Первое послание апостола Павла к Фессалоникийцам (Солунянам), глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1	[Зач. 264.] Сами бо вѣсте, братiе, входъ нашъ иже къ вамъ, яко не вотще бысть:
2:2 См.: 🔗Деян. 16:22	но предпострадав­ше и досаждени быв­ше, якоже вѣсте, въ Филиппѣхъ, дерзнухомъ о Бозѣ на­шемъ глаголати къ вамъ благовѣ­ст­вованiе Божiе со многимъ подвигомъ.
2:3 См.: 🔗2Кор. 2:17	Утѣшенiе бо на­ше не от­ прелести, ни от­ нечистоты, ни лестiю:
2:4 См.: 🔗Иер. 17:10	но якоже искусихомся от­ Бога вѣрни быти прiяти благовѣ­ст­вованiе, тако глаголемъ, не аки человѣкомъ угождающе, но Богу искушающему сердца наша.
2:5	Никогдаже бо въ словеси ласканiя быхомъ къ вамъ, якоже вѣсте, ниже въ винѣ лихо­иманiя: Богъ свидѣтель!
2:6	Ни ищуще от­ человѣкъ славы, ни от­ васъ, ни от­ инѣхъ:
2:7 См.: 🔗2Тим. 2:24	могуще въ тяготѣ быти, якоже Христовы апостоли, но быхомъ тиси посредѣ васъ, якоже до­илица грѣетъ своя чада.
2:8	Тако желающе васъ, благоволихомъ подати вамъ не точiю благовѣ­ст­вованiе Божiе, но и душы своя, занеже воз­люблени бысте намъ.
2:9 См.: 🔗Деян. 18:3 🔗1Кор. 4:12 🔗2Фес. 3:8	[Зач. 265.] Помните бо, братiе, трудъ нашъ и подвигъ: нощь бо и день дѣла­ю­ще, да не отяготимъ ни единаго от­ васъ, проповѣдахомъ вамъ благовѣ­ст­вованiе Божiе.
2:10	Вы свидѣтеле и Богъ, яко преподобно и праведно и непорочно вамъ вѣру­ю­щымъ быхомъ,
2:11	якоже вѣсте, зане единаго когождо васъ, якоже отецъ чада своя,
2:12 См.: 🔗Еф. 4:1 🔗Флп. 1:27 🔗Кол. 1:10	моляще и утѣшающе васъ, и свидѣтел­ст­ву­ю­ще вамъ ходити достойно Богу, при­­звав­шему вы во Свое Цар­ст­во и славу.
2:13	Сего ради и мы благодаримъ Бога непрестан­но, яко прiемше слово слышанiя Божiя от­ насъ, прiясте не аки слово человѣческо, но, якоже есть во­истин­ну, слово Божiе, еже и дѣй­ст­вует­ся въ васъ вѣру­ю­щихъ.
2:14 См.: 🔗Евр. 10:34	[Зач. 266.] Вы бо подобницы бысте, братiе, церквамъ Божiимъ сущымъ во Иудеи о Христѣ Иисусѣ, зане таяжде и вы пострадасте от­ сво­ихъ сплемен­никъ, якоже и тіи от­ Иудей,
2:15 См.: 🔗Мф. 23:34	убив­шихъ и Господа Иисуса и Его пророки, и насъ изгнав­шихъ, и Богу не угодив­шихъ, и всѣмъ человѣкомъ противящихся,
2:16	[и] воз­браняющихъ намъ глаголати языкомъ, да спасут­ся, во еже исполнити имъ грѣхи своя всегда: постиже же на нихъ гнѣвъ до конца.
2:17	Мы же, братiе, осиротѣв­ше от­ васъ ко времени часа лицемъ, а не сердцемъ, лишше тщахомся лице ва­ше видѣти многимъ желанiемъ.
2:18	Тѣмже хотѣхомъ прiити къ вамъ, азъ убо Павелъ, единою и дважды: и воз­брани намъ сатана.
2:19 См.: 🔗2Кор. 1:14	Кто бо намъ упованiе или радость или вѣнецъ похваленiя? Не и вы ли предъ Господемъ нашимъ Иисусъ Христомъ во при­­ше­ст­вiи Его?
2:20 См.: 🔗Флп. 4:1	[Зач. 267.] Вы бо есте слава наша и радость.