Псалтирь, псалом 104

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 104
104:1	Аллилуiа.
104:2 См.: 🔗1Пар. 16:8 🔗Ис. 12:4	Исповѣдайтеся Господеви и при­­зывайте имя Его, воз­вѣстите во языцѣхъ дѣла Его:
104:3 См.: 🔗Пс. 70:17	воспойте Ему и пойте Ему, повѣдите вся чудеса Его.
104:4 См.: 🔗Пс. 33:4	Хвалитеся о имени святѣмъ Его: да воз­веселит­ся сердце ищущихъ Господа:
104:5	взыщите Господа и утвердитеся, взыщите лица Его выну.
104:6	Помяните чудеса Его, яже сотвори, чудеса Его и судьбы устъ Его,
104:7	сѣмя Авраамле раби Его, сынове Иаковли избран­нiи Его.
104:8	Той Господь Богъ нашъ: по всей земли судьбы Его.
104:9 См.: 🔗Деян. 7:5 🔗Исх. 2:24	Помяну въ вѣкъ завѣтъ Свой, слово, еже заповѣда въ тысящы родовъ,
104:10 См.: 🔗Быт. 17:2 🔗Быт. 26:3 🔗Лк. 1:73 🔗Евр. 6:13	еже завѣща Аврааму, и клятву Свою Исааку:
104:11 См.: 🔗Быт. 13:15	и постави ю Иакову въ повелѣнiе и Израилю въ завѣтъ вѣченъ,
104:12	глаголя: тебѣ дамъ землю Ханааню, уже достоянiя ва­шего.
104:13	Внегда быти имъ малымъ числомъ, малѣйшымъ и при­­шелцемъ въ ней,
104:14 См.: 🔗Быт. 13:8 🔗Евр. 11:8	и преидоша от­ языка въ языкъ и от­ цар­ст­вiя въ люди ины:
104:15 См.: 🔗Быт. 12:17	не остави человѣка обидѣти ихъ и обличи о нихъ цари:
104:16 См.: 🔗1Пар. 16:22	не при­­касайтеся помазан­нымъ Мо­имъ, и во пророцѣхъ Мо­ихъ не лукавнуйте.
104:17 См.: 🔗Быт. 41:57	И при­­зва гладъ на землю: всяко утвержденiе хлѣбное сотры.
104:18 См.: 🔗Быт. 37:28	Посла предъ ними человѣка: въ раба проданъ бысть Иосифъ.
104:19 См.: 🔗Быт. 39:20	Смириша во оковахъ нозѣ его, желѣзо пройде душа его,
104:20	дондеже прiиде слово Его: слово Господне разжже его.
104:21 См.: 🔗Быт. 41:14	Посла царь и разрѣши его: князь людій, и остави {от­пусти} его.
104:22 См.: 🔗Деян. 7:10	Постави его господина дому сво­ему и князя всему стяжанiю сво­ему,
104:23	наказати князи его яко себе и старцы его умудрити.
104:24 См.: 🔗Быт. 46:6	И вниде Израиль во Египетъ, и Иаковъ при­­шел­ст­вова въ землю Хамову.
104:25 См.: 🔗Исх. 1:7 🔗Деян. 7:17	И воз­расти люди Своя зѣло и укрѣпи я паче враговъ ихъ.
104:26 См.: 🔗Исх. 1:14	Преврати сердце ихъ воз­ненавидѣти люди Его, лесть сотворити въ рабѣхъ Его.
104:27 См.: 🔗Исх. 3:10	Посла Моисеа раба Сво­его, Аарона, егоже избра Себѣ:
104:28 См.: 🔗Исх. 7:10	положи въ нихъ словеса знаменiй Сво­ихъ и чудесъ Сво­ихъ въ земли Хамовѣ.
104:29 См.: 🔗Исх. 10:22	Посла тму и помрачи, яко преогорчиша словеса Его.
104:30 См.: 🔗Исх. 7:20 🔗Пс. 77:44	Преложи воды ихъ въ кровь и измори рыбы ихъ.
104:31 См.: 🔗Исх. 8:6	Воскипѣ земля ихъ жабами въ сокровищницахъ царей ихъ.
104:32 См.: 🔗Исх. 8:17 🔗Пс. 77:45	Рече, и прiидоша песiя мухи и скнипы во вся предѣлы ихъ.
104:33 См.: 🔗Исх. 9:23	Положи дожди ихъ грады, огнь попаляющь въ земли ихъ:
104:34 См.: 🔗Исх. 9:25 🔗Пс. 77:47	и порази винограды ихъ и смоквы ихъ, и сотры всякое древо предѣлъ ихъ.
104:35 См.: 🔗Исх. 10:13 🔗Пс. 77:46	Рече, и прiидоша прузи и гусеницы, имже не бѣ числа,
104:36	и снѣдоша всяку траву въ земли ихъ, и поядоша всякъ плодъ земли ихъ.
104:37 См.: 🔗Исх. 12:29 🔗Пс. 77:51	И порази всякаго первенца въ земли ихъ, начатокъ всякаго труда ихъ:
104:38 См.: 🔗Исх. 12:35	и изведе я съ сребромъ и златомъ: и не бѣ въ колѣнѣхъ ихъ боляй.
104:39 См.: 🔗Исх. 12:33	Возвеселися Египетъ во исхожденiи ихъ: яко нападе страхъ ихъ на ня.
104:40 См.: 🔗Исх. 13:21 🔗Пс. 77:14	Распростре облакъ въ покровъ имъ, и огнь, еже просвѣтити имъ нощiю.
104:41 См.: 🔗Исх. 16:13	Просиша, и прiидоша крастели, и хлѣба небеснаго насыти я:
104:42 См.: 🔗Исх. 17:6 🔗Чис. 20:11 🔗Пс. 77:16 🔗Прем. 11:4 🔗1Кор. 10:4	разверзе камень, и потекоша воды, потекоша въ безводныхъ рѣки:
104:43 См.: 🔗Быт. 22:16	яко помяну слово святое Свое, еже ко Аврааму рабу Сво­ему.
104:44 См.: 🔗Нав. 3:1	И изведе люди Своя въ радости и избран­ныя Своя въ веселiи.
104:45	И даде имъ страны языкъ, и труды людій наслѣдоваша:
104:46	яко да сохранятъ оправданiя Его и закона Его взыщутъ.