Послание апостола Павла к Колоссянам, глава 3

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 3
3:1 См.: 🔗Мк. 16:19 🔗Рим. 8:34	Аще убо воскреснусте со Христомъ, вышнихъ ищите, идѣже есть Христосъ о десную Бога сѣдя:
3:2 См.: 🔗Флп. 3:20	горняя мудр­ст­вуйте, [а] не земная.
3:3 См.: 🔗Рим. 8:24 🔗Гал. 2:20	Умросте бо, и животъ вашъ сокровенъ есть со Христомъ въ Бозѣ:
3:4 См.: 🔗1Ин. 3:2 🔗Флп. 3:21	[Зач. 257.] егда [же] Христосъ явит­ся, животъ вашъ, тогда и вы съ Нимъ явитеся въ славѣ.
3:5 См.: 🔗Еф. 5:3	Умертвите убо уды вашя, яже на земли: блудъ, нечистоту, страсть, похоть злую и лихо­иманiе, еже есть идолослуженiе,
3:6 См.: 🔗1Кор. 6:9	ихже ради грядетъ гнѣвъ Божiй на сыны противленiя,
3:7	въ нихже и вы иногда ходисте, егда живясте въ нихъ.
3:8 См.: 🔗Рим. 6:4 🔗Еф. 4:22 🔗Евр. 12:1	Нынѣ же от­ложите и вы та вся: гнѣвъ, ярость, злобу, хуленiе, срамословiе от­ устъ вашихъ:
3:9 См.: 🔗Лев. 19:11 🔗Еф. 4:25	не лжите другъ на друга, совлекшеся ветхаго человѣка съ дѣяньми его
3:10 См.: 🔗Быт. 1:27 🔗Быт. 5:1 🔗Быт. 9:6 🔗Еф. 4:24	и облекшеся въ новаго, обновляемаго въ разумъ по образу Создав­шаго его,
3:11 См.: 🔗Гал. 6:15	идѣже нѣсть Еллинъ, ни Иудей, обрѣзанiе и необрѣзанiе, варваръ и Скиѳъ, рабъ и свободь, но всяческая и во всѣхъ Христосъ.
3:12 См.: 🔗Еф. 4:32	[Зач. 258.] Облецытеся убо якоже избран­нiи Божiи, святи и воз­люблен­ни, во утробы щедротъ, благость, смиреномудрiе, кротость и долготерпѣнiе,
3:13 См.: 🔗Мф. 6:14 🔗Рим. 13:8 🔗Рим. 15:1	прiемлюще другъ друга и прощающе себѣ, аще кто на кого имать пореченiе: якоже и Христосъ простилъ есть вамъ, тако и вы.
3:14	Надъ всѣми же сими [стяжите] любо­вь, яже есть со­узъ совершен­ства:
3:15 См.: 🔗Еф. 4:3 🔗Флп. 4:7	и миръ Божiй да водворяет­ся въ сердцахъ вашихъ, въ оньже и звани бысте во единомъ тѣлѣ: и благодарни бывайте.
3:16 См.: 🔗Еф. 5:19	Слово Христово да вселяет­ся въ васъ богатно, во всякой премудрости: учаще и вразумляюще себе самѣхъ во псалмѣхъ и пѣнiихъ и пѣснехъ духовныхъ, во благодати поюще въ сердцахъ вашихъ Господеви.
3:17 См.: 🔗Евр. 13:15	[Зач. 259.] И все, еже аще что творите словомъ или дѣломъ, вся во имя Господа Иисуса Христа, благодаряще Бога и Отца Тѣмъ.
3:18 См.: 🔗Еф. 5:22	Жены, повинуйтеся сво­имъ мужемъ, якоже подобаетъ о Господѣ.
3:19 См.: 🔗1Пет. 3:7	Мужiе, любите жены вашя, и не огорчайтеся къ нимъ.
3:20 См.: 🔗Еф. 6:1	Чада, послушайте родителей [сво­ихъ] во всемъ: сiе бо угодно есть Господеви.
3:21	Отцы, не раздражайте чадъ вашихъ, да не унываютъ.
3:22 См.: 🔗1Пет. 2:18 🔗Еф. 6:5 🔗Тит. 2:9	Раби, послушайте по всему плотскихъ господiй [вашихъ], не предъ очима точiю работа­ю­ще аки человѣко­угодницы, но въ простотѣ сердца, боящеся Бога.
3:23	И всяко, еже аще что творите, от­ души дѣлайте, якоже Господу, а не человѣкомъ,
3:24	вѣдяще, яко от­ Господа прiимете воз­даянiе достоянiя: Господу бо Христу работаете.
3:25 См.: 🔗Деян. 10:34 🔗Еф. 6:9	А обидяй воспрiиметъ, еже обидѣ: и нѣсть лица обиновенiя.