Послание апостола Павла к Римлянам, глава 3

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 3
3:1	Что убо лишшее Иудею {кое убо преимуще­с­т­во Иудеа}? Или кая польза обрѣзанiя?
3:2 См.: 🔗Втор. 4:8 🔗Пс. 147:8 🔗Рим. 9:4	Много, по всякому образу: первѣе {наипаче} бо, яко ввѣрена быша имъ словеса Божiя.
3:3 См.: 🔗Чис. 23:19 🔗2Тим. 2:13	Что бо, аще не вѣроваша нѣцыи? Еда [убо] невѣр­ст­вiе ихъ вѣру Божiю упразднитъ?
3:4 См.: 🔗Пс. 50:6 🔗Пс. 115:2 🔗Ин. 3:33	Да не будетъ: да будетъ же Богъ истиненъ, всякъ же человѣкъ ложь, якоже есть писано: яко да оправдишися во словесѣхъ Тво­ихъ, и побѣдиши, внегда судити Ти.
3:5	Аще ли неправда наша Божiю правду составляетъ, что речемъ, еда ли неправеденъ Богъ наносяй гнѣвъ, по человѣку глаголю.
3:6 См.: 🔗Быт. 18:25 🔗Иов. 8:3	Да не будетъ: понеже како судити имать Богъ мiру?
3:7	Аще бо истина Божiя въ мо­ей лжи избыточе­с­т­вова въ славу Его, что еще и азъ яко грѣшникъ осуждаюся?
3:8 См.: 🔗Рим. 6:15	И не якоже хулимся, и якоже глаголютъ нѣцыи насъ глаголати, яко сотворимъ злая, да прiидутъ благая: ихже судъ праведенъ есть.
3:9 См.: 🔗Гал. 3:22	Что убо? Преимѣемъ ли? Никакоже: предукорихомъ бо {прежде бо обвинени есмы} Иудеи же и Еллины вся {вси} подъ грѣхомъ быти,
3:10 См.: 🔗Пс. 52:4	якоже есть писано, яко нѣсть праведенъ никтоже:
3:11 См.: 🔗Быт. 8:21	нѣсть разумѣваяй и нѣсть взыскаяй Бога:
3:12 См.: 🔗Пс. 13:1	вси уклонишася, вкупѣ непотребни быша: нѣсть творяй благостыню, нѣсть даже до единаго.
3:13 См.: 🔗Пс. 5:10 🔗Пс. 139:4	Гробъ от­верстъ гортань ихъ, языки сво­ими льщаху: ядъ аспидовъ подъ устнами ихъ:
3:14 См.: 🔗Пс. 9:28	ихже уста клятвы и горести полна суть.
3:15	Скоры ноги ихъ пролiяти кровь:
3:16	сокрушенiе и озлобленiе на путехъ ихъ,
3:17 См.: 🔗Прит. 1:16 🔗Ис. 59:7	и пути мирнаго не познаша.
3:18 См.: 🔗Пс. 35:2	Нѣсть страха Божiя предъ очима ихъ.
3:19 См.: 🔗Пс. 106:42 🔗Пс. 142:2 🔗Иез. 16:63	[Зач. 84.] Вѣмы же, яко елика законъ глаголетъ, сущымъ въ законѣ глаголетъ: да всяка уста заградят­ся, и повиненъ будетъ весь мiръ Богови:
3:20 См.: 🔗Рим. 7:7 🔗Гал. 2:16	зане от­ дѣлъ закона не оправдит­ся всяка плоть предъ Нимъ: закономъ бо познанiе грѣха.
3:21 См.: 🔗Быт. 15:6 🔗Ис. 28:16 🔗Авв. 2:4	Нынѣ же кромѣ закона правда Божiя явися, свидѣтел­ст­вуема от­ закона и пророкъ.
3:22 См.: 🔗Гал. 3:28	Правда же Божiя вѣрою Иисусъ Христовою во всѣхъ и на всѣхъ вѣру­ю­щихъ: нѣсть бо разн­ствiя,
3:23 См.: 🔗Рим. 3:10 🔗Рим. 5:12	вси бо согрѣшиша, и лишени суть славы Божiя,
3:24 См.: 🔗Ис. 55:1 🔗Рим. 8:32	оправдаеми туне благодатiю Его, избавленiемъ, еже о Христѣ Иисусѣ,
3:25 См.: 🔗Деян. 13:38 🔗2Кор. 5:19	Егоже предположи Богъ очищенiе вѣрою въ Крови Его, въ явленiе правды Сво­ея, за от­пущенiе прежде быв­шихъ грѣховъ,
3:26	въ долготерпѣнiи Божiи, и въ показанiе правды Его въ нынѣшнее время, во еже быти Ему праведну и оправдающу сущаго от­ вѣры Иисусовы.
3:27	Гдѣ убо похвала, от­гнася. Которымъ закономъ? Дѣлы ли? Ни, но закономъ вѣры.
3:28	[Зач. 85.] Мыслимъ убо вѣрою оправдатися человѣку, безъ дѣлъ закона.
3:29 См.: 🔗Быт. 17:5	Или Иудеевъ Богъ токмо, а не и языковъ? Ей, и языковъ:
3:30 См.: 🔗Рим. 4:11	понеже единъ Богъ, иже оправдитъ обрѣзанiе от­ вѣры и необрѣзанiе вѣрою.
3:31 См.: 🔗Гал. 3:24	Законъ ли убо разоряемъ вѣрою? Да не будетъ: но законъ утверждаемъ.