему?
11:8	Но чесо изыдосте видети? Человека ли в мягки ризы облеченна? Се, иже мягкая носящии, в домех царских суть.
11:9	Но чесо изыдосте видети? Пророка ли? Ей, глаголю вам, и лишше пророка.
11:10 См.: 🔗Мал. 3:1 🔗Мк. 1:2 🔗Лк. 7:27	Сей бо есть, о немже есть писано: се, Аз посылаю Ангела Моего пред лицем Твоим, иже уготовит путь Твой пред Тобою.
11:11	Аминь глаголю вам, не воста в рожденных женами болий Иоанна Крестителя: мний же во Царствии Небеснем болий его есть.
11:12 См.: 🔗Лк. 16:16	От дний же Иоанна Крестителя доселе Царствие Небесное нудится, и нуждницы восхищают е:
11:13	вси бо пророцы и закон до Иоанна прорекоша.
11:14 См.: 🔗Мал. 4:5	И аще хощете прияти, той есть Илиа хотяй приити:
11:15	имеяй ушы слышати да слышит.
11:16 См.: 🔗Лк. 7:31	Кому же уподоблю род сей? Подобен есть детем седящым на торжищих, и возглашающым другом своим
11:17	и глаголющым: пискахом вам, и не плясасте: плакахом вам, и не рыдасте.
11:18	Прииде бо Иоанн ни ядый, ни пияй: и глаголют: беса имать.
11:19 См.: 🔗Лк. 7:34	Прииде Сын Человеческий ядый и пияй: и глаголют: се, человек ядца и винопийца, мытарем друг и грешником. И оправдися премудрость от чад своих.
11:20	Тогда начат Иисус поношати градовом, в нихже быша множайшыя силы Его, зане не покаяшася:
11:21 См.: 🔗Лк. 10:13	горе тебе, Хоразине, горе тебе, Вифсаидо: яко аще в Тире и Сидоне быша силы были бывшыя в вас, древле убо во вретищи и пепеле покаялися быша:
11:22	обаче глаголю вам Тиру и Сидону отраднее будет в день судный, неже вам.
11:23	И ты, Капернауме, иже до небес вознесыйся, до ада снидеши: зане аще в Содомех быша силы были бывшыя в тебе, пребыли убо быша до днешняго дне:
11:24	обаче глаголю вам, яко земли Содомстей отраднее будет в день судный, неже тебе.
11:25 См.: 🔗Пс. 8:3 🔗Лк. 10:21 🔗1Кор. 1:27 🔗1Кор. 11:3	В то время отвещав Иисус рече: исповедаютися, Отче, Господи небесе и земли, яко утаил еси сия от премудрых и разумных и открыл еси та младенцем:
11:26	ей, Отче, яко тако бысть благоволение пред Тобою.
11:27 См.: 🔗Мф. 16:17 🔗Ин. 3:35 🔗Ин. 6:46	Вся Мне предана суть Отцем Моим: и никтоже знает Сына, токмо Отец: ни Отца кто знает, токмо Сын, и емуже аще волит Сын открыти.
11:28	Приидите ко Мне вси труждающиися и обремененнии, и Аз упокою вы:
11:29 См.: 🔗Иер. 6:16	возмите иго Мое на себе и научитеся от Мене, яко кроток есмь и смирен сердцем: и обрящете покой душам вашым:
11:30 См.: 🔗1Ин. 5:3	иго бо Мое благо, и бремя Мое легко есть.