Евангелие от Иоанна, главы 13–12

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 13
13:1 См.: 🔗Мф. 26:2 🔗Мк. 14:1	Прежде же праздника Пасхи, ведый Иисус, яко прииде Ему час, да прейдет от мира сего ко Отцу, возлюбль Своя сущыя в мире, до конца возлюби их.
13:2	И вечери бывшей, диаволу уже вложившу в сердце Иуде Симонову Искариотскому, да Его предаст,
13:3 См.: 🔗Мф. 11:27 🔗Мф. 28:18	ведый Иисус, яко вся даде Ему Отец в руце, и яко от Бога изыде и к Богу грядет:
13:4 См.: 🔗Лк. 17:8 🔗Лк. 22:27	воста от вечери и положи ризы, и приемь лентион, препоясася:
13:5	потом влия воду во умывалницу и начат умывати ноги учеником и отирати лентием, имже бе препоясан.
13:6	Прииде же к Симону Петру, и глагола Ему той: Господи, Ты ли мои умыеши нозе?
13:7	Отвеща Иисус и рече ему: еже Аз творю, ты не веси ныне, уразумееши же по сих.
13:8	Глагола Ему Петр: не умыеши ногу моею во веки. Отвеща ему Иисус: аще не умыю тебе, не имаши части со Мною.
13:9	Глагола Ему Симон Петр: Господи, не нозе мои токмо, но и руце и главу.
13:10 См.: 🔗Ин. 15:3	Глагола ему Иисус: измовенный не требует, токмо нозе умыти, есть бо весь чист: и вы чисти есте, но не вси.
13:11	Ведяше бо предающаго Его: сего ради рече, яко не вси чисти есте.
13:12	Егда же умы ноги их, прият ризы Своя, возлег паки, рече им: весте ли, что сотворих вам?
13:13 См.: 🔗1Кор. 8:6 🔗1Кор. 12:3 🔗Флп. 2:11	Вы глашаете Мя Учителя и Господа, и добре глаголете: есмь бо.
13:14	Аще убо Аз умых ваши нозе, Господь и Учитель, и вы должни есте друг другу умывати нозе:
13:15	образ бо дах вам, да, якоже Аз сотворих вам, и вы творите.
13:16 См.: 🔗Мф. 10:24 🔗Лк. 6:40 🔗Ин. 15:20	Аминь, аминь глаголю вам: несть раб болий господа своего, ни посланник болий пославшаго его.
13:17	Аще сия весте, блажени есте, аще творите я.
13:18 См.: 🔗Пс. 40:10 🔗Деян. 1:16	Не о всех вас глаголю: Аз (бо) вем, ихже избрах: но да Писание сбудется: ядый со Мною хлеб воздвиже на Мя пяту свою.
13:19 См.: 🔗Ин. 14:29	Отселе глаголю вам, прежде даже не будет, да, егда будет, веру имете, яко Аз есмь.
13:20 См.: 🔗Мф. 10:40 🔗Лк. 10:16	Аминь, аминь глаголю вам: приемляй, аще кого послю, Мене приемлет: а приемляй Мене приемлет Пославшаго Мя.
13:21 См.: 🔗Мф. 26:21 🔗Мк. 14:18 🔗Лк. 22:21	Сия рек Иисус возмутися духом и свидетелствова и рече: аминь, аминь глаголю вам, яко един от вас предаст Мя.
13:22	Сзирахуся убо между собою ученицы, недоумеющеся, о ком глаголет.
13:23 См.: 🔗Ин. 21:20	Бе же един от ученик Его возлежя на лоне Иисусове, егоже любляше Иисус:
13:24	поману же сему Симон Петр вопросити, кто бы был, о немже глаголет.
13:25	Напад же той на перси Иисусовы, глагола Ему: Господи, кто есть?
13:26	Отвеща Иисус: той есть, емуже Аз омочив хлеб подам. И омочь хлеб, даде Иуде Симонову Искариотскому.
13:27	И по хлебе тогда вниде в онь сатана. Глагола убо ему Иисус: еже твориши, сотвори скоро.
13:28	Сего же никтоже разуме от возлежащих, к чесому рече ему.
13:29	Нецыи же мняху, понеже ковчежец имяше Иуда, яко глаголет ему Иисус: купи, еже требуем на праздник: или нищым да нечто даст.
13:30	Приим же он хлеб, абие изыде: бе же нощь. Егда изыде,
13:31 См.: 🔗Ин. 12:23	глагола Иисус: ныне прославися Сын Человеческий, и Бог прославися о Нем:
13:32	аще Бог прославися о Нем, и Бог прославит Его в Себе, и абие прославит Его.
13:33 См.: 🔗Ин. 7:34 🔗Ин. 8:21	Чадца, еще с вами мало есмь: взыщете Мене, и якоже рех Иудеом, яко аможе Аз иду, вы не можете приити: и вам глаголю ныне.
13:34 См.: 🔗Ин. 15:12 🔗1Ин. 3:11 🔗1Фес. 4:9	Заповедь новую даю вам, да любите друг друга: якоже возлюбих вы, да и вы любите себе:
13:35	о сем разумеют вси, яко Мои ученицы есте, аще любовь имате между собою.
13:36	Глагола Ему Симон Петр: Господи, камо идеши? Отвеща ему Иисус: аможе (Аз) иду, не можеши ныне по Мне ити: последи же по Мне идеши.
13:37	Глагола Ему Петр: Господи, почто не могу ныне по Тебе ити? (ныне) душу мою за Тя положу.
13:38 См.: 🔗Мф. 26:34 🔗Мк. 14:30 🔗Лк. 22:34	Отвеща ему Иисус: душу ли твою за Мя положиши? Аминь, аминь глаголю тебе: не возгласит алектор, дондеже отвержешися Мене трищи.

	Глава 17
17:1 См.: 🔗Ин. 12:23	Сия глагола Иисус и возведе очи Свои на небо и рече: Отче, прииде час: прослави Сына Твоего, да и Сын Твой прославит Тя:
17:2 См.: 🔗Дан. 7:14 🔗Мф. 28:18 🔗Евр. 2:5	якоже дал еси Ему власть всякия плоти, да всяко, еже дал еси Ему, даст им живот вечный:
17:3 См.: 🔗Ин. 6:29 🔗1Ин. 3:23	се же есть живот вечный, да знают Тебе единаго истиннаго Бога, и Егоже послал еси Иисус Христа.
17:4	Аз прославих Тя на земли, дело соверших, еже дал еси Мне да сотворю:
17:5 См.: 🔗Отк. 5:12	и ныне прослави Мя Ты, Отче, у Тебе Самого славою, юже имех у Тебе прежде мир не бысть.
17:6 См.: 🔗Ин. 18:9	Явих имя Твое человеком, ихже дал еси Мне от мира: Твои беша, и Мне их дал еси, и слово Твое сохраниша:
17:7	ныне разумеша, яко вся, елика дал еси Мне, от Тебе суть:
17:8 См.: 🔗Ин. 16:27	яко глаголголы, ихже дал еси Мне, дах им, и тии прияша и разумеша воистинну, яко от Тебе изыдох, и вероваша, яко Ты Мя послал еси.
17:9	Аз о сих молю: не о (всем) мире молю, но о тех, ихже дал еси Мне, яко Твои суть:
17:10 См.: 🔗Ин. 16:15	и Моя вся Твоя суть, и Твоя Моя: и прославихся в них:
17:11 См.: 🔗Ин. 10:30 🔗Еф. 4:3	и ктому несмь в мире, и сии в мире суть, и Аз к Тебе гряду. Отче Святый, соблюди их во имя Твое, ихже дал еси Мне, да будут едино, якоже (и) Мы.
17:12 См.: 🔗Пс. 108:17 🔗Ин. 18:9	Егда бех с ними в мире, Аз соблюдах их во имя Твое: ихже дал еси Мне, сохраних, и никтоже от них погибе, токмо сын погибельный, да сбудется Писание:
17:13	ныне же к Тебе гряду, и сия глаголю в мире, да имут радость Мою исполнену в себе.
17:14 См.: 🔗Ин. 8:23	Аз дах им слово Твое, и мир возненавиде их, яко не суть от мира, якоже (и) Аз от мира несмь:
17:15	не молю, да возмеши их от мира, но да соблюдеши их от неприязни:
17:16	от мира не суть, якоже (и) Аз от мира несмь:
17:17 См.: 🔗Пс. 118:142 🔗Ин. 14:6	святи их во истину Твою: слово Твое истина есть.
17:18 См.: 🔗Ис. 61:1	Якоже Мене послал еси в мир, и Аз послах их в мир,
17:19 См.: 🔗Евр. 9:14	и за них Аз свящу Себе, да и тии будут священи во истину.
17:20	Не о сих же молю токмо, но и о верующих словесе их ради в Мя,
17:21 См.: 🔗Ин. 17:11	да вси едино будут: якоже Ты, Отче, во Мне, и Аз в Тебе, да и тии в Нас едино будут: да (и) мир веру имет, яко Ты Мя послал еси:
17:22	и Аз славу, юже дал еси Мне, дах им: да будут едино, якоже Мы едино есма:
17:23	Аз в них, и Ты во Мне: да будут совершени во едино, и да разумеет мир, яко Ты Мя послал еси и возлюбил еси их, якоже Мене возлюбил еси.
17:24 См.: 🔗Ин. 12:26	Отче, ихже дал еси Мне, хощу, да идеже есмь Аз, и тии будут со Мною, да видят славу Мою, юже дал еси Мне, яко возлюбил Мя еси прежде сложения мира.
17:25	Отче праведный, и мир Тебе не позна, Аз же Тя познах, и сии познаша, яко Ты Мя послал еси:
17:26 См.: 🔗Ин. 15:15	и сказах им имя Твое, и скажу, да любы, еюже Мя еси возлюбил, в них будет, и Аз в них.

	Глава 12
12:1 См.: 🔗Мф. 26:6 🔗Мк. 14:3 🔗Ин. 11:2	Иисус же прежде шести дний Пасхи прииде в Вифанию, идеже бе Лазарь умерый, егоже воскреси от мертвых.
12:2 См.: 🔗Лк. 10:40	Сотвориша же Ему вечерю ту, и Марфа служаше: Лазарь же един бе от возлежащих с Ним.
12:3	Мариа же приемши литру мира нарда пистика многоценна, помаза нозе Иисусове, и отре власы своими нозе Его: храмина же исполнися от вони масти (благовонныя).
12:4	Глагола же един от ученик Его, Иуда Симонов Искариотский, иже хотяше Его предати:
12:5	чесо ради миро сие не продано бысть на триех стех пенязь и дано нищым?
12:6 См.: 🔗Ин. 13:29	Сие же рече, не яко о нищих печашеся, но яко тать бе, и ковчежец имеяше, и вметаемая ношаше.
12:7	Рече же Иисус: не дейте ея, да в день погребения Моего соблюдет е:
12:8 См.: 🔗Втор. 15:11	нищыя бо всегда имате с собою, Мене же не всегда имате.
12:9	Разуме же народ мног от Иудей, яко ту есть: и приидоша не Иисуса ради токмо, но да и Лазаря видят, егоже воскреси от мертвых.
12:10	Совещаша же архиерее, да и Лазаря убиют,
12:11	яко мнози его ради идяху от Иудей и вероваху во Иисуса.
12:12	Во утрий (же) день народ мног пришедый в праздник, слышавше, яко Иисус грядет во Иерусалим,
12:13 См.: 🔗Мф. 21:8 🔗Мк. 11:8 🔗Лк. 19:36	прияша ваиа от финик и изыдоша в сретение Ему, и зваху (глаголюще): осанна, благословен грядый во имя Господне, Царь Израилев.
12:14	Обрет же Иисус осля, вседе на не, якоже есть писано:
12:15 См.: 🔗Зах. 9:9 🔗Ис. 62:11 🔗Мф. 21:5	не бойся, дщи Сионя: се, Царь твой грядет, седя на жребяти осли.
12:16	Сих же не разумеша ученицы Его прежде: но егда прославися Иисус, тогда помянуша, яко сия быша о Нем писана, и сия сотвориша Ему.
12:17	Свидетелствоваше убо народ, иже бе (прежде) с Ним, егда Лазаря возгласи от гроба и воскреси его от мертвых:
12:18	сего ради и срете Его народ, яко слышаша Его сие сотворша знамение.
12:19	Фарисее убо реша к себе: видите, яко ни каяже польза есть? Се, мир по Нем идет.
12:20	Бяху же нецыи Еллини от пришедших, да поклонятся в праздник:
12:21	сии убо приступиша к Филиппу, иже бе от Вифсаиды Галилейския, и моляху его, глаголюще: господи, хощем Иисуса видети.
12:22	Прииде Филипп и глагола Андреови: и паки Андрей и Филипп глаголаста Иисусови.
12:23	Иисус же отвеща има, глаголя: прииде час, да прославится Сын Человеческий:
12:24	аминь, аминь глаголю вам: аще зерно пшенично пад на земли не умрет, то едино пребывает: аще же умрет, мног плод сотворит:
12:25 См.: 🔗Мф. 10:39 🔗Мк. 8:35 🔗Лк. 9:24 🔗Лк. 14:27	любяй душу свою погубит ю, и ненавидяй души своея в мире сем в живот вечный сохранит ю:
12:26 См.: 🔗Ин. 17:24	аще кто Мне служит, Мне да последствует, и идеже есмь Аз, ту и слуга Мой будет: и аще кто Мне служит, почтит его Отец (Мой):
12:27 См.: 🔗Мф. 26:38 🔗Евр. 5:7	ныне душа Моя возмутися: и что реку? Отче, спаси Мя от часа сего: но сего ради приидох на час сей:
12:28	Отче, прослави имя Твое. Прииде же глас с небесе: и прославих, и паки прославлю.
12:29	Народ же стояй и слышав, глаголаху: гром бысть. Инии глаголаху: Ангел глагола Ему.
12:30	Отвеща Иисус и рече: не Мене ради глас сей бысть, но народа ради:
12:31 См.: 🔗Ин. 14:30 🔗Ин. 16:11	ныне суд есть миру сему: ныне князь мира сего изгнан будет вон:
12:32 См.: 🔗Ин. 3:14	и аще Аз вознесен буду от земли, вся привлеку к Себе.
12:33	Сие же глаголаше, назнаменуя, коею смертию хотяше умрети.
12:34 См.: 🔗2Цар. 7:13 🔗Пс. 88:37 🔗Ис. 9:7 🔗Иез. 37:25 🔗Дан. 2:44 🔗Дан. 7:14 🔗Мих. 5:2 🔗Лк. 1:33	Отвеща Ему народ: мы слышахом от закона, яко Христос пребывает во веки: како Ты глаголеши: вознестися подобает Сыну Человеческому? Кто есть Сей Сын Человеческий?
12:35	Рече же им Иисус: еще мало время свет в вас есть: ходите, дондеже свет имате, да тма вас не имет: и ходяй во тме не весть, камо идет:
12:36	дондеже свет имате, веруйте во свет, да сынове света будете. Сия глагола Иисус, и отшед скрыся от них.
12:37	Толика знамения сотворшу Ему пред ними, не вероваху в Него,
12:38 См.: 🔗Ис. 53:1 🔗Рим. 10:16	да сбудется слово Исаии пророка, еже рече: Господи, кто верова слуху нашему, и мышца Господня кому открыся?
12:39	Сего ради не можаху веровати, яко паки рече Исаиа:
12:40 См.: 🔗Ис. 6:9 🔗Мф. 13:14 🔗Мк. 4:12 🔗Лк. 8:10 🔗Деян. 28:26 🔗Рим. 11:8	ослепи очи их и окаменил есть сердца их, да не видят очима, ни разумеют сердцем, и обратятся, и исцелю их.
12:41	Сия рече Исаиа, егда виде славу Его и глагола о Нем.
12:42	Обаче убо и от князь мнози вероваша в Него, но фарисей ради не исповедоваху, да не из сонмищ изгнани будут:
12:43 См.: 🔗Ин. 5:44	возлюбиша бо паче славу человеческую, неже славу Божию.
12:44	Иисус же воззва и рече: веруяй в Мя не верует в Мя, но в Пославшаго Мя:
12:45	и видяй Мя видит Пославшаго Мя:
12:46 См.: 🔗Ин. 3:19	Аз свет в мир приидох, да всяк веруяй в Мя во тме не пребудет:
12:47 См.: 🔗Ин. 3:17	и аще кто услышит глаголголы Моя и не верует, Аз не сужду ему: не приидох бо, да сужду мирови, но да спасу мир:
12:48 См.: 🔗Мк. 16:16	отметаяйся Мене и не приемляй глаголгол Моих имать судящаго ему: слово, еже глаголах, то судит ему в последний день:
12:49 См.: 🔗Ин. 14:10	яко Аз от Себе не глаголах, но пославый Мя Отец, Той Мне заповедь даде, что реку и что возглаголю:
12:50	и вем, яко заповедь Его живот вечный есть: яже убо Аз глаголю, якоже рече Мне Отец, тако глаголю.