Книга Иова, глава 14

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 14
14:1 См.: 🔗Сир. 18:8	Человѣкъ бо рожденъ от­ жены малолѣтенъ и исполнь гнѣва:
14:2 См.: 🔗Иов. 8:9 🔗Пс. 143:4	или якоже цвѣтъ процвѣтый от­паде, от­бѣже же яко сѣнь, и не посто­итъ.
14:3	Не и о семъ ли слово сотворилъ еси, и сему сотворилъ еси внити на судъ предъ тя?
14:4 См.: 🔗Пс. 50:7 🔗Ис. 64:6	Кто бо чистъ будетъ от­ скверны? никтоже,
14:5	аще и единъ день житiе его на земли: изочтени же месяцы его от­ тебе, на время положилъ еси, и не преступитъ.
14:6 См.: 🔗Иов. 7:1	Отступи от­ него, да умолкнетъ и изберетъ житiе якоже наемникъ.
14:7	Есть бо древу надежда: аще бо посѣчено будетъ, паки процвѣтетъ, и лѣторасль его не оскудѣетъ:
14:8	аще бо состарѣет­ся въ земли корень его, на камени же скончает­ся стебло его,
14:9	от­ вони воды процвѣтетъ, сотворитъ же жатву, якоже новосажден­ное.
14:10	Мужъ же умерый отъиде, падъ же человѣкъ, ктому нѣсть.
14:11	Временемъ бо оскудѣваетъ море, рѣка же опустѣв­ши изсше:
14:12 См.: 🔗Иов. 19:25 🔗Дан. 12:2	человѣкъ же уснувъ не востанетъ, дондеже не будетъ небо сошвено, и не воз­будят­ся от­ сна сво­его.
14:13	Убо, о, дабы во адѣ мя сохранилъ еси, скрылъ же мя бы еси, дондеже престанетъ гнѣвъ твой, и вчиниши ми время, въ неже память сотвориши ми.
14:14	Аще бо умретъ человѣкъ, живъ будетъ: скончавъ дни житiя сво­его, потерплю, дондеже паки буду.
14:15 См.: 🔗Иов. 10:8	Посемъ воз­зовеши, азъ же послушаю тя: дѣлъ же руку твоею не от­вращайся:
14:16 См.: 🔗Иов. 31:4 🔗Пс. 138:2	изчислилъ же еси начинанiя моя, и ничтоже тя мимо­идетъ от­ грѣхъ мо­ихъ:
14:17 См.: 🔗Ос. 13:12 🔗Иез. 18:22	запечатлѣлъ же ми еси беззаконiя въ мѣшцѣ, назнаменалъ же еси, аще что неволею преступихъ.
14:18	Обаче и гора пада­ю­щи распадет­ся, и камень обетшаетъ от­ мѣста сво­его:
14:19	каменiе огладиша воды, и потопиша воды взнакъ холмы земныя, и ожиданiе человѣческо погубилъ еси.
14:20	Отринулъ еси его до конца, и отъиде: измѣнилъ еси ему лице и испустилъ еси.
14:21 См.: 🔗Еккл. 2:19	Многимъ же быв­шымъ сыномъ его, не вѣсть: аще же и мало ихъ будетъ, не знаетъ:
14:22	но плоти его болѣша, душа же его о себѣ сѣтова.