Послание апостола Павла к Галатам, глава 3

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 3
3:1	О, несмыслен­нiи Галате, кто вы прельстилъ есть не покоритися истинѣ, имже предъ очима Иисусъ Христосъ преднаписанъ бысть, въ васъ распятъ?
3:2 См.: 🔗Деян. 2:38 🔗Деян. 10:43	Сiе едино хощу увѣдѣти от­ васъ: от­ дѣлъ ли закона Духа прiясте, или от­ слуха вѣры?
3:3 См.: 🔗Гал. 5:7	Тако ли несмыслен­ни есте? Наченше духомъ, нынѣ плотiю скончаваете?
3:4	Толика пострадасте туне? Аще точiю и туне.
3:5	Подаяй убо вамъ Духа и дѣй­ст­вуяй силы въ васъ, от­ дѣлъ ли закона, или от­ слуха вѣры?
3:6 См.: 🔗Быт. 15:6 🔗Иак. 2:23 🔗Рим. 4:3	Якоже Авраамъ вѣрова Богу, и вмѣнися ему въ правду.
3:7 См.: 🔗Ин. 8:39	Разумѣйте убо, яко сущiи от­ вѣры, сіи суть сынове Авраамли.
3:8 См.: 🔗Быт. 12:3	[Зач. 205.] Предувидѣв­шее же Писанiе, яко от­ вѣры оправдаетъ языки Богъ, прежде благовѣ­ст­вова Аврааму, яко благословят­ся о тебѣ вси языцы.
3:9	Тѣмже сущiи от­ вѣры, благословят­ся съ вѣрнымъ Авраамомъ:
3:10 См.: 🔗Втор. 27:26 🔗Иер. 11:3	елицы бо от­ дѣлъ закона суть, подъ клятвою суть. Писано бо есть: проклятъ всякъ, иже не пребудетъ во всѣхъ писан­ныхъ въ книзѣ закон­нѣй, яко творити я.
3:11 См.: 🔗Авв. 2:4 🔗Рим. 1:17 🔗Евр. 10:38	А яко въ законѣ никтоже оправдает­ся от­ Бога, явѣ, яко праведный от­ вѣры живъ будетъ.
3:12 См.: 🔗Лев. 18:5	Законъ же нѣсть от­ вѣры: но сотворивый та человѣкъ живъ будетъ въ нихъ.
3:13 См.: 🔗Втор. 21:23 🔗1Пет. 2:24 🔗Рим. 8:3	[Зач. 206.] Христосъ ны искупилъ есть от­ клятвы закон­ныя, бывъ по насъ клятва: писано бо есть: проклятъ всякъ висяй на древѣ:
3:14 См.: 🔗Ис. 44:5 🔗Деян. 3:25	да въ языцѣхъ благословенiе Авраамле будетъ о Христѣ Иисусѣ, да обѣтованiе Духа прiимемъ вѣрою.
3:15 См.: 🔗Евр. 9:17	[Зач. 207.] Братiе, по человѣку глаголю: обаче человѣческаго предутвержден­на завѣта никтоже от­метаетъ или при­­повелѣваетъ.
3:16 См.: 🔗Быт. 12:7 🔗Быт. 15:5	Аврааму же речени быша обѣты, и сѣмени его. Не глаголетъ [же]: и сѣменемъ, яко о мнозѣхъ, но яко о единомъ: и сѣмени тво­ему, иже есть Христосъ.
3:17 См.: 🔗Исх. 12:40 🔗Деян. 7:6	Сiе же глаголю, завѣта предутвержден­наго от­ Бога во Христа, бывый по лѣтѣхъ четыриста и тридесятихъ законъ не от­метаетъ, во еже разорити обѣтованiе.
3:18 См.: 🔗Рим. 8:17 🔗Гал. 2:21	Аще бо от­ закона наслѣдiе, не ктому [уже] от­ обѣтованiя: Аврааму же обѣтованiемъ дарова Богъ.
3:19 См.: 🔗Исх. 19:3 🔗Деян. 7:38	Что убо законъ? Преступленiй ради при­­ложися, дондеже прiидетъ сѣмя, емуже обѣтовася, вчиненъ Ангелы, рукою ходатая.
3:20	Ходатай же единаго нѣсть, Богъ же единъ есть.
3:21	Законъ ли убо противу обѣтованиемъ Божiимъ? Да не будетъ. Аще бо данъ бысть законъ могій оживити, во­истин­ну от­ закона бы была правда:
3:22 См.: 🔗Рим. 3:9	но затвори Писанiе всѣхъ подъ грѣхомъ, да обѣтованiе от­ вѣры Иисусъ Христовы даст­ся вѣру­ю­щымъ.
3:23	[Зач. 208.] Прежде же при­­ше­ст­вiя вѣры, подъ закономъ стрегоми бѣхомъ, затворени въ хотящую вѣру от­крытися.
3:24 См.: 🔗Рим. 10:4	Тѣмже законъ пѣстунъ намъ бысть во Христа, да от­ вѣры оправдимся:
3:25	при­­шедшей же вѣрѣ, уже не подъ пѣстуномъ есмы.
3:26 См.: 🔗Ин. 1:12 🔗Рим. 8:15	Вси бо вы сынове Божiи есте вѣрою о Христѣ Иисусѣ:
3:27 См.: 🔗Рим. 6:3	елицы бо во Христа крестистеся, во Христа облекостеся.
3:28 См.: 🔗Ин. 17:21 🔗Рим. 10:12	Нѣсть Иудей, ни Еллинъ: нѣсть рабъ, ни свободь: нѣсть мужескiй полъ, ни женскiй: вси бо вы едино есте о Христѣ Иисусѣ.
3:29 См.: 🔗Еф. 3:6	Аще ли вы Христовы, убо Авраамле сѣмя есте, и по обѣтованiю наслѣдницы.