Послание апостола Павла к Евреям, глава 12

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 12
12:1 См.: 🔗1Пет. 2:1 🔗Рим. 6:12 🔗Еф. 4:22 🔗Кол. 3:8	[Зач. 331А.] Тѣмже убо и мы, толикъ имуще облежащь насъ облакъ свидѣтелей, гордость всяку {бремя всяко} от­ложше и удобь обстоятелный грѣхъ, терпѣнiемъ да течемъ на предлежащiй намъ подвигъ,
12:2 См.: 🔗Лк. 23:46 🔗Флп. 2:8	взирающе на началника вѣры и совершителя Иисуса, Иже вмѣсто предлежащiя Ему радости претерпѣ крестъ, о срамотѣ нерадивъ, одесную же престола Божiя сѣде.
12:3 См.: 🔗Лк. 2:34 🔗Деян. 28:22 🔗Гал. 6:9	Помыслите убо таковое Пострадав­шаго от­ грѣшникъ на Себе прекословiе, да не стужаете, душами сво­ими ослабляеми.
12:4 См.: 🔗1Кор. 10:13	Не у до крове стасте, противу грѣха подвизающеся,
12:5 См.: 🔗Отк. 3:19	и забысте утѣшенiе, еже вамъ яко сыномъ глаголетъ: сыне мой, не пренемогай наказанiемъ Господнимъ, ниже ослабѣй, от­ Него обличаемь.
12:6 См.: 🔗Прит. 3:11 🔗Иов. 5:17 🔗Пс. 93:12	[Зач. 331Б.] Егоже бо любитъ Господь, наказуетъ: бiетъ же всякаго сына, егоже прiемлетъ.
12:7	Аще наказанiе терпите, якоже сыновомъ обрѣтает­ся вамъ Богъ. Который бо есть сынъ, егоже не наказуетъ отецъ?
12:8	Аще же безъ наказанiя есте, емуже при­­частницы быша вси, убо прелюбо­дѣйчищи есте, а не сынове.
12:9 См.: 🔗Чис. 16:22 🔗Иов. 12:10 🔗Еккл. 12:7 🔗Зах. 12:1	Къ симъ, плоти на­шей отцы имѣхомъ наказатели, и срамляхомся: не много ли паче повинемся Отцу духовомъ, и живи будемъ?
12:10 См.: 🔗Мф. 7:11 🔗Тит. 2:12	Они бо въ мало дній, якоже годѣ имъ бѣ, наказоваху насъ: а Сей на пользу, да при­­частимся святыни Его.
12:11	Всякое бо наказанiе въ настоящее время не мнит­ся радость быти, но печаль: послѣди же плодъ миренъ наученымъ тѣмъ воз­даетъ правды.
12:12 См.: 🔗Ис. 35:3	Тѣмже ослаблен­ныя руки и ослаблен­ная колѣна исправите
12:13	и стези правы сотворите ногами вашими, да не хромое совратит­ся, но паче да исцѣлѣетъ.
12:14 См.: 🔗Рим. 12:18 🔗2Кор. 7:1 🔗1Фес. 4:3	[Зач. 332.] Миръ имѣйте и святыню со всѣми, ихже кромѣ никтоже узритъ Господа:
12:15 См.: 🔗Втор. 29:18 🔗Гал. 5:9 🔗2Тим. 2:17	смотряюще, да не кто лишит­ся благодати Божiя: да не кій корень горести, выспрь прозябаяй, пакость сотворитъ, и тѣмъ осквернят­ся мнози:
12:16 См.: 🔗Быт. 25:33 🔗1Кор. 6:15	да не кто блудодѣй, или сквернитель, якоже Исавъ, иже за ядь едину от­далъ есть первород­ст­во свое.
12:17 См.: 🔗Быт. 27:34	Вѣсте бо, яко и потомъ похотѣвъ наслѣдовати благословенiе, от­верженъ бысть: покаянiя бо мѣста не обрѣте, аще и со слезами по­искалъ его.
12:18 См.: 🔗Исх. 19:12	Не при­­ступисте бо къ горѣ осязаемѣй и разгорѣв­шемуся огню, и облаку и сумраку, и бурѣ
12:19 См.: 🔗Исх. 20:19	и трубному звуку, и гласу глаголъ, егоже слышав­шiи от­рекошася, да не при­­ложит­ся имъ слово,
12:20 См.: 🔗Исх. 19:13	не терпяху бо повелѣвающаго: аще и звѣрь при­­коснет­ся горѣ, каменiемъ побiенъ будетъ:
12:21 См.: 🔗Втор. 33:2 🔗Пс. 67:18	и тако страшно бѣ видимое, Моисей рече: при­­стра­шенъ есмь и трепетенъ.
12:22 См.: 🔗Гал. 4:26 🔗Отк. 3:12	Но при­­ступисте къ Сiонстѣй горѣ и ко граду Бога живаго, Иерусалиму небесному и тмамъ Ангеловъ,
12:23 См.: 🔗Иер. 31:9 🔗Лк. 10:20 🔗Отк. 13:8	торже­ст­ву и церкви первородныхъ на небесѣхъ написан­ныхъ, и Судiи всѣхъ Богу и духомъ праведникъ совершен­ныхъ,
12:24 См.: 🔗Быт. 4:10 🔗1Тим. 2:5	и къ Ходатаю завѣта новаго Иисусу и Крови кропленiя, лучше глаголющей, нежели Авелева.
12:25 См.: 🔗Евр. 1:2 🔗Евр. 2:1 🔗Евр. 3:17	[Зач. 333А.] Блюдите [же], да не от­речетеся Глаголющаго. Аще бо не избѣжаша они от­рекшiися пророче­ст­ву­ю­щаго на земли, множае паче мы от­рицающiися небеснаго,
12:26 См.: 🔗Аг. 2:6 🔗Исх. 19:18	Егоже гласъ землю тогда поколеба, нынѣ же обѣтова, глаголя: еще единою Азъ потрясу не токмо землею, но и небомъ.
12:27 См.: 🔗Пс. 101:27 🔗Мф. 24:35	А еже еще единою, сказуетъ колеблемыхъ преложенiе, аки сотворен­ныхъ, да пребудутъ, яже суть неподвижимая.
12:28 См.: 🔗Лк. 1:33	[Зач. 333Б.] Тѣмже цар­ст­во непоколебимо прiемлюще, да имамы благодать, еюже служимъ благо­угодно Богу съ благоговѣнiемъ и страхомъ,
12:29 См.: 🔗Втор. 4:24 🔗Чис. 11:1 🔗Пс. 49:3 🔗Дан. 7:9	ибо Богъ нашъ огнь поядаяй [есть].