Евангелие от Марка, глава 16

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 16
16:1 См.: 🔗Мф. 28:1 🔗Лк. 24:1 🔗Ин. 20:1	И минувшей субботе, Мариа Магдалина и Мариа Иаковля и Саломиа купиша ароматы, да пришедшя помажут Иисуса.
16:2	И зело заутра во едину от суббот приидоша на гроб, возсиявшу солнцу,
16:3	и глаголаху к себе: кто отвалит нам камень от дверий гроба?
16:4	И воззревшя видеша, яко отвален бе камень: бе бо велий зело.
16:5 См.: 🔗Ин. 20:12	И вшедшя во гроб, видеша юношу седяща в десных, одеяна во одежду белу: и ужасошася.
16:6	Он же глагола им: не ужасайтеся: Иисуса ищете Назарянина распятаго: воста, несть зде: се, место, идеже положиша Его:
16:7 См.: 🔗Мф. 26:32 🔗Мк. 14:28	но идите, рцыте учеником Его и Петрови, яко варяет вы в Галилеи: тамо Его видите, якоже рече вам.
16:8	И изшедшя бежаша от гроба: имяше же их трепет и ужас: и ни комуже ничтоже реша: бояхубося.
16:9 См.: 🔗Мф. 28:9 🔗Лк. 8:2 🔗Ин. 20:14	Воскрес же (Иисус) заутра в первую субботу, явися прежде Марии Магдалини, из неяже изгна седмь бесов.
16:10	Она (же) шедши возвести с Ним бывшым, плачущымся и рыдающым:
16:11	и они слышавше, яко жив есть и виден бысть от нея, не яша веры.
16:12 См.: 🔗Лк. 24:13	По сих же двема от них грядущема явися инем образом, идущема на село.
16:13	И та шедша возвестиста прочым: и ни тема веры яша.
16:14 См.: 🔗Лк. 24:36 🔗Ин. 20:19 🔗1Кор. 15:5	Последи (же) возлежащым им единомунадесяте явися, и поноси неверствию их и жестосердию, яко видевшым Его воставша не яша веры.
16:15 См.: 🔗Ис. 2:3 🔗Ис. 52:10 🔗Мф. 28:19 🔗Ин. 15:16	И рече им: шедше в мир весь, проповедите Евангелие всей твари.
16:16 См.: 🔗Ин. 12:48	Иже веру имет и крестится, спасен будет: а иже не имет веры, осужден будет.
16:17 См.: 🔗Деян. 2:4 🔗1Кор. 12:10	Знамения же веровавшым сия последуют: именем Моим бесы ижденут: языки возглаголют новы:
16:18 См.: 🔗Лк. 10:19 🔗Деян. 28:8 🔗Иак. 5:14	змия возмут: аще и что смертно испиют, не вредит их: на недужныя руки возложат, и здрави будут.
16:19 См.: 🔗Пс. 109:1 🔗Лк. 24:51 🔗Деян. 1:9	Господь же убо, по глаголголании (Его) к ним, вознесеся на небо и седе о десную Бога.
16:20 См.: 🔗Деян. 14:3 🔗1Кор. 3:6 🔗1Кор. 15:10 🔗Евр. 2:4	Они же изшедше проповедаша всюду, Господу поспешствующу и слово утверждающу последствующими знаменьми. Аминь.