Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 5 | |
5:1 См.: 🔗Лк. 21:36 | Тогда станетъ во дерзновенiи мнозѣ праведникъ предъ лицемъ оскорбившихъ его и отметающихъ труды его: |
5:2 | видящiи смятутся страхомъ тяжкимъ и ужаснутся о преславнѣмъ спасенiи его, |
5:3 См.: 🔗Рим. 2:9 🔗Иов. 12:4 | и рекутъ въ себѣ кающеся и въ тѣснотѣ духа воздыхающе: сей бѣ, егоже имѣхомъ нѣкогда въ посмѣхъ и въ притчу поношенiя. |
5:4 См.: 🔗Деян. 26:24 | Безумнiи, житiе его вмѣнихомъ неистово и кончину его безчестну: |
5:5 См.: 🔗Кол. 1:12 | како вмѣнися въ Сынѣхъ Божiихъ, и во святыхъ жребiй его есть? |
5:6 См.: 🔗Ин. 1:5 | Убо заблудихомъ от пути истиннаго, и правды свѣтъ не облиста намъ, и солнце не возсiя намъ: |
5:7 | беззаконныхъ исполнихомся стезь и погибели и ходихомъ въ пустыни непроходимыя, пути же Господня не увѣдѣхомъ. |
5:8 См.: 🔗Прит. 11:4 | Что пользова намъ гордыня, и богатство съ величанiемъ что воздаде намъ? |
5:9 См.: 🔗Прем. 2:5 | Преидоша вся она яко сѣнь и яко вѣсть претекающая. |
5:10 См.: 🔗Прит. 30:19 | Яко корабль преходяй волнующуюся воду, егоже проходу нѣсть стопы обрѣсти, ниже стези шествiя его въ волнахъ: |
5:11 См.: 🔗Иов. 9:26 | или яко птицы, прелетающiя по аеру, ни едино обрѣтается знаменiе пути, язвою же смущаяй бiемый духъ легкiй, и разсѣцаемый силою шумящею движенiемъ крилъ прелетѣ, и посемъ ни едино знаменiе обрѣтеся проходу въ немъ: |
5:12 | или яко стрѣлою испущеною на намѣреное мѣсто разсѣченный аеръ внезапу въ себѣ самѣмъ заключенъ бысть, яко не познатися проходу ея: |
5:13 | тако и мы рождени оскудѣхомъ и добродѣтели убо ни единаго знаменiя можемъ показати, во злобѣ же нашей скончахомся. |
5:14 См.: 🔗Иов. 8:13 🔗Пс. 1:4 | Ибо упованiе нечестиваго, яко прахъ от вѣтра подъемлемый и яко пѣна мягка от бури расторгнена, и яко дымъ от вѣтра разливается и яко память пришелца единаго дне прейде: |
5:15 См.: 🔗Отк. 22:12 | праведницы же во вѣки живутъ, и во гдѣ мзда ихъ, и попеченiе ихъ у вышняго: |
5:16 | сего ради прiимутъ царствiе благолѣпiя и вѣнецъ доброты от руки Господни, яко десницею покрыетъ ихъ и мышцею защититъ ихъ. |
5:17 | Прiиметъ всеоружiе рвенiе свое и вооружитъ тварь въ месть врагомъ, |
5:18 См.: 🔗Ис. 59:17 | облечется въ броня правды и возложитъ шлемъ судъ нелицемѣренъ, |
5:19 | прiиметъ щитъ непобѣдимый преподобiе, |
5:20 См.: 🔗Пс. 7:13 | поостритъ же напрасный гнѣвъ во оружiе: споборетъ же съ нимъ мiръ на безумныя. |
5:21 | Пойдутъ праволучныя стрѣлы молнiины, и яко от благокругла лука облаковъ на намѣренiе полетятъ: |
5:22 См.: 🔗Нав. 10:11 🔗Отк. 16:21 | и от каменометныя ярости исполнь падутъ грады: вознегодуетъ на нихъ вода морская, рѣки же потопятъ нагло: |
5:23 См.: 🔗Пс. 1:4 | сопротивъ станетъ имъ духъ силы, и яко вихоръ развѣетъ ихъ: |
5:24 См.: 🔗Прит. 20:28 | и опустошитъ всю землю беззаконiе, и злодѣйство превратитъ престолы сильныхъ. |