Песнь песней Соломона, глава 8

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 8
8:1	Кто дастъ тя, брате мой, ссуща сосцы матере мо­ея? обрѣтши тя внѣ цѣлую тя, и ктому не уничижатъ мене.
8:2 См.: 🔗Песн. 3:4	Пойму тя, введу тя въ домъ матере мо­ея и въ ложницу заченшiя мя: тамо мя научиши: напою тя от­ вина съ вонями стро­енаго, от­ воды яблокъ мо­ихъ.
8:3 См.: 🔗Песн. 2:6	Шуйца его подъ главою мо­ею, и десница его объиметъ мя.
8:4 См.: 🔗Песн. 3:5	Закляхъ васъ, дщери Иерусалимскiя, въ силахъ и въ крѣпостехъ селныхъ: аще подвижете и воз­движете любо­вь, дондеже аще восхощетъ.
8:5 См.: 🔗1Пет. 5:10 🔗Мф. 8:25 🔗Мф. 12:49 🔗Гал. 4:19 🔗Песн. 3:6	Кто сiя восходящая убѣлена и утвержаема о братѣ сво­емъ? подъ яблонею воз­будихъ тя: тамо роди тя мати твоя, тамо поболѣ тобою рождшая тя.
8:6 См.: 🔗Иер. 22:24 🔗2Тим. 2:12	Положи мя яко печать на сердцы тво­емъ, яко печать на мышцѣ тво­ей: зане крѣпка яко смерть любы, жестока яко адъ ревность: крила ея крила огня, [углiе огнен­но] пламы ея.
8:7 См.: 🔗Рим. 8:35	Вода многа не можетъ угасити любве, и рѣки не потопятъ ея. Аще дастъ мужъ все имѣнiе свое за любо­вь, уничиженiемъ уничижатъ его.
8:8	Сестра наша мала и сосцу не имать: что сотворимъ сестрѣ на­шей въ день, въ оньже аще глаголатися будетъ ей?
8:9	Аще стѣна есть, соградимъ на ней забрала сребряна: и аще дверь есть, напишемъ на ней дску кедрову.
8:10	Азъ стѣна, и сосцы мо­и яко столпи: азъ бѣхъ во очiю ихъ аки обрѣтающая миръ.
8:11 См.: 🔗Еккл. 2:4 🔗Мф. 21:33	Виноградъ бысть соломону во вееламонѣ: даде виноградъ свой стрегущымъ: мужъ при­­несетъ въ плодѣ его тысящу сребреникъ.
8:12 См.: 🔗Ис. 5:1	Виноградъ мой предо мною: тысяща соломону и двѣсти стрегущымъ плодъ его.
8:13	Сѣдяй въ вертоградѣхъ, и друзiе внемлющiи гласу тво­ему: гласъ твой внуши мнѣ.
8:14 См.: 🔗Песн. 2:9	Бѣжи, брате мой, и уподобися сернѣ или юнцу еленей, на горы ароматовъ.