Деяния святых Апостолов, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1 См.: 🔗Лк. 1:3	[Зач. 1.] Первое убо слово сотворихъ о всѣхъ, о, Ѳеофиле, яже начатъ Иисусъ творити же и учити
1:2 См.: 🔗Мк. 16:15 🔗Ин. 20:21	даже до дне, въ оньже, заповѣдавъ апостоломъ Духомъ Святымъ, ихже избра, воз­несеся:
1:3 См.: 🔗Мф. 28:7 🔗Мк. 16:14	предъ нимиже и постави Себе жива по страданiи Сво­емъ во мнозѣхъ истин­ныхъ знаменiихъ, денми четыредесятьми являяся имъ и глаголя яже о Цар­ст­вiи Божiи:
1:4 См.: 🔗Лк. 24:49 🔗Ин. 14:26	съ нимиже и ядый повелѣ имъ от­ Иерусалима не от­лучатися, но ждати обѣтованiя Отча, еже слышасте от­ Мене:
1:5 См.: 🔗Мф. 3:11 🔗Мк. 1:8	яко Иоан­нъ убо крестилъ есть водою, вы же имате креститися Духомъ Святымъ не по мнозѣхъ сихъ днехъ.
1:6 См.: 🔗Дан. 7:18 🔗Ам. 9:11	Они же убо сошедшеся вопрошаху Его, глаголюще: Господи, аще въ лѣто сiе устрояеши цар­ст­вiе Израилево?
1:7	Рече же къ нимъ: нѣсть ва­ше разумѣти времена и лѣта, яже Отецъ положи во Сво­ей власти:
1:8 См.: 🔗Лк. 24:49 🔗Деян. 2:32	но прiимете силу, нашедшу Святому Духу на вы, и будете Ми свидѣтелiе во Иерусалимѣ же и во всей Иудеи и Самаріи и даже до послѣднихъ земли.
1:9 См.: 🔗Мк. 16:19 🔗Лк. 24:51	И сiя рекъ, зрящымъ имъ взят­ся, и облакъ подъятъ Его от­ очiю ихъ.
1:10	И егда взирающе бяху на небо, идущу Ему, и се, мужа два стаста предъ ними во одежди бѣлѣ,
1:11 См.: 🔗Дан. 7:13 🔗Мф. 25:31 🔗Мф. 26:64 🔗1Фес. 1:10 🔗Отк. 1:7	яже и рекоста: мужiе Галилейстiи, что сто­ите зряще на небо? Сей Иисусъ, воз­несыйся от­ васъ на небо, такожде прiидетъ, имже образомъ видѣсте Его идуща на небо.
1:12	[Зач. 2.] Тогда воз­вратишася во Иерусалимъ от­ горы нарицаемыя Елеонъ, яже есть близъ Иерусалима, субботы имущiя путь.
1:13 См.: 🔗Мф. 10:2	И егда внидоша, взыдоша на горницу, идѣже бяху пребывающе, Петръ же и Иаковъ, и Иоан­нъ и Андрей, Филиппъ и Ѳома, Варѳоломей и Матѳей, Иаковъ Алфеовъ и Симонъ Зилотъ и Иуда Иаковль:
1:14	сіи вси бяху терпяще единодушно въ молитвѣ и моленiи, съ женами и Маріею Матерiю Иисусовою и съ братiею Его.
1:15	И во дни тыя воставъ Петръ посредѣ ученикъ, рече,
1:16 См.: 🔗Пс. 40:10 🔗Ин. 13:18 🔗Ин. 18:3	бѣ же именъ народа вкупѣ яко сто и двадесять: мужiе братiе, подоба­ше скончатися Писанiю сему, еже предрече Духъ Святый усты Давидовыми о Иудѣ, быв­шемъ вожди емшымъ Иисуса:
1:17	яко при­­чтенъ бѣ съ нами и прiялъ бяше жребiй службы сея:
1:18 См.: 🔗Мф. 27:5	сей убо стяжа село от­ мзды неправедныя, и ницъ бывъ просѣдеся посредѣ, и излiяся вся утроба его:
1:19	и разумно бысть всѣмъ живущымъ во Иерусалимѣ, яко нарещися селу тому сво­имъ ихъ языкомъ Акелдама, еже есть село крове:
1:20 См.: 🔗Пс. 68:26 🔗Пс. 108:8	пишет­ся бо въ книзѣ Псаломстѣй: да будетъ дворъ его пустъ, и да не будетъ живущаго въ немъ, и епископ­ст­во его да прiиметъ инъ:
1:21	подобаетъ убо от­ сходив­шихся съ нами мужей во всяко лѣто, въ неже вниде и изыде въ насъ Господь Иисусъ,
1:22	наченъ от­ крещенiя Иоан­нова даже до дне, въ оньже воз­несеся [на небо] от­ насъ, свидѣтелю воскресенiя Его быти съ нами единому от­ сихъ.
1:23	И поставиша два, Иосифа нарицаемаго Варсаву, иже нареченъ бысть Иустъ, и Матѳіа,
1:24	и помолив­шеся рѣша: Ты, Господи, Сердцевѣдче всѣхъ, покажи, егоже избралъ еси от­ сею двою единаго,
1:25	прiяти жребiй служенiя сего и апостол­ст­ва, изъ негоже испаде Иуда, ити въ мѣсто свое.
1:26	И даша жребiя има, и паде жребiй на Матѳіа, и при­­чтенъ бысть ко едино­на­де­ся­ти апостоломъ.