Евангелие от Марка, глава 1

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 1
1:1	Зачало Евангелиа Иисуса Христа, Сына Божия,
1:2 См.: 🔗Мал. 3:1 🔗Мф. 11:10 🔗Лк. 7:27	якоже есть писано во пророцех: се, Аз посылаю Ангела Моего пред лицем Твоим, иже уготовит путь Твой пред Тобою.
1:3 См.: 🔗Ис. 40:3 🔗Мф. 3:3 🔗Лк. 3:4 🔗Ин. 1:23	Глас вопиющаго в пустыни: уготовайте путь Господень, правы творите стези Его.
1:4 См.: 🔗Мф. 3:1 🔗Лк. 3:3 🔗Ин. 1:31 🔗Деян. 13:24	Бысть Иоанн крестяй в пустыни и проповедая крещение покаяния во отпущение грехов.
1:5	И исхождаше к нему вся Иудейская страна и Иерусалимляне: и крещахуся вси во Иордане реце от него, исповедающе грехи своя.
1:6 См.: 🔗Лев. 11:22 🔗Мф. 3:4	Бе же Иоанн оболчен власы велблужди, и пояс усмен о чреслех его, и ядый акриды и мед дивий.
1:7 См.: 🔗Лк. 3:16 🔗Ин. 1:27	И проповедаше, глаголя: грядет Креплий мене вслед мене, Емуже несмь достоин преклонься разрешити ремень сапог Его:
1:8 См.: 🔗Деян. 1:5 🔗Деян. 2:4 🔗1Кор. 12:13	аз убо крестих вы водою: Той же крестит вы Духом Святым.
1:9 См.: 🔗Мф. 3:13 🔗Лк. 3:21	И бысть во онех днех, прииде Иисус от Назарета Галилейскаго и крестися от Иоанна во Иордане.
1:10 См.: 🔗Мф. 3:16 🔗Лк. 3:21 🔗Ин. 1:32	И абие восходя от воды, виде разводящася небеса и Духа яко голубя, сходяща Нань.
1:11	И глас бысть с небесе: Ты еси Сын Мой возлюбленный, о Немже благоволих.
1:12 См.: 🔗Мф. 4:1 🔗Лк. 4:1	И абие Дух изведе Его в пустыню.
1:13	И бе ту в пустыни дний четыредесять, искушаемь сатаною, и бе со зверьми: и Ангели служаху Ему.
1:14 См.: 🔗Мф. 4:12 🔗Лк. 4:14 🔗Ин. 4:43	По предании же Иоаннове, прииде Иисус в Галилею, проповедая Евангелие Царствия Божия
1:15 См.: 🔗Мф. 4:17	и глаголя, яко исполнися время и приближися Царствие Божие: покайтеся и веруйте во Евангелие.
1:16 См.: 🔗Мф. 4:18	Ходя же при мори Галилейстем, виде Симона и Андреа брата (того) Симона, вметающа мрежи в море: беста бо рыбаря.
1:17	И рече има Иисус: приидита вслед Мене, и сотворю вас быти ловца человеком.
1:18	И абие оставльша мрежи своя, по Нем идоста.
1:19	И прешед мало оттуду, узре Иакова Зеведеова и Иоанна брата его, и та в корабли строяща мрежа:
1:20	и абие воззва я. И оставльша отца своего Зеведеа в корабли с наемники, по Нем идоста.
1:21 См.: 🔗Мф. 4:13 🔗Лк. 4:31	И внидоша в Капернаум: и абие в субботы вшед в сонмище, учаше.
1:22 См.: 🔗Мф. 7:28 🔗Лк. 4:32	И дивляхуся о учении Его: бе бо учя их яко власть имый, и не яко книжницы.
1:23 См.: 🔗Лк. 4:33	И бе в сонмищи их человек в дусе нечисте, и воззва,
1:24 См.: 🔗Дан. 9:24 🔗Мф. 8:29 🔗Иак. 2:19	глаголя: остави, что нам и Тебе, Иисусе Назарянине? Пришел еси погубити нас: вем Тя, кто еси, Святый Божий.
1:25	И запрети ему Иисус, глаголя: умолчи и изыди из него.
1:26	И стрясе его дух нечистый, и возопи гласом великим, и изыде из него.
1:27	И ужасошася вси, якоже стязатися им к себе, глаголющым: что есть сие? (и) что учение новое сие, яко по области и духовом нечистым велит, и послушают Его?
1:28	Изыде же слух Его абие во всю страну Галилейску.
1:29 См.: 🔗Мф. 8:14 🔗Лк. 4:38	И абие из сонмища изшедше, приидоша в дом Симонов и Андреов со Иаковом и Иоанном.
1:30	Теща же Симонова лежаше огнем жегома: и абие глаголаша Ему о ней.
1:31	И приступль воздвиже ю, емь за руку ея: и остави ю огнь абие, и служаше им.
1:32 См.: 🔗Мф. 8:16 🔗Лк. 4:40	Позде же бывшу, егда захождаше солнце, приношаху к Нему вся недужныя и бесныя.
1:33	И бе весь град собрался к дверем.
1:34 См.: 🔗Мк. 3:12 🔗Лк. 4:41 🔗Деян. 16:17 🔗Деян. 19:15	И изцели многи зле страждущыя различными недуги: и бесы многи изгна, и не оставляше глаголати бесы, яко ведяху Его Христа суща.
1:35	И утро, нощи сущей зело, востав изыде, и иде в пусто место, и ту молитву деяше.
1:36	И гнаша Его Симон и иже с ним:
1:37	и обретше Его, глаголаша Ему, яко вси Тебе ищут.
1:38 См.: 🔗Лк. 4:43	И глагола им: идем в ближния веси и грады, да и тамо проповем: на сие бо изыдох.
1:39	И бе проповедая на сонмищих их, во всей Галилеи, и бесы изгоня.
1:40 См.: 🔗Мф. 8:2 🔗Лк. 5:12	И прииде к Нему прокажен, моля Его и на колену припадая пред Ним, и глаголя Ему, яко, аще хощеши, можеши мя очистити.
1:41	Иисус же милосердовав, простер руку, коснуся его, и глагола ему: хощу, очистися.
1:42	И рекшу ему, абие отиде от него прокажение, и чист бысть.
1:43	И запрещь ему, абие изгна его:
1:44 См.: 🔗Лев. 13:2 🔗Мф. 8:4 🔗Лк. 5:14	и глагола ему: блюди, ни комуже ничесоже рцы: но шед покажися иерееви и принеси за очищение твое, яже повеле Моисей, во свидетелство им.
1:45	Он же изшед начат проповедати много и проносити слово, якоже ктому не мощи Ему яве во град внити: но вне в пустых местех бе. И прихождаху к Нему отвсюду.