Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 18 | |
18:1 | Вины ищетъ мужъ хотя отлучитися от друговъ, на всяко же время поносимь будетъ. |
18:2 | Не требуетъ премудрости мужъ скудоуменъ, зане паче водится безумiемъ. |
18:3 | Егда прiидетъ нечестивый во глубину золъ, нерадитъ: находитъ же ему безчестiе и поношенiе. |
18:4 См.: 🔗Прит. 20:5 | Вода глубока слово въ сердцы мужа, рѣка же изскачущи и источникъ жизни. |
18:5 | Чудитися лицу нечестиваго не добро, ниже преподобно укланяти праведное на судѣ. |
18:6 | Устнѣ безумнаго приводятъ его на зло, уста же его дерзостная призываютъ смерть. |
18:7 См.: 🔗Прит. 10:14 🔗Прит. 12:13 | Уста безумнаго сокрушенiе ему, устнѣ же его сѣть души его. |
18:8 | Лѣнивыя низлагаетъ страхъ: души же мужей женамъ подобныхъ взалчутъ. |
18:9 | Не исцѣляяй себе во своихъ дѣлѣхъ братъ есть погубляющему себе самаго. |
18:10 | Изъ величества крѣпости имя Господне, къ немуже притекающе праведницы возносятся. |
18:11 См.: 🔗Пс. 19:2 🔗Прит. 14:26 | Имѣнiе богату мужу градъ твердъ, слава же его вельми присѣняетъ. |
18:12 См.: 🔗Прит. 10:15 | Прежде сокрушенiя возносится сердце мужу и прежде славы смиряется. |
18:13 См.: 🔗Прит. 16:18 | Иже отвѣщаетъ слово прежде слышанiя, безумiе ему есть и поношенiе. |
18:14 См.: 🔗Сир. 11:8 | Гнѣвъ мужа укрощаетъ рабъ разумный: малодушна же человѣка кто стерпитъ? |
18:15 | Сердце разумнаго стяжетъ чувствiе, ушеса же мудрыхъ ищутъ смысла. |
18:16 | Даянiе человѣка распространяетъ его и съ сильными посаждаетъ его. |
18:17 См.: 🔗Прит. 17:8 🔗Мф. 2:11 | Праведный себе самаго оглаголникъ во первословiи: егда же приложитъ супостатъ, обличается. |
18:18 | Прекословiя утоляетъ молчаливый и во властехъ опредѣляетъ. |
18:19 | Братъ от брата помогаемь, яко градъ твердъ и высокъ, укрѣпляется же якоже основаное царство. |
18:20 | От плодовъ устъ мужъ насыщаетъ чрево свое, и от плодовъ устенъ своихъ насытится. |
18:21 См.: 🔗Прит. 14:14 🔗Ис. 3:10 | Смерть и животъ въ руцѣ языка: удержавающiи же его снѣдятъ плоды его. |
18:22 См.: 🔗Прит. 13:3 🔗Иак. 3:8 | Иже обрѣте жену добру, обрѣте благодать, прiялъ же есть от Господа тишину. |
18:23 См.: 🔗Прит. 19:14 | Иже изгоняетъ жену добрую, изгоняетъ благая: держай же прелюбодѣйцу безуменъ и нечестивъ. |
18:24 См.: 🔗Сир. 13:4 | Съ моленiи глаголетъ убогiй, богатый же отвѣщаетъ жестоко. |
18:25 См.: 🔗Прит. 17:17 | Мужъ любовенъ къ дружбѣ, и есть другъ прилѣпивыйся паче брата. |