Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 3 | |
3:1 См.: 🔗2Кор. 13:11 | Прочее же, братие моя, радуйтеся о Господе. Таяжде (бо) писати вам, мне убо неленостно, вам же твердо. |
3:2 См.: 🔗Ис. 56:10 🔗2Кор. 11:13 | Блюдитеся от псов, блюдитеся от злых делателей, блюдитеся от сечения: |
3:3 См.: 🔗Иер. 4:4 🔗Рим. 2:29 | мы бо есмы обрезание, иже духом Богу служим и хвалимся о Христе Иисусе, а не в плоти надеемся: |
3:4 | ибо и аз имею надеяние такожде во плоти. Аще кто ин мнит надеятися во плоти, аз паче, |
3:5 См.: 🔗Деян. 23:6 🔗Деян. 26:5 | обрезан осмодневно, от рода Израилева, колена Вениаминова, Евреин от Еврей, по закону фарисей, |
3:6 См.: 🔗Деян. 8:3 | по ревности гоних Церковь Божию, по правде законней быв непорочен. |
3:7 | Но яже ми бяху приобретения, сия вмених Христа ради тщету. |
3:8 | Но убо вменяю вся тщету быти за превосходящее разумение Христа Иисуса Господа моего, Егоже ради всех отщетихся, и вменяю вся уметы быти, да Христа приобрящу |
3:9 См.: 🔗Рим. 3:22 🔗Евр. 4:3 | и обрящуся в Нем, не имый моея правды, яже от закона, но яже верою (Иисус) Христовою, сущую от Бога правду в вере: |
3:10 См.: 🔗Рим. 6:5 🔗Рим. 8:17 | яко разумети Его, и силу воскресения Его, и союбщение страстей Его, сообразуяся смерти Его, |
3:11 | аще како достигну в воскресение мертвых. |
3:12 См.: 🔗1Кор. 13:12 🔗1Тим. 6:12 | Не зане уже достигох, или уже совершихся: гоню же, аще и постигну, о немже и постижен бых от Христа Иисуса. |
3:13 См.: 🔗Лк. 9:62 | Братие, аз себе не у помышляю достигша: едино же, задняя убо забывая, в предняя же простираяся, |
3:14 См.: 🔗1Кор. 9:24 | со усердием гоню, к почести вышняго звания Божия о Христе Иисусе. |
3:15 См.: 🔗Евр. 5:14 | Елицы убо совершенни, сие да мудрствуим: и еже аще ино что мыслите, и сие Бог вам открыет. |
3:16 | Обаче в неже достигохом, тоже да мудрствуем и темже правилом жителтвуем. |
3:17 См.: 🔗Флп. 4:9 🔗2Фес. 3:9 | Подобни ми бывайте, братие, и смотряйте тако ходящыя, якоже имате образ нас. |
3:18 | Мнози бо ходят, ихже многажды глаголах вам, ныне же и плачя глаголю, враги креста Христова: |
3:19 См.: 🔗2Пет. 2:1 🔗Рим. 16:18 | имже кончина погибель, имже бог чрево, и слава в студе их, иже земная мудрствуют. |
3:20 См.: 🔗Тит. 2:13 🔗Евр. 13:14 | Наше бо житие на небесех есть, отюнудуже и Спасителя ждем, Господа (нашего) Иисуса Христа, |
3:21 См.: 🔗1Ин. 3:2 🔗1Кор. 15:42 | Иже преобразит тело смирения нашего, яко быти сему сообразну телу славы Его, по действу еже возмогати Ему и покорити Себе всяческая. |