Псалтирь, псалом 131

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 131
131:1	Пѣснь степеней.
131:2 См.: 🔗Неем. 13:14	Помяни, Господи, Давида и всю кротость его:
131:3	яко клят­ся Господеви, обѣщася Богу Иаковлю:
131:4 См.: 🔗2Цар. 7:2 🔗3Цар. 8:17	аще вниду въ селенiе дому мо­его, или взыду на одръ постели мо­ея:
131:5 См.: 🔗Прит. 6:4	аще дамъ сонъ очима мо­има, и вѣждома мо­има дреманiе, и покой скранiама мо­има:
131:6 См.: 🔗Деян. 7:46	дондеже обрящу мѣсто Господеви, селенiе Богу Иаковлю.
131:7 См.: 🔗1Цар. 7:1	Се, слышахомъ я во Евфраѳѣ, обрѣтохомъ я въ поляхъ Дубравы:
131:8 См.: 🔗Пс. 17:7	внидемъ въ селенiя Его, поклонимся на мѣсто, идѣже стоястѣ нозѣ Его.
131:9 См.: 🔗2Пар. 6:41	Воскресни, Господи, въ покой Твой, Ты и кивотъ святыни Тво­ея.
131:10	Священ­ницы Тво­и облекут­ся правдою, и преподобнiи Тво­и воз­радуют­ся.
131:11 См.: 🔗2Пар. 6:42	Давида ради раба Тво­его, не от­врати лице помазан­наго Тво­его.
131:12 См.: 🔗2Цар. 7:12 🔗3Цар. 8:25 🔗2Пар. 6:16 🔗Пс. 88:5 🔗Лк. 1:55 🔗Деян. 2:30	Клят­ся Господь Давиду истиною, и не от­вержет­ся ея: от­ плода чрева тво­его посажду на престолѣ тво­емъ.
131:13	Аще сохранятъ сынове тво­и завѣтъ Мой и свидѣнiя Моя сiя, имже научу я, и сынове ихъ до вѣка сядутъ на престолѣ тво­емъ.
131:14 См.: 🔗3Цар. 9:3	Яко избра Господь Сiона, изволи и въ жилище Себѣ.
131:15 См.: 🔗3Цар. 8:13	Сей покой Мой во вѣкъ вѣка, здѣ вселюся, яко изволихъ и.
131:16 См.: 🔗Пс. 36:19 🔗Пс. 110:5	Ловитву его благословляяй благословлю, нищыя его насыщу хлѣбы:
131:17	священ­ники его облеку во спасенiе, и преподобнiи его радостiю воз­радуют­ся.
131:18 См.: 🔗1Цар. 2:10 🔗Мал. 3:1 🔗Лк. 1:69	Тамо воз­ращу рогъ Давидови, уготовахъ свѣтилникъ помазан­ному Мо­ему.
131:19 См.: 🔗Пс. 34:26	Враги его облеку студомъ, на немъ же процвѣтетъ святыня моя.