Евангелие от Марка, глава 16

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 16
16:1 См.: 🔗Мф. 28:1 🔗Лк. 24:1 🔗Ин. 20:1	[Зач. 70.] И минув­шей субботѣ, Маріа Магдалина и Маріа Иаковля и Саломіа купиша ароматы, да при­­шедшя помажутъ Иисуса.
16:2	И зѣло заутра во едину от­ субботъ прiидоша на гробъ, воз­сiяв­шу солнцу,
16:3	и глаголаху къ себѣ: кто от­валитъ намъ камень от­ дверiй гроба?
16:4	И воз­зрѣв­шя видѣша, яко от­валенъ бѣ камень: бѣ бо велiй зѣло.
16:5 См.: 🔗Ин. 20:12	И в­шедшя во гробъ, видѣша юношу сѣдяща въ десныхъ, одѣяна во одежду бѣлу: и ужасошася.
16:6	Онъ же глагола имъ: не ужасайтеся: Иисуса ищете Назарянина распятаго: воста, нѣсть здѣ: се, мѣсто, идѣже положиша Его:
16:7 См.: 🔗Мф. 26:32 🔗Мк. 14:28	но идите, рцыте ученикомъ Его и Петрови, яко варяетъ вы въ Галилеи: тамо Его видите, якоже рече вамъ.
16:8	И изшедшя бѣжаша от­ гроба: имяше {одержа­ше} же ихъ трепетъ и ужасъ: и ни комуже ничтоже рѣша: бояхубося.
16:9 См.: 🔗Мф. 28:9 🔗Лк. 8:2 🔗Ин. 20:14	[Зач. 71.] Воскресъ же [Иисусъ] заутра въ первую субботу, явися прежде Маріи Магдалини, изъ неяже изгна седмь бѣсовъ.
16:10	Она [же] шедши воз­вѣсти съ Нимъ быв­шымъ, плачущымся и рыдающымъ:
16:11	и они слышав­ше, яко живъ есть и видѣнъ бысть от­ нея, не яша вѣры.
16:12 См.: 🔗Лк. 24:13	По сихъ же двѣма от­ нихъ грядущема явися инѣмъ образомъ, идущема на село.
16:13	И та шедша воз­вѣстиста прочымъ: и ни тѣма вѣры яша.
16:14 См.: 🔗Лк. 24:36 🔗Ин. 20:19 🔗1Кор. 15:5	Послѣди [же] воз­лежащымъ имъ единому­на­де­ся­те явися, и поноси невѣр­ст­вiю ихъ и жестосердiю, яко видѣв­шымъ Его востав­ша не яша вѣры.
16:15 См.: 🔗Ис. 2:3 🔗Ис. 52:10 🔗Мф. 28:19 🔗Ин. 15:16	И рече имъ: шедше въ мiръ весь, проповѣдите Евангелiе всей твари.
16:16 См.: 🔗Ин. 12:48	Иже вѣру иметъ и крестит­ся, спасенъ будетъ: а иже не иметъ вѣры, осужденъ будетъ.
16:17 См.: 🔗Деян. 2:4 🔗1Кор. 12:10	Знаменiя же вѣровав­шымъ сiя послѣдуютъ: именемъ Мо­имъ бѣсы ижденутъ: языки воз­глаголютъ новы:
16:18 См.: 🔗Лк. 10:19 🔗Деян. 28:8 🔗Иак. 5:14	змiя возмутъ: аще и что смертно испiютъ, не вредитъ ихъ: на недужыя руки воз­ложатъ, и здрави будутъ.
16:19 См.: 🔗Пс. 109:1 🔗Лк. 24:51 🔗Деян. 1:9	Господь же убо, по глаголанiи [Его] къ нимъ, воз­несеся на небо и сѣде одесную Бога.
16:20 См.: 🔗Деян. 14:3 🔗1Кор. 3:6 🔗1Кор. 15:10 🔗Евр. 2:4	Они же изшедше проповѣдаша всюду, Господу поспѣш­ст­ву­ю­щу и слово утверждающу послѣд­ст­ву­ю­щими знаменьми. Аминь. Конецъ еже от­ Марка святаго Евангелiа: имать въ себѣ главъ 16, зачалъ же церковныхъ 71.