Евангелие от Матфея, глава 11

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 11
11:1	И бысть, егда соверши Иисусъ заповѣдая обѣма­на­де­ся­те ученикома Сво­има, прейде от­туду учити и проповѣдати во градѣхъ ихъ.
11:2 См.: 🔗Лк. 7:18	[Зач. 40.] Иоан­нъ же слышавъ во узилищи дѣла Христова, посла два от­ ученикъ сво­ихъ,
11:3 См.: 🔗Втор. 18:15	рече Ему: Ты ли еси Грядый, или иного чаемъ?
11:4	И от­вѣщавъ Иисусъ рече има: шедша воз­вѣстита Иоан­нови, яже слышита и видита:
11:5 См.: 🔗Ис. 29:18 🔗Ис. 35:5	слѣпіи прозираютъ и хромiи ходятъ, прокажен­нiи очищают­ся и глусіи слышатъ, мертвiи востаютъ и нищiи благовѣ­ст­вуютъ:
11:6	и блаженъ есть, иже аще не соблазнит­ся о Мнѣ.
11:7	Тѣма же исходящема, начатъ Иисусъ народомъ глаголати о Иоан­нѣ: чесо изыдосте въ пустыню видѣти? Трость ли вѣтромъ колеблему?
11:8	Но чесо изыдосте видѣти? Человѣка ли въ мягки ризы облечен­на? Се, иже мягкая носящiи, въ домѣхъ царскихъ суть.
11:9	Но чесо изыдосте видѣти? Пророка ли? Ей, глаголю вамъ, и лишше пророка.
11:10 См.: 🔗Мал. 3:1 🔗Мк. 1:2 🔗Лк. 7:27	Сей бо есть, о немже есть писано: се, Азъ посылаю Ангела Мо­его предъ лицемъ Тво­имъ, иже уготовитъ путь Твой предъ Тобою.
11:11	Аминь глаголю вамъ, не воста въ рожден­ныхъ женами болiй Иоан­на Крестителя: мній же во Цар­ст­вiи Небеснѣмъ болiй его есть.
11:12 См.: 🔗Лк. 16:16	От дній же Иоан­на Крестителя доселѣ Цар­ст­вiе Небесное нудит­ся {съ нуждею воспрiемлет­ся}, и нуждницы восхищаютъ е:
11:13	вси бо пророцы и законъ до Иоан­на прорекоша.
11:14 См.: 🔗Мал. 4:5	И аще хощете прiяти, той есть Илiа хотяй прiити:
11:15	имѣяй ушы слышати да слышитъ.
11:16 См.: 🔗Лк. 7:31	[Зач. 41.] Кому же уподоблю родъ сей? Подобенъ есть дѣтемъ сѣдящымъ на торжищихъ, и воз­глашающымъ другомъ сво­имъ
11:17	и глаголющымъ: пискахомъ вамъ, и не плясасте: плакахомъ вамъ, и не рыдасте.
11:18	Прiиде бо Иоан­нъ ни ядый, ни пiяй: и глаголютъ: бѣса имать.
11:19 См.: 🔗Лк. 7:34	Прiиде Сынъ Человѣческiй ядый и пiяй: и глаголютъ: се, человѣкъ ядца и винопійца, мытаремъ другъ и грѣшникомъ. И оправдися премудрость от­ чадъ сво­ихъ.
11:20	[Зач. 42.] Тогда начатъ Иисусъ поношати градовомъ, въ нихже быша множайшыя силы Его, зане не покаяшася:
11:21 См.: 🔗Лк. 10:13	горе тебѣ, Хоразине, горе тебѣ, Виѳсаидо: яко аще въ Тирѣ и Сидонѣ быша силы были быв­шыя въ васъ, древле убо во вретищи и пепелѣ покаялися быша:
11:22	обаче глаголю вамъ Тиру и Сидону от­раднѣе будетъ въ день судный, неже вамъ.
11:23	И ты, Капернауме, иже до небесъ воз­несыйся, до ада снидеши: зане аще въ Cодомѣхъ быша силы были быв­шыя въ тебѣ, пребыли убо быша до днешняго дне:
11:24	обаче глаголю вамъ, яко земли Cодомстѣй от­раднѣе будетъ въ день судный, неже тебѣ.
11:25 См.: 🔗Пс. 8:3 🔗Лк. 10:21 🔗1Кор. 1:27 🔗1Кор. 11:3	Въ то время от­вѣщавъ Иисусъ рече: исповѣдаютися, Отче, Господи небесе и земли, яко утаилъ еси сiя от­ премудрыхъ и разумныхъ и от­крылъ еси та младенцемъ:
11:26	ей, Отче, яко тако бысть благоволенiе предъ Тобою.
11:27 См.: 🔗Мф. 16:17 🔗Ин. 3:35 🔗Ин. 6:46	[Зач. 43.] Вся Мнѣ предана суть Отцемъ Мо­имъ: и никтоже знаетъ Сына, токмо Отецъ: ни Отца кто знаетъ, токмо Сынъ, и емуже аще волитъ Сынъ от­крыти.
11:28	Прiидите ко Мнѣ вси труждающiися и обременен­нiи, и Азъ упокою вы:
11:29 См.: 🔗Иер. 6:16	воз­мите иго Мое на себе и научитеся от­ Мене, яко кротокъ есмь и смиренъ сердцемъ: и обрящете покой душамъ вашымъ:
11:30 См.: 🔗1Ин. 5:3	иго бо Мое благо, и бремя Мое легко есть.