Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 14 | |
14:1 См.: 🔗Рим. 15:1 🔗1Кор. 8:12 | Изнемогающаго же въ вѣрѣ прiемлите, не въ сомнѣнiе помышленiй. |
14:2 См.: 🔗1Кор. 10:25 | Овъ бо вѣруетъ ясти вся, а изнемогаяй зелiя [да] ястъ. |
14:3 | Ядый не ядущаго да не укоряетъ: и не ядый ядущаго да не осуждаетъ: Богъ бо его прiятъ. |
14:4 См.: 🔗Иак. 4:12 | Ты кто еси судяй чуждему рабу? Своему Господеви стоитъ, или падаетъ. Станетъ же, силенъ бо есть Богъ поставити его. |
14:5 | Овъ убо разсуждаетъ день чрезъ день, овъ же судитъ на всякъ день. Кіиждо своею мыслiю да извѣствуется. |
14:6 См.: 🔗1Кор. 10:31 🔗1Тим. 4:4 | [Зач. 113.] Мудрствуяй день, Господеви мудрствуетъ: и не мудрствуяй день, Господеви не мудрствуетъ. Ядый, Господеви ястъ, благодаритъ бо Бога: и не ядый, Господеви не ястъ, и благодаритъ Бога. |
14:7 | Никтоже бо насъ себѣ живетъ, и никтоже себѣ умираетъ: |
14:8 | аще бо живемъ, Господеви живемъ, аще же умираемъ, Господеви умираемъ: аще убо живемъ, аще умираемъ, Господни есмы. |
14:9 См.: 🔗Мф. 28:18 🔗Деян. 10:42 | [Зач. 114.] На сiе бо Христосъ и умре и воскресе и оживе, да и мертвыми и живыми обладаетъ. |
14:10 См.: 🔗Мф. 7:1 🔗2Кор. 5:10 | Ты же почто осуждаеши брата твоего, или ты что уничижаеши брата твоего? Вси бо предстанемъ судищу Христову. |
14:11 | Писано бо есть: живу Азъ, глаголетъ Господь, яко Мнѣ поклонится всяко колѣно, и всякъ языкъ исповѣстся Богови. |
14:12 См.: 🔗Мф. 12:36 | Тѣмже убо кійждо насъ о себѣ слово дастъ Богу. |
14:13 См.: 🔗Мф. 18:7 | Не ктому убо другъ друга осуждаемъ, но сiе паче судите, еже не полагати претыканiя брату или соблазна. |
14:14 См.: 🔗Мф. 15:11 | Вѣмъ и извѣщенъ есмь о Христѣ Иисусѣ, яко ничтоже скверно само собою: точiю помышляющему что скверно быти, оному скверно есть. |
14:15 См.: 🔗1Кор. 8:11 | Аще же брашна ради братъ твой скорбитъ, уже не по любви ходиши: не брашномъ твоимъ того погубляй, за негоже Христосъ умре. |
14:16 | Да не хулится убо ваше благое. |
14:17 См.: 🔗1Кор. 8:8 🔗Гал. 5:22 | Нѣсть бо Царство Божiе брашно и питiе, но правда и миръ и радость о Дусѣ Святѣ. |
14:18 | Иже бо сими служитъ Христови, благоугоденъ есть Богови и искусенъ человѣкомъ. |
14:19 | [Зач. 115.] Тѣмже убо миръ возлюбимъ и яже къ созиданiю другъ ко другу. |
14:20 См.: 🔗Мф. 15:11 | Не брашна ради разоряй дѣло Божiе. Вся бо чиста, но зло человѣку претыканiемъ ядущему. |
14:21 | Добро не ясти мясъ, ниже пити вина, ни о немже братъ твой претыкается или соблазняется или изнемогаетъ. |
14:22 См.: 🔗1Ин. 3:21 | Ты вѣру имаши? О себѣ самъ имѣй предъ Богомъ. Блаженъ не осуждаяй себе, о немже искушается. |
14:23 См.: 🔗Тит. 1:15 | А сомняяйся, аще ястъ, осуждается, зане не от вѣры: всяко же, еже не от вѣры, грѣхъ есть. |
14:24 См.: 🔗1Кор. 2:7 | Могущему же васъ утвердити по благовѣствованiю моему и проповѣданiю Иисусъ Христову, по откровенiю тайны, лѣты вѣчными умолчанныя, |
14:25 См.: 🔗Ис. 42:16 | явльшiяся же нынѣ, писанiи пророческими, по повелѣнiю вѣчнаго Бога, въ послушанiе вѣры во всѣхъ языцехъ познавшiяся, |
14:26 | Единому Премудрому Богу, Иисусомъ Христомъ, Емуже слава во вѣки. Аминь. |