Евангелие от Иоанна, глава 10

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 10
10:1	Аминь, аминь глаголю вамъ: не входяй дверьми во дворъ овчiй, но прелазя инудѣ, той тать есть и разбойникъ:
10:2	а входяй дверьми пастырь есть овцамъ:
10:3	сему дверникъ от­верзаетъ, и овцы гласъ его слышатъ, и своя овцы глашаетъ по имени, и изгонитъ ихъ:
10:4	и егда своя овцы ижденетъ, предъ ними ходитъ: и овцы по немъ идутъ, яко вѣдятъ гласъ его:
10:5	по чуждемъ же не идутъ, но бѣжатъ от­ него, яко не знаютъ чуждаго гласа.
10:6	Сiю притчу рече имъ Иисусъ: они же не разумѣша, что бяше, яже глаголаше имъ.
10:7	Рече же паки имъ Иисусъ: аминь, аминь глаголю вамъ, яко Азъ есмь дверь овцамъ.
10:8 См.: 🔗Иер. 23:1 🔗Иер. 50:6 🔗Иез. 34:2	Вси, елико [ихъ] прiиде прежде Мене, татiе суть и разбойницы: но не послушаша ихъ овцы.
10:9 См.: 🔗Пс. 22:2	[Зач. 36.] Азъ есмь дверь: Мною аще кто внидетъ, спасет­ся: и внидетъ и изыдетъ, и пажить обрящетъ.
10:10	Тать не при­­ходитъ, развѣ да украдетъ и убiетъ и погубитъ: Азъ прiидохъ, да животъ имутъ и лишше имутъ.
10:11 См.: 🔗Пс. 22:1 🔗Ис. 40:11 🔗Иез. 34:13 🔗Иез. 37:24 🔗1Пет. 2:25 🔗1Пет. 5:4	Азъ есмь пастырь добрый: пастырь добрый душу свою полагаетъ за овцы:
10:12	а наемникъ, иже нѣсть пастырь, емуже не суть овцы своя, видитъ волка грядуща, и оставляетъ овцы, и бѣгаетъ: и волкъ расхититъ ихъ, и распудитъ овцы:
10:13	а наемникъ бѣжитъ, яко наемникъ есть, и нерадитъ о овцахъ.
10:14 См.: 🔗Иез. 34:11 🔗2Тим. 2:19	Азъ есмь пастырь добрый: и знаю Моя, и знаютъ Мя Моя:
10:15	якоже знаетъ Мя Отецъ, и Азъ знаю Отца: и душу Мою полагаю за овцы.
10:16 См.: 🔗Иез. 37:22	И ины овцы имамъ, яже не суть от­ двора сего: и тыя Ми подобаетъ при­­вести, и гласъ Мой услышатъ: и будетъ едино стадо и единъ Пастырь.
10:17 См.: 🔗Ис. 53:11	[Зач. 37.] Сего ради Мя Отецъ любитъ, яко Азъ душу Мою полагаю, да паки прiиму ю:
10:18 См.: 🔗Ин. 2:19 🔗Ин. 14:31	никтоже возметъ ю от­ Мене, но Азъ полагаю ю о Себѣ: область имамъ положити ю, и область имамъ паки прiяти ю. Сiю заповѣдь прiяхъ от­ Отца Мо­его.
10:19	Распря же паки бысть во Иудеехъ за словеса сiя.
10:20 См.: 🔗Мк. 3:21 🔗Ин. 7:20	Глаголаху же мнози от­ нихъ: бѣса имать и неистовъ есть: что Его послушаете?
10:21	Иніи глаголаху: Сiи глаголи не суть бѣснующагося: еда можетъ бѣсъ слѣпымъ очи от­версти?
10:22 См.: 🔗1Мак. 4:59	Быша же [тогда] обновленiя во Иерусалимѣхъ, и зима бѣ.
10:23	И хожда­ше Иисусъ въ церкви, въ при­­творѣ Соломони.
10:24	Обыдоша же Его Иудее, и глаголаху Ему: доколѣ душы нашя вземлеши, аще Ты еси Христосъ, рцы намъ не обинуяся.
10:25 См.: 🔗Ин. 5:36	Отвѣща имъ Иисусъ: рѣхъ вамъ, и не вѣруете: дѣла, яже Азъ творю о имени Отца Мо­его, та свидѣтел­ст­вуютъ о Мнѣ:
10:26 См.: 🔗Ин. 8:19 🔗1Ин. 4:6	но вы не вѣруете: нѣсте бо от­ овецъ Мо­ихъ, якоже рѣхъ вамъ:
10:27	[Зач. 38.] овцы Моя гласа Мо­его слушаютъ, и Азъ знаю ихъ, и по Мнѣ грядутъ:
10:28	и Азъ животъ вѣчный дамъ имъ, и не погибнутъ во вѣки, и не восхититъ ихъ никтоже от­ руки Мо­ея:
10:29 См.: 🔗Втор. 33:3	Отецъ Мой, Иже даде Мнѣ, болiй всѣхъ есть: и никтоже можетъ восхитити ихъ от­ руки Отца Мо­его:
10:30	Азъ и Отецъ едино есма.
10:31 См.: 🔗Ин. 5:18	Взяша же каменiе паки Иудее, да побiютъ Его.
10:32	Отвѣща имъ Иисусъ: многа добра дѣла явихъ вамъ от­ Отца Мо­его: за кое ихъ дѣло каменiе мещете на Мя?
10:33	Отвѣщаша Ему Иудее, глаголюще: о добрѣ дѣлѣ каменiе не мещемъ на Тя, но о хулѣ, яко Ты, человѣкъ сый, твориши Себе Бога.
10:34 См.: 🔗Пс. 81:6	Отвѣща имъ Иисусъ: нѣсть ли писано въ законѣ ва­шемъ: Азъ рѣхъ: бози есте?
10:35	Аще оныхъ рече боговъ, къ нимже слово Божiе бысть, и не можетъ разоритися Писанiе:
10:36 См.: 🔗Ин. 6:27	Егоже Отецъ святи и посла въ мiръ, вы глаголете, яко хулу глаголеши, зане рѣхъ: Сынъ Божiй есмь.
10:37	Аще не творю дѣла Отца Мо­его, не имите Ми вѣры:
10:38 См.: 🔗Ин. 14:10 🔗Ин. 17:21	аще ли творю, аще и Мнѣ не вѣруете, дѣломъ [Мо­имъ] вѣруйте: да разумѣете и вѣруете, яко во Мнѣ Отецъ, и Азъ въ Немъ.
10:39	Искаху убо паки яти Его: и изыде от­ рукъ ихъ,
10:40 См.: 🔗Ин. 1:28	и иде паки на онъ полъ Иордана, на мѣсто, идѣже бѣ Иоан­нъ прежде крестя: и пребысть ту.
10:41 См.: 🔗Ин. 5:33	И мнози прiидоша къ Нему, и глаголаху, яко Иоан­нъ убо знаменiя не сотвори ни единаго: вся же, елика рече Иоан­нъ о Семъ, истин­на бяху.
10:42	И мнози вѣроваша въ Него ту.