Евангелие от Иоанна, главы 13–12

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 13
13:1 См.: 🔗Мф. 26:2 🔗Мк. 14:1	[Зач. 44.] Прежде же праздника Пасхи, вѣдый Иисусъ, яко прiиде Ему часъ, да прейдетъ от­ мiра сего ко Отцу, воз­любль Своя сущыя въ мiрѣ, до конца воз­люби ихъ.
13:2	И вечери быв­шей, дiаволу уже вложив­шу въ сердце Иудѣ Симонову Искарiотскому, да Его предастъ,
13:3 См.: 🔗Мф. 11:27 🔗Мф. 28:18	вѣдый Иисусъ, яко вся даде Ему Отецъ въ руцѣ, и яко от­ Бога изыде и къ Богу грядетъ:
13:4 См.: 🔗Лк. 17:8 🔗Лк. 22:27	воста от­ вечери, и положи ризы, и прiемъ лентiонъ, препоясася:
13:5	потомъ влiя воду во умывалницу, и начатъ умывати ноги ученикомъ и отирати лентiемъ, имже бѣ препоясанъ.
13:6	Прiиде же къ Симону Петру, и глагола Ему той: Господи, Ты ли мо­и умыеши нозѣ?
13:7	Отвѣща Иисусъ и рече ему: еже Азъ творю, ты не вѣси нынѣ, уразумѣеши же по сихъ.
13:8	Глагола Ему Петръ: не умыеши ногу моею во вѣки. Отвѣща ему Иисусъ: аще не умыю тебе, не имаши части со Мною.
13:9	Глагола Ему Симонъ Петръ: Господи, не нозѣ мо­и токмо, но и руцѣ и главу.
13:10 См.: 🔗Ин. 15:3	Глагола ему Иисусъ: измовен­ный не требуетъ, токмо нозѣ умыти, есть бо весь чистъ: и вы чисти есте, но не вси.
13:11	Вѣдяше бо предающаго Его: сего ради рече, яко не вси чисти есте.
13:12	[Зач. 45.] Егда же умы ноги ихъ, прiятъ ризы Своя, воз­легъ паки, рече имъ: вѣсте ли, что сотворихъ вамъ?
13:13 См.: 🔗1Кор. 8:6 🔗1Кор. 12:3 🔗Флп. 2:11	Вы глашаете Мя Учителя и Господа: и добрѣ глаголете, есмь бо.
13:14	Аще убо Азъ умыхъ ваши нозѣ, Господь и Учитель, и вы должни есте другъ другу умывати нозѣ:
13:15	образъ бо дахъ вамъ, да, якоже Азъ сотворихъ вамъ, и вы творите.
13:16 См.: 🔗Мф. 10:24 🔗Лк. 6:40 🔗Ин. 15:20	Аминь, аминь глаголю вамъ: нѣсть рабъ болiй господа сво­его, ни послан­никъ болiй послав­шаго его.
13:17	Аще сiя вѣсте, блажени есте, аще творите я.
13:18 См.: 🔗Пс. 40:10 🔗Деян. 1:16	Не о всѣхъ васъ глаголю: Азъ [бо] вѣмъ, ихже избрахъ: но да Писанiе сбудет­ся: ядый со Мною хлѣбъ воз­движе на Мя пяту свою.
13:19 См.: 🔗Ин. 14:29	Отселѣ глаголю вамъ, прежде даже не будетъ, да, егда будетъ, вѣру имете, яко Азъ есмь.
13:20 См.: 🔗Мф. 10:40 🔗Лк. 10:16	Аминь, аминь глаголю вамъ: прiемляй, аще кого послю, Мене прiемлетъ: а прiемляй Мене прiемлетъ Послав­шаго Мя.
13:21 См.: 🔗Мф. 26:21 🔗Мк. 14:18 🔗Лк. 22:21	Сiя рекъ Иисусъ воз­мутися духомъ и свидѣтел­ст­вова и рече: аминь, аминь глаголю вамъ, яко единъ от­ васъ предастъ Мя.
13:22	Сзирахуся убо между собою ученицы, недо­умѣющеся, о комъ глаголетъ.
13:23 См.: 🔗Ин. 21:20	Бѣ же единъ от­ ученикъ Его воз­лежя на лонѣ Иисусовѣ, егоже любляше Иисусъ:
13:24	поману же сему Симонъ Петръ вопросити, кто бы былъ, о немже глаголетъ.
13:25	Нападъ же той на перси Иисусовы, глагола Ему: Господи, кто есть?
13:26	Отвѣща Иисусъ: той есть, емуже Азъ омочивъ хлѣбъ подамъ. И омочь хлѣбъ, даде Иудѣ Симонову Искарiотскому.
13:27	И по хлѣбѣ тогда вниде въ онь сатана. Глагола убо ему Иисусъ: еже твориши, сотвори скоро.
13:28	Сего же никтоже разумѣ от­ воз­лежащихъ, къ чесому рече ему.
13:29	Нѣцыи же мняху, понеже ковчежецъ имяше Иуда, яко глаголетъ ему Иисусъ: купи, еже требуемъ на праздникъ: или нищымъ да нѣчто дастъ.
13:30	Прiимъ же онъ хлѣбъ, абiе изыде: бѣ же нощь. Егда изыде,
13:31 См.: 🔗Ин. 12:23	глагола Иисусъ: [Зач. 46.] нынѣ прославися Сынъ Человѣческiй, и Богъ прославися о Немъ:
13:32	аще Богъ прославися о Немъ, и Богъ прославитъ Его въ Себѣ, и абiе прославитъ Его.
13:33 См.: 🔗Ин. 7:34 🔗Ин. 8:21	Чадца, еще съ вами мало есмь: взыщете Мене, и якоже рѣхъ Иудеомъ, яко аможе Азъ иду, вы не можете прiити: и вамъ глаголю нынѣ.
13:34 См.: 🔗Ин. 15:12 🔗1Ин. 3:11 🔗1Фес. 4:9	Заповѣдь новую даю вамъ, да любите другъ друга: якоже воз­любихъ вы, да и вы любите себе:
13:35	о семъ разумѣютъ вси, яко Мо­и ученицы есте, аще любо­вь имате между собою.
13:36	Глагола Ему Симонъ Петръ: Господи, камо идеши? Отвѣща ему Иисусъ: аможе [Азъ] иду, не можеши нынѣ по Мнѣ ити: послѣди же по Мнѣ идеши.
13:37	Глагола Ему Петръ: Господи, почто не могу нынѣ по Тебѣ ити? Нынѣ душу мою за Тя положу.
13:38 См.: 🔗Мф. 26:34 🔗Мк. 14:30 🔗Лк. 22:34	Отвѣща ему Иисусъ: душу ли твою за Мя положиши? Аминь, аминь глаголю тебѣ: не воз­гласитъ алекторъ, дондеже от­вержешися Мене трищи.

	Глава 17
17:1 См.: 🔗Ин. 12:23	[Зач. 56.] Сiя глагола Иисусъ и воз­веде очи Сво­и на небо и рече: Отче, прiиде часъ: прослави Сына Тво­его, да и Сынъ Твой прославитъ Тя:
17:2 См.: 🔗Дан. 7:14 🔗Мф. 28:18 🔗Евр. 2:5	якоже далъ еси Ему власть всякiя плоти, да всяко, еже далъ еси Ему, дастъ имъ животъ вѣчный:
17:3 См.: 🔗Ин. 6:29 🔗1Ин. 3:23	се же есть животъ вѣчный, да знаютъ Тебе единаго истин­наго Бога, и Егоже послалъ еси Иисусъ Христа.
17:4	Азъ прославихъ Тя на земли, дѣло совершихъ, еже далъ еси Мнѣ да сотворю:
17:5 См.: 🔗Отк. 5:12	и нынѣ прослави Мя Ты, Отче, у Тебе Самого славою, юже имѣхъ у Тебе прежде мiръ не бысть.
17:6 См.: 🔗Ин. 18:9	Явихъ имя Твое человѣкомъ, ихже далъ еси Мнѣ от­ мiра: Тво­и бѣша, и Мнѣ ихъ далъ еси, и слово Твое сохраниша:
17:7	нынѣ разумѣша, яко вся, елика далъ еси Мнѣ, от­ Тебе суть:
17:8 См.: 🔗Ин. 16:27	яко глаголы, ихже далъ еси Мнѣ, дахъ имъ, и тіи прiяша, и разумѣша во­истин­ну, яко от­ Тебе изыдохъ, и вѣроваша, яко Ты Мя послалъ еси.
17:9	Азъ о сихъ молю: не о [всемъ] мiрѣ молю, но о тѣхъ, ихже далъ еси Мнѣ, яко Тво­и суть:
17:10 См.: 🔗Ин. 16:15	и Моя вся Твоя суть, и Твоя Моя: и прославихся въ нихъ:
17:11 См.: 🔗Ин. 10:30 🔗Еф. 4:3	и ктому нѣсмь въ мiрѣ, и сіи въ мiрѣ суть, и Азъ къ Тебѣ гряду. Отче Святый, соблюди ихъ во имя Твое, ихже далъ еси Мнѣ, да будутъ едино, якоже [и] Мы.
17:12 См.: 🔗Пс. 108:17 🔗Ин. 18:9	Егда бѣхъ съ ними въ мiрѣ, Азъ соблюдахъ ихъ во имя Твое: ихже далъ еси Мнѣ, сохранихъ, и никтоже от­ нихъ погибе, токмо сынъ погибель­ный, да сбудет­ся Писанiе:
17:13	нынѣ же къ Тебѣ гряду, и сiя глаголю въ мiрѣ, да имутъ радость Мою исполнену въ себѣ.
17:14 См.: 🔗Ин. 8:23	Азъ дахъ имъ слово Твое, и мiръ воз­ненавидѣ ихъ, яко не суть от­ мiра, якоже [и] Азъ от­ мiра нѣсмь:
17:15	не молю, да возмеши ихъ от­ мiра, но да соблюдеши ихъ от­ непрiязни:
17:16	от­ мiра не суть, якоже [и] Азъ от­ мiра нѣсмь:
17:17 См.: 🔗Пс. 118:142 🔗Ин. 14:6	святи ихъ во истину Твою: слово Твое истина есть.
17:18 См.: 🔗Ис. 61:1	[Зач. 57.] Якоже Мене послалъ еси въ мiръ, и Азъ послахъ ихъ въ мiръ,
17:19 См.: 🔗Евр. 9:14	и за нихъ Азъ свящу Себе, да и тіи будутъ священи во истину.
17:20	Не о сихъ же молю токмо, но и о вѣру­ю­щихъ словесе ихъ ради въ Мя,
17:21 См.: 🔗Ин. 17:11	да вси едино будутъ: якоже Ты, Отче, во Мнѣ, и Азъ въ Тебѣ, да и тіи въ Насъ едино будутъ: да [и] мiръ вѣру иметъ, яко Ты Мя послалъ еси:
17:22	и Азъ славу, юже далъ еси Мнѣ, дахъ имъ: да будутъ едино, якоже Мы едино есма:
17:23	Азъ въ нихъ, и Ты во Мнѣ: да будутъ совершени во едино, и да разумѣетъ мiръ, яко Ты Мя послалъ еси и воз­любилъ еси ихъ, якоже Мене воз­любилъ еси.
17:24 См.: 🔗Ин. 12:26	Отче, ихже далъ еси Мнѣ, хощу, да идѣже есмь Азъ, и тіи будутъ со Мною, да видятъ славу Мою, юже далъ еси Мнѣ, яко воз­любилъ Мя еси прежде сложенiя мiра.
17:25	Отче праведный, и мiръ Тебе не позна, Азъ же Тя познахъ, и сіи познаша, яко Ты Мя послалъ еси:
17:26 См.: 🔗Ин. 15:15	и сказахъ имъ имя Твое, и скажу, да любы, еюже Мя еси воз­любилъ, въ нихъ будетъ, и Азъ въ нихъ.

	Глава 12
12:1 См.: 🔗Мф. 26:6 🔗Мк. 14:3 🔗Ин. 11:2	[Зач. 41.] Иисусъ же прежде шести дній Пасхи прiиде въ Виѳанiю, идѣже бѣ Лазарь умерый, егоже воскреси от­ мертвыхъ.
12:2 См.: 🔗Лк. 10:40	Сотвориша же Ему вечерю ту, и Марѳа служа­ше: Лазарь же единъ бѣ от­ воз­лежащихъ съ Нимъ.
12:3	Маріа же прiемши литру мира нарда пистика многоцѣн­на, помаза нозѣ Иисусовѣ, и отре власы сво­ими нозѣ Его: храмина же исполнися от­ вони масти [благовон­ныя].
12:4	Глагола же единъ от­ ученикъ Его, Иуда Симоновъ Искарiотскiй, иже хотяше Его предати:
12:5	чесо ради миро сiе не продано бысть на трiехъ стѣхъ пѣнязь и дано нищымъ?
12:6 См.: 🔗Ин. 13:29	Сiе же рече, не яко о нищихъ печа­шеся, но яко тать бѣ, и ковчежецъ имѣяше, и вметаемая ноша­ше.
12:7	Рече же Иисусъ: не дѣйте ея, да въ день погребенiя Мо­его соблюдетъ е:
12:8 См.: 🔗Втор. 15:11	нищыя бо всегда имате съ собою, Мене же не всегда имате.
12:9	Разумѣ же народъ многъ от­ Иудей, яко ту есть: и прiидоша не Иисуса ради токмо, но да и Лазаря видятъ, егоже воскреси от­ мертвыхъ.
12:10	Совѣщаша же архiерее, да и Лазаря убiютъ,
12:11	яко мнози его ради идяху от­ Иудей и вѣроваху во Иисуса.
12:12	Во утрiй [же] день народъ многъ при­­шедый въ праздникъ, слышав­ше, яко Иисусъ грядетъ во Иерусалимъ,
12:13 См.: 🔗Мф. 21:8 🔗Мк. 11:8 🔗Лк. 19:36	прiяша ваiа от­ финикъ, и изыдоша въ срѣтенiе Ему, и зваху [глаголюще]: осан­на, благословенъ грядый во имя Господне, Царь Израилевъ.
12:14	Обрѣтъ же Иисусъ осля, всѣде на не, якоже есть писано:
12:15 См.: 🔗Зах. 9:9 🔗Ис. 62:11 🔗Мф. 21:5	не бойся, дщи Сiоня: се Царь твой грядетъ, сѣдя на жребяти осли.
12:16	Сихъ же не разумѣша ученицы Его прежде: но егда прославися Иисусъ, тогда помянуша, яко сiя быша о Немъ писана, и сiя сотвориша Ему.
12:17	Свидѣтел­ст­воваше убо народъ, иже бѣ [прежде] съ Нимъ, егда Лазаря воз­гласи от­ гроба и воскреси его от­ мертвыхъ:
12:18	сего ради и срѣте Его народъ, яко слышаша Его сiе сотворша знаменiе.
12:19	[Зач. 42.] Фарисее убо рѣша къ себѣ: видите, яко никаяже польза есть? Се мiръ по Немъ идетъ.
12:20	Бяху же нѣцыи Еллини от­ при­­шедшихъ, да поклонят­ся въ праздникъ:
12:21	сіи убо при­­ступиша къ Филиппу, иже бѣ от­ Виѳсаиды Галилейскiя, и моляху его, глаголюще: господи, хощемъ Иисуса видѣти.
12:22	Прiиде Филиппъ и глагола Андреови: и паки Андрей и Филиппъ глаголаста Иисусови.
12:23	Иисусъ же от­вѣща има, глаголя: прiиде часъ, да прославит­ся Сынъ Человѣческiй:
12:24	аминь, аминь глаголю вамъ: аще зерно пшенично падъ на земли не умретъ, то едино пребываетъ: аще же умретъ, многъ плодъ сотворитъ:
12:25 См.: 🔗Мф. 10:39 🔗Мк. 8:35 🔗Лк. 9:24 🔗Лк. 14:27	любяй душу свою, погубитъ ю: и ненавидяй души сво­ея въ мiрѣ семъ, въ животъ вѣчный сохранитъ ю:
12:26 См.: 🔗Ин. 17:24	аще кто Мнѣ служитъ, Мнѣ да послѣд­ст­вуетъ: и идѣже есмь Азъ, ту и слуга Мой будетъ: и аще кто Мнѣ служитъ, почтитъ его Отецъ Мой:
12:27 См.: 🔗Мф. 26:38 🔗Евр. 5:7	нынѣ душа Моя воз­мутися и что реку? Отче, спаси Мя от­ часа сего: но сего ради прiидохъ на часъ сей:
12:28	[Зач.] Отче, прослави имя Твое. Прiиде же гласъ съ небесе: и прославихъ, и паки прославлю.
12:29	Народъ же стояй и слышавъ, глаголаху: громъ бысть. Иніи глаголаху: Ангелъ глагола Ему.
12:30	Отвѣща Иисусъ и рече: не Мене ради гласъ сей бысть, но народа ради:
12:31 См.: 🔗Ин. 14:30 🔗Ин. 16:11	нынѣ судъ есть мiру сему: нынѣ князь мiра сего изгнанъ будетъ вонъ:
12:32 См.: 🔗Ин. 3:14	и аще Азъ воз­несенъ буду от­ земли, вся при­­влеку къ Себѣ.
12:33	Сiе же глаголаше, назнаменуя, ко­ею смертiю хотяше умрети.
12:34 См.: 🔗2Цар. 7:13 🔗Пс. 88:37 🔗Ис. 9:7 🔗Иез. 37:25 🔗Дан. 2:44 🔗Дан. 7:14 🔗Мих. 5:2 🔗Лк. 1:33	Отвѣща Ему народъ: мы слышахомъ от­ закона, яко Христосъ пребываетъ во вѣки: како Ты глаголеши: воз­нестися подобаетъ Сыну Человѣческому? Кто есть Сей Сынъ Человѣческiй?
12:35	Рече же имъ Иисусъ: еще мало время свѣтъ въ васъ есть: ходите, дондеже свѣтъ имате, да тма васъ не иметъ: и ходяй во тмѣ не вѣсть, камо идетъ:
12:36	[Зач. 43.] дондеже свѣтъ имате, вѣруйте во свѣтъ, да сынове свѣта будете. Сiя глагола Иисусъ, и от­шедъ скрыся от­ нихъ.
12:37	Толика [же] знаменiя сотворшу Ему предъ ними, не вѣроваху въ Него,
12:38 См.: 🔗Ис. 53:1 🔗Рим. 10:16	да сбудет­ся слово Исаiи пророка, еже рече: Господи, кто вѣрова слуху на­шему? И мышца Господня кому от­крыся?
12:39	Сего ради не можаху вѣровати, яко паки рече Исаiа:
12:40 См.: 🔗Ис. 6:9 🔗Мф. 13:14 🔗Мк. 4:12 🔗Лк. 8:10 🔗Деян. 28:26 🔗Рим. 11:8	ослѣпи очи ихъ, и окаменилъ есть сердца ихъ, да не видятъ очима, ни разумѣютъ сердцемъ, и обратят­ся, и исцѣлю ихъ.
12:41	Сiя рече Исаiа, егда видѣ славу Его и глагола о Немъ.
12:42	Обаче убо и от­ князь мнози вѣроваша въ Него: но фарисей ради не исповѣдоваху, да не изъ сонмищъ изгнани будутъ:
12:43 См.: 🔗Ин. 5:44	воз­любиша бо паче славу человѣческую, неже славу Божiю.
12:44	Иисусъ же воз­зва и рече: вѣруяй въ Мя не вѣруетъ въ Мя, но въ Послав­шаго Мя:
12:45	и видяй Мя видитъ Послав­шаго Мя:
12:46 См.: 🔗Ин. 3:19	Азъ свѣтъ въ мiръ прiидохъ, да всякъ вѣруяй въ Мя во тмѣ не пребудетъ:
12:47 См.: 🔗Ин. 3:17	и аще кто услышитъ глаголы Моя и не вѣруетъ, Азъ не сужду ему: не прiидохъ бо, да сужду мiрови, но да спасу мiръ:
12:48 См.: 🔗Мк. 16:16	от­метаяйся Мене и не прiемляй глаголъ Мо­ихъ имать судящаго ему: слово, еже глаголахъ, то судитъ ему въ послѣднiй день:
12:49 См.: 🔗Ин. 14:10	яко Азъ от­ Себе не глаголахъ: но пославый Мя Отецъ, Той Мнѣ заповѣдь даде, что реку и что воз­глаголю:
12:50	и вѣмъ, яко заповѣдь Его животъ вѣчный есть: яже убо Азъ глаголю, якоже рече Мнѣ Отецъ, тако глаголю.