Первое послание апостола Павла к Коринфянам, глава 10

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 10
10:1 См.: 🔗Исх. 13:21 🔗Исх. 14:22 🔗Чис. 9:18	[Зач. 143Б.] Не хощу же васъ не вѣдѣти, братiе, яко отцы наши вси подъ облакомъ быша, и вси сквоз­ѣ море про­идоша:
10:2	и вси въ Моисеа крестишася во облацѣ и въ мори:
10:3 См.: 🔗Исх. 16:14 🔗Пс. 77:24 🔗Прем. 16:20	и вси тожде брашно духовное ядоша:
10:4 См.: 🔗Исх. 17:6	и вси тожде пиво духовное пиша, пiяху бо от­ духовнаго послѣду­ю­щаго камене: камень же бѣ Христосъ.
10:5 См.: 🔗Чис. 14:23 🔗Чис. 26:65	[Зач. 144.] Но не во множайшихъ ихъ благоволи Богъ, поражени бо быша въ пустыни.
10:6 См.: 🔗Чис. 11:4	Сiя же образи намъ быша, яко не быти намъ похотникомъ злыхъ, якоже и они похотѣша.
10:7 См.: 🔗Исх. 32:6 🔗Пс. 105:19	Ни идолослужителе бывайте, якоже нѣцыи от­ нихъ, якоже есть писано: сѣдоша людiе ясти и пити, и восташа играти.
10:8 См.: 🔗Чис. 25:1	Ниже соблудимъ, якоже нѣцыи от­ нихъ соблудиша, и падоша во единъ день двадесять три тысящы.
10:9 См.: 🔗Чис. 21:6 🔗Пс. 105:14	Ни да искушаимъ Христа, якоже нѣцыи от­ нихъ искусиша и от­ змій погибоша.
10:10 См.: 🔗Чис. 14:37	Ни ропщите, якоже нѣцыи от­ нихъ ропташа и погибоша от­ всегубителя.
10:11 См.: 🔗Рим. 15:4	Сiя же вся образи при­­лучахуся онѣмъ: писана же быша въ наученiе на­ше, въ нихже концы вѣкъ достигоша.
10:12 См.: 🔗Рим. 11:20	[Зач. 145.] Тѣмже мняйся стояти да блюдет­ся, да не падетъ.
10:13 См.: 🔗2Пет. 2:9 🔗Евр. 12:4	Искушенiе васъ не достиже, точiю человѣческо­е: вѣренъ же Богъ, Иже не оставитъ васъ искуситися паче, еже можете, но сотворитъ со искушенiемъ и избытiе, яко воз­мощи вамъ понести.
10:14	Тѣмже, братiе моя воз­люблен­ная, бѣгайте от­ идолослуженiя.
10:15 См.: 🔗1Кор. 1:5	Яко мудрымъ глаголю: судите вы, еже глаголю:
10:16 См.: 🔗Мф. 26:26 🔗Деян. 2:42	чаша благословенiя, юже благословляемъ, не общенiе ли Крове Христовы есть? Хлѣбъ, егоже ломимъ, не общенiе ли Тѣла Христова есть?
10:17 См.: 🔗Ин. 6:33	Яко единъ хлѣбъ, едино тѣло есмы мнози: вси бо от­ единаго хлѣба при­­чащаемся.
10:18 См.: 🔗Лев. 7:15	Видите Израиля по плоти: не ядущiи ли жертвы общницы олтареви суть?
10:19 См.: 🔗1Кор. 8:4	Что убо глаголю? Яко идолъ что есть? Или идоложертвен­ное что есть?
10:20 См.: 🔗Втор. 32:17	Но зане, яже жрутъ языцы, бѣсомъ жрутъ, а не Богови: не хощу же васъ общниковъ быти бѣсомъ.
10:21 См.: 🔗2Кор. 6:15	Не можете чашу Господню пити и чашу бѣсовскую: не можете трапезѣ Господней при­­чащатися и трапезѣ бѣсовстѣй.
10:22	Или раздражаемъ Господа? Еда крѣпчайши Его есмы?
10:23 См.: 🔗1Кор. 6:12	[Зач. 146.] Вся ми лѣть суть, но не вся на пользу: вся ми лѣть суть, но не вся назидаютъ.
10:24 См.: 🔗Рим. 15:2	Никтоже сво­его си да ищетъ, но еже ближняго кійждо.
10:25	Все, еже на торжищи продаемое, ядите, ничтоже сумнящеся, за совѣсть:
10:26 См.: 🔗Пс. 23:1 🔗Втор. 10:14	Господня бо земля и исполненiе ея.
10:27	Аще ли кто от­ невѣрныхъ при­­зываетъ вы, и хощете ити, все предлагаемое вамъ ядите, ничтоже сумнящеся, за совѣсть.
10:28 См.: 🔗Пс. 23:1	[Зач. 147.] Аще ли же кто вамъ речетъ: сiе идоложертвен­но есть: не ядите за оного повѣдав­шаго, и совѣсть: Господня бо земля и исполненiе ея.
10:29	Совѣсть же глаголю не свою, но другаго: вскую бо свобода моя судит­ся от­ иныя совѣсти?
10:30 См.: 🔗Рим. 14:6	Аще азъ благодатiю при­­чащаюся, почто хулу прiемлю, о немже азъ благодарю?
10:31 См.: 🔗Кол. 3:17	Аще убо ясте, аще ли пiете, аще ли ино что творите, вся во славу Божiю творите.
10:32	Безпреткновени бывайте Иудеемъ и Еллиномъ и церкви Божiей,
10:33 См.: 🔗Рим. 15:2	якоже и азъ во всемъ всѣмъ угождаю, не искій сво­ея пользы, но многихъ, да спасут­ся.