Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 19 | |
19:1 См.: 🔗Прит. 21:17 | Дѣлатель пiянивый не будетъ богатъ, и уничижаяй малая по малѣ упадетъ. |
19:2 См.: 🔗3Цар. 11:1 🔗Ос. 4:11 | Вино и жены превратятъ разумивыхъ, и прилагаяйся любодѣйцамъ дерзшiй будетъ: |
19:3 | молiе и червiе наслѣдятъ его, и душа дерзостная измется. |
19:4 См.: 🔗Прит. 15:14 🔗Мф. 11:7 | Емляй скоро вѣру легокъ сердцемъ, и согрѣшаяй на душу свою согрѣшаетъ. |
19:5 | Веселяйся сердцемъ о злонравiи обличенъ будетъ, противляяйся же похотемъ вѣнчаетъ животъ свой. |
19:6 | Обуздаваяй языкъ тихомирно поживетъ, и ненавидяй велерѣчiя умалитъ порокъ. |
19:7 | Словесе никогдаже повтори, и ничтоже тебѣ умалится. |
19:8 | На друга и на врага не повѣдай, и аще не будетъ тебѣ грѣха, не открывай: |
19:9 | слыша бо у тебе, и соблюдетъ тя, и во время возненавидитъ тя. |
19:10 | Слышалъ ли еси слово, да умретъ съ тобою: не убойся, не расторгнетъ тебе. |
19:11 См.: 🔗Сир. 27:18 | От лица словесе поболитъ буй, якоже раждающая от лица младенца. |
19:12 | Стрѣла вонзена въ стегно плоти, тако слово во чревѣ буяго. |
19:13 | Обличи друга, егда еще не сотворилъ, и аще сотворилъ, да не приложитъ ктому: |
19:14 См.: 🔗Мф. 18:15 | обличи друга, негли не рече, и аще рече единожды, да не повторитъ: |
19:15 | обличи друга, многажды бо бываетъ навѣтъ. |
19:16 | Не всякому словеси емли вѣры. |
19:17 См.: 🔗Сир. 14:1 | Есть поползаяйся словомъ, а не душею: и кто не согрѣши языкомъ своимъ? |
19:18 | Обличи искренняго своего прежде прещенiя, и даждь мѣсто закону вышняго. Всяка премудрость страхъ Господень, и во всяцѣй премудрости творенiе закона. |
19:19 | И нѣсть премудрость вѣдѣнiе лукавства, и нѣсть разума, идѣже совѣтъ грѣшныхъ. |
19:20 | Есть лукавство, и то мерзость, и есть безуменъ умаляяйся премудростiю. |
19:21 См.: 🔗Мф. 11:25 | Лучше есть умаляяйся въ разумѣ боязливый, нежели избыточествуяй мудростiю и преступая законъ. |
19:22 См.: 🔗Ис. 5:20 | Есть коварство испытно, и то неправедно, и есть развращаяй благодать извѣщати хотя судъ. |
19:23 | Есть лукавствуяй поникъ чернотою, и внутренняя его исполнь льсти: |
19:24 | понича лицемъ и притворяяйся глухъ, идѣже не познанъ бысть, предваритъ тя. |
19:25 | И аще немощiю крѣпости возбраненъ будетъ согрѣшити, аще обрящетъ время, зло сотворитъ. |
19:26 См.: 🔗Сир. 13:31 🔗Прит. 6:12 | От зрака познанъ будетъ мужъ, и срѣтенiемъ лица познанъ будетъ умный. |
19:27 | Одѣянiе мужа и смѣхъ зубовъ и стопы человѣка возвѣстятъ, яже о немъ. |
19:28 См.: 🔗Прит. 25:15 | Есть обличенiе, еже нѣсть красно, и есть молчай, и той мудръ. |