Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 17 | |
17:1 См.: 🔗Прит. 15:17 | Лучше укрухъ хлѣба со сластiю въ мирѣ, нежели домъ исполненъ многихъ благихъ и неправедныхъ жертвъ со бранiю. |
17:2 См.: 🔗Сир. 10:28 | Рабъ смысленъ обладаетъ владыки безумными, въ братiихъ же раздѣлитъ [имѣнiе] на части. |
17:3 | Якоже искушается въ пещи сребро и злато, тако избранная сердца у Господа. |
17:4 | Злый послушаетъ языка законопреступныхъ, праведный же не внимаетъ устнамъ лживымъ. |
17:5 См.: 🔗Прит. 14:31 | Ругайся убогому раздражаетъ сотворшаго его, радуяйся же о погибающемъ не обезвинится: милуяй же помилованъ будетъ. |
17:6 См.: 🔗Пс. 127:6 🔗2Тим. 1:5 | Вѣнецъ старыхъ чада чадъ: похвала же чадомъ отцы ихъ.– |
17:7 | –Вѣрному весь мiръ богатство, невѣрному же ниже пѣнязь. |
17:8 | Неприличны суть безумному устнѣ вѣрны, ниже праведному устнѣ лживы. |
17:9 | Мзда благодатей наказанiе употребляющымъ: и аможе аще обратится, успѣетъ. |
17:10 См.: 🔗Прит. 10:12 🔗Сир. 6:5 | Иже таитъ обиды, ищетъ любве: а иже ненавидитъ скрывати, разлучаетъ други и домашнiя. |
17:11 | Сокрушаетъ прещенiе сердце мудраго: безумный же бiемь не чувствуетъ [ранъ]. |
17:12 | Прекословiя воздвижетъ всякъ злый: Господь же ангела немилостива послетъ нань. |
17:13 | Впадетъ попеченiе мужу смысленну: безумнiи же размышляютъ злая. |
17:14 | Иже воздаетъ злая за благая, не подвигнутся злая изъ дому его. |
17:15 | Власть даетъ словесемъ начало правды: предводителствуетъ же скудости пря и брань. |
17:16 См.: 🔗Прит. 24:24 🔗Ис. 5:23 | Иже судитъ праведнаго неправеднымъ, неправеднаго же праведнымъ, нечистъ и мерзокъ у Господа. |
17:17 | Вскую бяше имѣнiе безумному? стяжати бо премудрости безсердый не можетъ.– |
17:18 | –Иже высокъ творитъ свой домъ, ищетъ сокрушенiя: остроптѣваяй же учитися впадетъ во злая. |
17:19 См.: 🔗Прит. 18:25 🔗Сир. 12:8 | На всяко время другъ да будетъ тебѣ, братiя же въ нуждахъ полезни да будутъ: сего бо ради раждаются. |
17:20 См.: 🔗Прит. 6:1 🔗Прит. 11:15 | Мужъ безуменъ плещетъ и радуется себѣ, якоже поручаяйся испоручитъ друга своего, на своихъ же устнахъ огнь сокровищствуетъ. |
17:21 | Грѣхолюбецъ радуется сваромъ, а жестокосердый не усрящетъ благихъ. |
17:22 См.: 🔗Прит. 6:14 | Мужъ удобопреложный языкомъ впадетъ во злая: сердце же безумнаго болѣзнь стяжавшему е. |
17:23 См.: 🔗Прит. 15:20 | Не веселится отецъ о сынѣ ненаказаннѣмъ: сынъ же мудръ веселитъ матерь свою. |
17:24 См.: 🔗Прит. 15:13 | Сердце веселящеся благоимѣтися творитъ: мужу же печальну засышутъ кости. |
17:25 См.: 🔗Прит. 21:14 | Прiемлющему дары неправедно въ нѣдра не предуспѣваютъ путiе: нечестивый же укланяетъ пути правды. |
17:26 См.: 🔗Еккл. 2:14 🔗Еккл. 8:1 | Лице разумно мужа премудра, очи же безумнаго на концѣхъ земли. |
17:27 См.: 🔗Прит. 15:20 | Гнѣвъ отцу сынъ безуменъ, и болѣзнь рождшей его. |
17:28 | Тщеты творити мужу праведну не добро, ниже преподобно навѣтовати властемъ праведнымъ. |
17:29 См.: 🔗Иак. 1:19 | Иже щадитъ глаголъ произнести жестокъ, разуменъ: долготерпѣливый же мужъ премудръ, лучше ищущаго науки. |
17:30 | Несмысленному вопросившу о мудрости, мудрость вмѣнится: нѣма же кто себе творитъ, возмнится разуменъ быти. |