Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 6 | |
6:1 | 5:17Камо отъиде братъ твой, добрая въ женахъ? камо уклонися братъ твой? и взыщемъ его съ тобою. |
6:2 См.: 🔗Песн. 5:9 | 1Братъ мой сниде въ вертоградъ свой, въ мѣста ароматъ, паствити въ вертоградѣхъ и собирати крины. |
6:3 См.: 🔗Песн. 2:16 | 2Азъ брату моему и братъ мой мнѣ, пасый въ кринѣхъ. |
6:4 | 3Добра еси, ближняя моя, яко благоволенiе, красна яко Иерусалимъ, ужасъ яко вчиненны. |
6:5 | 4Отврати очи твои от мене, яко тіи воскрилиша мя: власи твои, яко стада козъ, яже взыдоша от Галаада: |
6:6 См.: 🔗Песн. 4:2 | 5зубы твои, яко стада остриженыхъ, яже взыдоша от купѣли, вся близнята родящыя, и безчадныя нѣсть въ нихъ: яко вервь червлена устнѣ твои, и бесѣда твоя красна: |
6:7 См.: 🔗Песн. 4:3 | 6яко оброщенiе шипка ланиты твоя, кромѣ замолчанiя твоего. |
6:8 См.: 🔗2Кор. 11:2 | 7Шестьдесятъ суть царицъ и осмьдесятъ наложницъ, и юнотъ, имже нѣсть числа: |
6:9 | 8едина есть голубица моя, совершенная моя: едина есть матери своей, избранна есть родившей ю: видѣша ю дщери и ублажиша ю, царицы и наложницы, и восхвалиша ю. |
6:10 См.: 🔗Песн. 3:6 | 9Кто сiя проницающая аки утро, добра яко луна, избранна яко солнце, ужасъ яко вчиненны? |
6:11 | 10Въ вертоградъ орѣховъ снидохъ видѣти въ плодѣхъ потока, видѣти, аще процвѣте виноградъ и возрастоша шипки. |
6:12 | 11Тамо дамъ сосца моя тебѣ: не разумѣ душа моя, положи мя на колесницѣ Аминадавли. |