Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 5 | |
5:1 См.: 🔗Деян. 1:8 🔗Рим. 8:17 | Старцы иже въ васъ молю, яко старецъ сый и свидѣтель Христовымъ страстемъ, иже и хотящей славѣ явитися общникъ: |
5:2 См.: 🔗Деян. 20:28 | пасите еже въ васъ стадо Божiе, посѣщающе не нуждею, но волею и по Бозѣ, ниже неправедными прибытки, но усердно, |
5:3 См.: 🔗Мк. 10:44 | ни яко обладающе причту, но образи бывайте стаду: |
5:4 См.: 🔗1Пет. 2:25 🔗1Кор. 9:25 | и явльшуся Пастыреначалнику, прiимете неувядаемый славы вѣнецъ. |
5:5 | Такоже юнiи повинитеся старцемъ: вси же другъ другу повинующеся, смиреномудрiе стяжите, зане Богъ гордымъ противится, смиреннымъ же даетъ благодать. |
5:6 См.: 🔗Иак. 4:10 | [Зач. 63.] Смиритеся убо подъ крѣпкую руку Божiю, да вы вознесетъ во время: |
5:7 | всю печаль вашу возвергше Нань, яко Той печется о васъ. |
5:8 | Трезвитеся, бодрствуйте, зане супостатъ вашъ дiаволъ, яко левъ рыкая, ходитъ, искій кого поглотити: |
5:9 См.: 🔗Деян. 14:22 | емуже противитеся тверди вѣрою, вѣдуще, яко тѣже страсти случаются вашему братству, еже въ мiрѣ. |
5:10 См.: 🔗2Кор. 4:17 | Богъ же всякiя благодати, призвавый васъ въ вѣчную Свою славу о Христѣ Иисусѣ, мало пострадавшыя, Той да совершитъ вы, да утвердитъ, да укрѣпитъ, да оснуетъ. |
5:11 | Тому слава и держава во вѣки вѣковъ. Аминь. |
5:12 | Силуаномъ вамъ вѣрнымъ братомъ, яко непщую, вмалѣ написахъ, моля и засвидѣтелствуя сей быти истиннѣй благодати Божiей, въ нейже стоите. |
5:13 | Цѣлуетъ вы яже въ Вавилонѣ соизбранная, и Марко сынъ мой. |
5:14 | Цѣлуйте другъ друга лобзанiемъ любве. Миръ вамъ всѣмъ о Христѣ Иисусѣ. Аминь. Конецъ соборному посланiю первому святаго апостола Петра: имать въ себѣ главъ 5, зачалъ же церковныхъ 6. |