Послание апостола Павла к Евреям, глава 6

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 6
6:1	Тѣмже оставльше начала Христова слово, на совершенiе да ведемся, не паки основанiе покаянiя полагающе от­ мертвыхъ дѣлъ, и вѣры въ Бога,
6:2	крещенiй ученiя, воз­ложенiя же рукъ, воскресенiя же мертвыхъ и суда вѣчнаго.
6:3	И сiе сотворимъ, аще Богъ повелитъ.
6:4 См.: 🔗Мф. 12:45	Невоз­можно бо просвѣщен­ныхъ единою и вкусив­шихъ дара небеснаго, и при­­част­никовъ быв­шихъ Духа Святаго,
6:5	и добраго вкусив­шихъ Божiя глагола и силы грядущаго вѣка,
6:6 См.: 🔗2Пет. 2:20 🔗1Ин. 5:16 🔗Евр. 10:29	и от­падшихъ, паки обновляти въ покаянiе, второе распинающихъ Сына Божiя себѣ и обличающихъ.
6:7	Земля бо пив­шая сходящiй на ню множицею дождь и раждающая былiя добрая онымъ, имиже и дѣлаема бываетъ, прiемлетъ благословенiе от­ Бога:
6:8 См.: 🔗Иер. 26:6 🔗Иер. 44:22 🔗Мк. 11:21	а износящая тернiя и волчецъ непотребна есть и клятвы близъ, еяже кончина въ пожженiе.
6:9	[Зач. 313.] Надѣемся же о васъ, воз­люблен­нiи, лучшихъ и при­­держащихся спасенiя, аще и тако глаголемъ.
6:10 См.: 🔗Мф. 10:42 🔗Мф. 25:40	Не обидливъ бо Богъ, забыти дѣла ва­шего и труда любве, юже показасте во имя Его, послужив­ше святымъ и служаще.
6:11	Желаемъ же, да кійждо васъ являетъ тожде тщанiе ко извѣщенiю упованiя даже до конца,
6:12	да не лѣниви будете, но подражателе наслѣд­ст­ву­ю­щихъ обѣтованiя вѣрою и долготерпѣнiемъ.
6:13 См.: 🔗Быт. 22:16 🔗Пс. 104:9 🔗Лк. 1:73	[Зач. 314.] Аврааму бо обѣтовая Богъ, понеже ни единѣмъ имяше болшимъ клятися, клят­ся Собою,
6:14 См.: 🔗Быт. 22:17	глаголя: во­истин­ну благословя благословлю тя и умножая умножу тя.
6:15 См.: 🔗Рим. 4:17	И тако долготерпѣвъ, получи обѣтованiе.
6:16 См.: 🔗Исх. 22:11	Человѣцы бо болшимъ кленут­ся, и всякому ихъ прекословiю кончина во извѣщенiе клятва [есть].
6:17 См.: 🔗Пс. 32:11 🔗Прит. 19:21	Въ немже лишше хотя Богъ показати наслѣдникомъ обѣтованiя непреложное совѣта Сво­его, ходатай­ст­вова клятвою:
6:18	да двѣма вещьми непреложными, въ нихже невоз­можно солгати Богу, крѣпкое утѣшенiе имамы при­­бѣгшiи ятися за предлежащее упованiе,
6:19 См.: 🔗Лев. 16:15	еже аки котву имамы души, тверду же и извѣстну, и входящую во внутрен­нѣйшее завѣсы,
6:20 См.: 🔗Ин. 14:2 🔗Евр. 4:14	идѣже предтеча о насъ вниде Иисусъ, по чину Мелхиседекову Первосвящен­никъ бывъ во вѣки.