Книга Премудрости Иисуса, сына Сирахова, глава 20 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 20
20:1 См.: 🔗Пс. 140:5 🔗Прит. 25:12	Коль добро есть обличити, нежели яритися тайно: и исповѣдаяйся от­ умаленiя воз­браненъ будетъ.
20:2	Коль добро обличен­ному явити покаянiе:
20:3	сей бо вольнаго избѣжитъ грѣха.
20:4 См.: 🔗Сир. 30:21	Желанiе скопчо растлитъ ли дѣвицу? такожде творяй нуждею суды.
20:5	Есть молчай обрѣтаяйся премудръ, и есть ненавидимь от­ многiя бесѣды.
20:6	Есть молчай, не имать бо от­вѣта: и есть молчай вѣдый время.
20:7 См.: 🔗Еккл. 3:7 🔗Прит. 25:11	Человѣкъ премудръ умолчитъ до времене: продерзый же и безумный превосходитъ время.
20:8 См.: 🔗Прит. 10:19 🔗Прит. 17:28	Умножаяй словеса мерзокъ будетъ, и восхищаяй власть воз­ненавидѣнъ будетъ.
20:9 См.: 🔗Прит. 10:2	Есть благопоспѣш­ст­во во злыхъ мужеви, и есть изобрѣтенiе на умаленiе.
20:10	Есть даянiе, еже ти не будетъ на пользу, и есть даянiе, егоже от­данiе сугубо.
20:11 См.: 🔗Прит. 16:18 🔗1Пет. 5:5	Есть умаленiе славы ради, и есть, иже от­ смиренiя воз­несе главу.
20:12	Есть купуяй многая малымъ и воз­вращаяй я седмерицею.
20:13 См.: 🔗Сир. 18:17	Премудрый во словеси любезна сотворитъ себе: благодати же безумныхъ излiют­ся.
20:14	Даянiе безумнаго не упользуетъ ти, очи бо его вмѣсто единаго мнози ко воспрiятiю:
20:15 См.: 🔗Сир. 18:15	мало дастъ, а много поносити будетъ и от­верзетъ уста своя яко проповѣдникъ: днесь взаимъ дастъ, а утро истяжетъ: ненавидимь человѣкъ таковый Господу и человѣкомъ.
20:16 См.: 🔗Пс. 40:10	Буй речетъ: нѣсть ми друга и нѣсть хвалы благимъ мо­имъ: ядущiи хлѣбъ мой льстиви языкомъ.
20:17	Коликощи и колицы посмѣют­ся ему?
20:18	Поползновенiе на земли лучше неже от­ языка: тако паденiе злыхъ со тщанiемъ прiидетъ.
20:19	Человѣкъ безблагодатенъ баснь безвремен­на: во устѣхъ ненаказан­ныхъ присно будетъ.
20:20 См.: 🔗Прит. 25:11	От устъ буяго от­вержена будетъ притча: не имать бо ея рещи во время свое.
20:21	Есть воз­браняемый согрѣшати от­ скудости, и въ покои сво­емъ не умилит­ся.
20:22	Есть погубляяй душу свою за стыдъ, и от­ лица безумна погубитъ ю.
20:23	Есть ради стыда обѣщаяйся другови, и при­­обрѣте его врага туне.
20:24	Порокъ золъ человѣку лжа, и во устѣхъ ненаказан­ныхъ присно будетъ.
20:25	Уне есть тать, нежели присно лжай: оба же пагубу наслѣдятъ.
20:26	Обычай человѣка лжива безчестiе, и студъ его присно съ нимъ.
20:27 См.: 🔗Быт. 41:38 🔗Дан. 2:46	Премудрый словесы про­изведетъ себе, и человѣкъ мудрый угоденъ будетъ вельможамъ.
20:28 См.: 🔗Прит. 12:11	Дѣлаяй землю воз­несетъ стогъ свой, и угождаяй вельможамъ умилостивитъ о неправдѣ [сво­ей].
20:29 См.: 🔗Исх. 23:8 🔗Втор. 16:19	Мзда и дарове ослѣпляютъ очи премудрыхъ, и якоже бразды на устѣхъ от­вращаютъ обличенiя.
20:30 См.: 🔗Сир. 41:17	Премудрость сокровена и сокровище не явлено, кая польза есть во обо­ихъ?
20:31	Лучше человѣкъ скрываяй буй­ст­во свое, нежели человѣкъ скрываяй премудрость свою.