Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 23 | |
23:1 | Господи отче и Владыко живота моего, не остави мене въ совѣтѣ ихъ и не даждь ми впасти въ ня. |
23:2 | Кто возложитъ на помышленiе мое раны и на сердце мое наказанiе премудрости, да о неразумiихъ моихъ не пощадятъ, и да не прейдутъ грѣси ихъ? |
23:3 | Яко да не умножатся невѣдѣнiя моя и грѣси мои премнози да не будутъ, и падуся предъ супостаты, и порадуетмися врагъ мой. |
23:4 См.: 🔗Гал. 5:24 | Господи отче и Боже живота моего, не даждь возношенiя очима моима и вожделѣнiе отврати от мене. |
23:5 | Чрева похоть и блудодѣянiя да не объимутъ мя, и безстуднѣй души не предаждь мене. |
23:6 | Послушайте, чада, наказанiя устъ: храняй бо не ятъ будетъ устнама своима. |
23:7 | Устнама своима ятъ будетъ грѣшникъ, и клеветникъ и гордый поползнется въ нихъ. |
23:8 | Заклинанiю не обучай устъ своихъ |
23:9 См.: 🔗Исх. 20:7 🔗Мф. 5:34 | и клятися именемъ святымъ не навыкай. |
23:10 | Якоже бо рабъ истязуемь часто от ранъ не умалится, такожде и кленыйся именемъ святымъ всегда от грѣха не очистится. |
23:11 См.: 🔗Лев. 19:12 🔗Втор. 5:11 | Мужъ кленыйся много исполнится беззаконiя, и не отступитъ от дому его язва: |
23:12 См.: 🔗Лев. 5:4 | аще согрѣшитъ, грѣхъ его на немъ, и аще презритъ, сугубо согрѣшитъ: |
23:13 | и аще вотще кляся, не оправдится, исполнится бо домъ его нападенiя. |
23:14 См.: 🔗Лев. 24:15 | Есть бесѣда облечена смертiю: да не обрящется во наслѣдiи Иаковли: |
23:15 | от благочестивыхъ бо вся сiя отступятъ, и во грѣхи не впадутся. |
23:16 См.: 🔗Мф. 5:33 | Въ ненаказанiи неключимѣмъ не обучай устъ своихъ: есть бо въ немъ слово грѣха. |
23:17 См.: 🔗Сир. 3:3 | Помяни отца твоего и матерь твою, посредѣ бо вельможъ сѣдиши: |
23:18 | да не како забвенъ будеши предъ ними, и обычаемъ своимъ обуяеши и похощеши, дабы ты не родился, и день рожденiя твоего прокленеши. |
23:19 См.: 🔗Прит. 10:18 | Человѣкъ обучаяся словесемъ поношенiя во всѣхъ днехъ своихъ не научится. |
23:20 | Два вида умножаютъ грѣхи и третiй наводитъ гнѣвъ: |
23:21 | душа тепла, яко огнь горящь, не угаснетъ, дондеже поглощена будетъ: |
23:22 См.: 🔗Евр. 13:4 | человѣкъ блудникъ въ тѣлѣ плоти своея не престанетъ, дондеже возжжетъ огнь. |
23:23 См.: 🔗Прит. 9:17 | Человѣку блудну всякъ хлѣбъ сладокъ, не престанетъ, дондеже умретъ. |
23:24 См.: 🔗Ис. 29:15 | Человѣкъ преступаяй ложе свое, глаголя въ души своей: кто мя видитъ? |
23:25 См.: 🔗Иез. 8:12 | тма окрестъ мене, и стѣны закрываютъ мя, и никтоже мя видитъ, кого убоюся? грѣховъ моихъ не воспомянетъ вышнiй. |
23:26 | И очи человѣчестiи страхъ его: |
23:27 См.: 🔗Сир. 17:16 🔗Евр. 4:13 | и не разумѣ, яко очи Господни тмами темъ кратъ свѣтлѣйшiи солнца суть, |
23:28 См.: 🔗Иер. 23:24 | прозирающiи вся пути человѣческiя и разсматряющiи въ тайныхъ мѣстѣхъ: |
23:29 См.: 🔗Пс. 138:16 | прежде неже создана быша, вся увѣдѣна ему, такожде и по скончанiи. |
23:30 См.: 🔗Лев. 20:10 | Сей на путехъ града отмщенъ будетъ, и идѣже не надѣяшеся, ятъ будетъ. |
23:31 | Такожде и жена оставльшая мужа своего и прiемлющая наслѣдника от иного: |
23:32 См.: 🔗Втор. 22:22 🔗Ин. 8:5 | первое бо от закона вышняго отступи, и второе мужу своему согрѣши, и третiе блудомъ прелюбодѣйствова, от чуждаго мужа чада сотвори: |
23:33 См.: 🔗Втор. 22:22 🔗Иез. 16:40 | сiя предъ соборъ изведена будетъ, и на чадѣхъ ея посѣщенiе будетъ: |
23:34 См.: 🔗Прем. 3:16 🔗Прем. 4:3 | не укоренятся чада ея въ корень, и вѣтви ея не сотворятъ плода: |
23:35 См.: 🔗Чис. 5:27 | и оставитъ на клятву память свою, и поношенiе ея не потребится. |
23:36 См.: 🔗Пс. 18:11 🔗Пс. 118:72 | И уразумѣютъ оставльшiися, яко ничтоже лучше страха Господня, и ничтоже сладчае, токмо внимати заповѣдемъ Господнимъ. |
23:37 | Слава велiя еже послѣдовати Богу, долгота же дній еже прiяту тебѣ быти от него. |