Послание апостола Павла к Филиппийцам, глава 3

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 3
3:1 См.: 🔗2Кор. 13:11	[Зач. 244.] Прочее же, братiе моя, радуйтеся о Господѣ. Таяжде [бо] писати вамъ, мнѣ убо нелѣностно, вамъ же твердо.
3:2 См.: 🔗Ис. 56:10 🔗2Кор. 11:13	Блюдитеся от­ псовъ, блюдитеся от­ злыхъ дѣлателей, блюдитеся от­ сѣченiя:
3:3 См.: 🔗Иер. 4:4 🔗Рим. 2:29	мы бо есмы обрѣзанiе, иже духомъ Богу служимъ и хвалимся о Христѣ Иисусѣ, а не въ плоти надѣемся:
3:4	ибо и азъ имѣю надѣянiе такожде во плоти. Аще кто инъ мнитъ надѣятися во плоти, азъ паче,
3:5 См.: 🔗Деян. 23:6 🔗Деян. 26:5	обрѣзанъ осмодневно, от­ рода Израилева, колѣна Венiаминова, Евреинъ от­ Еврей, по закону фарисей,
3:6 См.: 🔗Деян. 8:3	по ревности гонихъ Церковь Божiю, по правдѣ закон­нѣй бывъ непороченъ.
3:7	Но яже ми бяху при­­обрѣтенiя, сiя вмѣнихъ Христа ради тщету.
3:8 См.: 🔗Прем. 5:3 🔗Ис. 53:11 🔗Иер. 9:24 🔗Ин. 17:3 🔗Кол. 2:2	Но убо вмѣняю вся тщету быти за превосходящее разумѣнiе Христа Иисуса Господа мо­его, [Зач. 245.] Егоже ради всѣхъ отщетихся, и вмѣняю вся уметы быти, да Христа при­­обрящу
3:9 См.: 🔗Рим. 3:22 🔗Евр. 4:3	и обрящуся въ Немъ, не имый мо­ея правды, яже от­ закона, но яже вѣрою [Иисусъ] Христовою, сущую от­ Бога правду въ вѣрѣ:
3:10 См.: 🔗Рим. 6:5 🔗Рим. 8:17	яко {еже} разумѣти Его, и силу воскресенiя Его, и сообщенiе страстей Его, сообразуяся смерти Его,
3:11	аще како достигну въ воскресенiе мертвыхъ.
3:12 См.: 🔗1Кор. 13:12 🔗1Тим. 6:12	Не зане уже достигохъ, или уже совершихся: гоню же, аще и постигну, о немже и постиженъ быхъ от­ Христа Иисуса.
3:13 См.: 🔗Лк. 9:62	Братiе, азъ себе не у помышляю достигша: едино же, задняя убо забывая, въ предняя же простираяся,
3:14 См.: 🔗1Кор. 9:24	со усердiемъ гоню {къ намѣрен­ному теку}, къ почести вышняго званiя Божiя о Христѣ Иисусѣ.
3:15 См.: 🔗Евр. 5:14	Елицы убо совершен­ни, сiе да мудр­ст­вуимъ: и еже аще ино что мыслите, и сiе Богъ вамъ от­крыетъ.
3:16 См.: 🔗Рим. 12:16 🔗Рим. 15:5 🔗1Кор. 1:10	Обаче въ неже достигохомъ, тоже да мудр­ст­вуемъ и тѣмже правиломъ жител­ст­вуемъ.
3:17 См.: 🔗Флп. 4:9 🔗2Фес. 3:9	Подобни ми бывайте, братiе, и смотряйте тако ходящыя, якоже имате образъ насъ.
3:18	Мнози бо ходятъ, ихже многажды глаголахъ вамъ, нынѣ же и плачя глаголю, враги креста Христова:
3:19 См.: 🔗2Пет. 2:1 🔗Рим. 16:18	имже кончина погибель, имже богъ чрево, и слава въ студѣ ихъ, иже земная мудр­ст­вуютъ.
3:20 См.: 🔗Тит. 2:13 🔗Евр. 13:14	[Зач. 246.] На­ше бо житiе на небесѣхъ есть, от­онудуже и Спасителя ждемъ, Господа [на­шего] Иисуса Христа,
3:21 См.: 🔗1Ин. 3:2 🔗1Кор. 15:42	Иже преобразитъ тѣло смиренiя на­шего, яко быти сему сообразну тѣлу славы Его, по дѣй­ст­ву еже воз­могати Ему и покорити Себѣ всяческая.