Евангелие от Марка, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1	[Зач. 1.] Зачало Евангелiа Иисуса Христа, Сына Божiя,
1:2 См.: 🔗Мал. 3:1 🔗Мф. 11:10 🔗Лк. 7:27	якоже есть писано во пророцѣхъ: се, Азъ посылаю Ангела Мо­его предъ лицемъ Тво­имъ, иже уготовитъ путь Твой предъ Тобою.
1:3 См.: 🔗Ис. 40:3 🔗Мф. 3:3 🔗Лк. 3:4 🔗Ин. 1:23	Гласъ вопiющаго въ пустыни: уготовайте путь Господень, правы творите стези Его.
1:4 См.: 🔗Мф. 3:1 🔗Лк. 3:3 🔗Ин. 1:31 🔗Деян. 13:24	Бысть Иоан­нъ крестяй въ пустыни и проповѣдая крещенiе покаянiя во от­пущенiе грѣховъ.
1:5	И исхожда­ше къ нему вся Иудейская страна и Иерусалимляне: и крещахуся вси во Иорданѣ рѣцѣ от­ него, исповѣда­ю­ще грѣхи своя.
1:6 См.: 🔗Лев. 11:22 🔗Мф. 3:4	Бѣ же Иоан­нъ оболченъ власы велблужди, и поясъ усменъ о чреслѣхъ его, и ядый акриды и медъ дивiй.
1:7 См.: 🔗Лк. 3:16 🔗Ин. 1:27	И проповѣдаше, глаголя: грядетъ Крѣплiй мене вслѣдъ мене, Емуже нѣсмь достоинъ преклонься разрѣшити ремень сапогъ Его:
1:8 См.: 🔗Деян. 1:5 🔗Деян. 2:4 🔗1Кор. 12:13	азъ убо крестихъ вы водою: Той же креститъ вы Духомъ Святымъ.
1:9 См.: 🔗Мф. 3:13 🔗Лк. 3:21	[Зач. 2.] И бысть во онѣхъ днехъ, прiиде Иисусъ от­ Назарета Галилейскаго и крестися от­ Иоан­на во Иорданѣ.
1:10 См.: 🔗Мф. 3:16 🔗Лк. 3:21 🔗Ин. 1:32	И абiе восходя от­ воды, видѣ разводящася небеса и Духа яко голубя, сходяща Нань.
1:11	И гласъ бысть съ небесе: Ты еси Сынъ Мой воз­люблен­ный, о Немже благоволихъ.
1:12 См.: 🔗Мф. 4:1 🔗Лк. 4:1	И абiе Духъ изведе Его въ пустыню.
1:13	И бѣ ту въ пустыни дній четыредесять, искушаемь сатаною, и бѣ со звѣрьми: и Ангели служаху Ему.
1:14 См.: 🔗Мф. 4:12 🔗Лк. 4:14 🔗Ин. 4:43	По преданiи же Иоан­новѣ, прiиде Иисусъ въ Галилею, проповѣдая Евангелiе Цар­ст­вiя Божiя
1:15 См.: 🔗Мф. 4:17	и глаголя, яко исполнися время и при­­ближися Цар­ст­вiе Божiе: покайтеся и вѣруйте во Евангелiе.
1:16 См.: 🔗Мф. 4:18	[Зач. 3.] Ходя же при­­ мори Галилейстѣмъ, видѣ Симона и Андреа брата [того] Симона, вметающа мрежи въ море: бѣста бо рыбаря.
1:17	И рече има Иисусъ: прiидита вслѣдъ Мене, и сотворю васъ быти ловца человѣкомъ.
1:18	И абiе оставльша мрежи своя, по Немъ идоста.
1:19	И прешедъ мало от­туду, узрѣ Иакова Зеведеова и Иоан­на брата его, и та въ корабли строяща мрежа:
1:20	и абiе воз­зва я. И оставльша отца сво­его Зеведеа въ корабли съ наемники, по Немъ идоста.
1:21 См.: 🔗Мф. 4:13 🔗Лк. 4:31	И внидоша въ Капернаумъ: и абiе въ субботы в­шедъ въ сонмище, уча­ше.
1:22 См.: 🔗Мф. 7:28 🔗Лк. 4:32	И дивляхуся о ученiи Его: бѣ бо учя ихъ яко власть имый, и не яко книжницы.
1:23 См.: 🔗Лк. 4:33	[Зач. 4.] И бѣ въ сонмищи ихъ человѣкъ въ дусѣ нечисте, и воз­зва,
1:24 См.: 🔗Дан. 9:24 🔗Мф. 8:29 🔗Иак. 2:19	глаголя: остави, что намъ и Тебѣ, Иисусе Назарянине? При­­шелъ еси погубити насъ: вѣмъ Тя, кто еси, Святый Божiй.
1:25	И запрети ему Иисусъ, глаголя: умолчи и изыди изъ него.
1:26	И стрясе его духъ нечистый, и возопи гласомъ великимъ, и изыде изъ него.
1:27	И ужасошася вси, якоже стязатися имъ къ себѣ, глаголющымъ: что есть сiе? [и] что ученiе новое сiе, яко по области и духовомъ нечистымъ велитъ, и послушаютъ Его?
1:28	Изыде же слухъ Его абiе во всю страну Галилейску.
1:29 См.: 🔗Мф. 8:14 🔗Лк. 4:38	[Зач. 5.] И абiе изъ сонмища изшедше, прiидоша въ домъ Симоновъ и Андреовъ, со Иаковомъ и Иоан­номъ.
1:30	Теща же Симонова лежа­ше огнемъ жегома: и абiе глаголаша Ему о ней.
1:31	И при­­ступль воз­движе ю, емь за руку ея: и остави ю огнь абiе, и служа­ше имъ.
1:32 См.: 🔗Мф. 8:16 🔗Лк. 4:40	Поздѣ же быв­шу, егда захожда­ше солнце, при­­ношаху къ Нему вся недужныя и бѣсныя.
1:33	И бѣ весь градъ собрал­ся къ дверемъ.
1:34 См.: 🔗Мк. 3:12 🔗Лк. 4:41 🔗Деян. 16:17 🔗Деян. 19:15	И исцѣли многи злѣ страждущыя различными недуги: и бѣсы многи изгна, и не оставляше глаголати бѣсы, яко вѣдяху Его Христа суща.
1:35	[Зач. 6.] И утро, нощи сущей зѣло, воставъ изыде, и иде въ пусто мѣсто, и ту молитву дѣяше.
1:36	И гнаша Его Симонъ и иже съ нимъ:
1:37	и обрѣтше Его, глаголаша Ему, яко вси Тебе ищутъ.
1:38 См.: 🔗Лк. 4:43	И глагола имъ: идемъ въ ближнiя веси и грады, да и тамо проповѣмъ: на сiе бо изыдохъ.
1:39	И бѣ проповѣдая на сонмищихъ ихъ, во всей Галилеи, и бѣсы изгоня.
1:40 См.: 🔗Мф. 8:2 🔗Лк. 5:12	И прiиде къ Нему прокаженъ, моля Его и на колѣну при­­падая предъ Нимъ, и глаголя Ему, яко, аще хощеши, можеши мя очистити.
1:41	Иисусъ же милосердовавъ, простеръ руку, коснуся его, и глагола ему: хощу, очистися.
1:42	И рекшу ему, абiе отъиде от­ него прокаженiе, и чистъ бысть.
1:43	И запрещь ему, абiе изгна его:
1:44 См.: 🔗Лев. 13:2 🔗Мф. 8:4 🔗Лк. 5:14	и глагола ему: блюди, никомуже ничесоже рцы: но шедъ покажися иерееви и при­­неси за очищенiе твое, яже повелѣ Моисей, во свидѣтел­ст­во имъ.
1:45	Онъ же изшедъ начатъ проповѣдати много и проносити слово, якоже ктому не мощи Ему явѣ во градъ внити: но внѣ въ пустыхъ мѣстѣхъ бѣ. И при­­хождаху къ Нему от­всюду.