Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 1 | |
1:1 См.: 🔗Лк. 1:3 | Первое убо слово сотворих о всех, о, Феофиле, яже начат Иисус творити же и учити |
1:2 См.: 🔗Мк. 16:15 🔗Ин. 20:21 | даже до дне, в оньже, заповедав Апостолом Духом Святым, ихже избра, вознесеся: |
1:3 См.: 🔗Мф. 28:7 🔗Мк. 16:14 | пред нимиже и постави Себе жива по страдании Своем во мнозех истинных знамениих, деньми четыредесятьми являяся им и глаголя яже о Царствии Божии: |
1:4 См.: 🔗Лк. 24:49 🔗Ин. 14:26 | с нимиже и ядый повеле им от Иерусалима не отлучатися, но ждати обетования Отча, еже слышасте от Мене: |
1:5 | яко Иоанн убо крестил есть водою, вы же имате креститися Духом Святым не по мнозех сих днех. |
1:6 См.: 🔗Дан. 7:18 🔗Ам. 9:11 | Они же убо сошедшеся вопрошаху Его, глаголюще: Господи, аще в лето сие устрояеши царствие Израилево? |
1:7 | Рече же к ним: несть ваше разумети времена и лета, яже Отец положи во Своей власти: |
1:8 См.: 🔗Лк. 24:49 🔗Деян. 2:32 | но приимете силу, нашедшу Святому Духу на вы, и будете Ми свидетелие во Иерусалиме же и во всей Иудеи и Самарии и даже до последних земли. |
1:9 См.: 🔗Мк. 16:19 🔗Лк. 24:51 | И сия рек, зрящым им взятся, и облак подят Его от очию их. |
1:10 | И егда взирающе бяху на небо, идущу Ему, и се, мужа два стаста пред ними во одежди беле, |
1:11 | яже и рекоста: мужие Галилейстии, что стоите зряще на небо? Сей Иисус, вознесыйся от вас на небо, такожде приидет, имже образом видесте Его идуща на небо. |
1:12 | Тогда возвратишася во Иерусалим от горы нарицаемыя Елеон, яже есть близ Иерусалима, субботы имущия путь. |
1:13 См.: 🔗Мф. 10:2 | И егда внидоша, взыдоша на горницу, идеже бяху пребывающе, Петр же и Иаков, и Иоанн и Андрей, Филипп и Фома, Варфоломей и Матфей, Иаков Алфеов и Симон Зилот и Иуда Иаковль: |
1:14 | сии вси бяху терпяще единодушно в молитве и молении, с женами и Мариею Материю Иисусовою и с братиею Его. |
1:15 | И во дни тыя востав Петр посреде ученик, рече, |
1:16 | бе же имен народа вкупе яко сто и двадесять: мужие братие, подобаше скончатися Писанию сему, еже предрече Дух Святый усты Давидовыми о Иуде, бывшем вожди емшым Иисуса: |
1:17 | яко причтен бе с нами и приял бяше жребий службы сея: |
1:18 См.: 🔗Мф. 27:5 | сей убо стяжа село от мзды неправедныя, и ниц быв проседеся посреде, и излияся вся утроба его: |
1:19 | и разумно бысть всем живущым во Иерусалиме, яко нарещися селу тому своим их языком Акелдама, еже есть село крове: |
1:20 См.: 🔗Пс. 68:26 🔗Пс. 108:8 | пишется бо в книзе Псаломстей: да будет двор его пуст, и да не будет живущаго в нем, и епископство его да приимет ин: |
1:21 | подобает убо от сходившихся с нами мужей во всяко лето, в неже вниде и изыде в нас Господь Иисус, |
1:22 | начен от крещения Иоаннова даже до дне, в оньже вознесеся (на небо) от нас, свидетелю воскресения Его быти с нами единому от сих. |
1:23 | И поставиша два, Иосифа нарицаемаго Варсаву, иже наречен бысть Иуст, и Матфиа, |
1:24 | и помолившеся реша: Ты, Господи, Сердцеведче всех, покажи, егоже избрал еси от сею двою единаго, |
1:25 | прияти жребий служения сего и Апостолства, из негоже испаде Иуда, ити в место свое. |
1:26 | И даша жребия има, и паде жребий на Матфиа, и причтен бысть ко единонадесяти Апостолом. |