Первая книга Паралипоменон (Первая книга Хроник, Первая Летопись), глава 28

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 28
28:1	Собра же давидъ вся началники Израилевы, началники судій и колѣнъ, и вся началники полковъ, почредно стрегущихъ царя, и началники тысящей и сотней, и стражы сокровищъ, и сущыя надъ имѣнiями сво­ими и надъ всѣмъ стяжанiемъ царевымъ, и сыновъ сво­ихъ со евнухами, и сильныя и храбрыя воин­ства во Иерусалимъ.
28:2 См.: 🔗2Цар. 7:2 🔗1Пар. 17:1 🔗Деян. 7:46	И воста давидъ царь посредѣ собранiя и рече: слышите мя, братiя моя и людiе мо­и: бысть мнѣ на сердцы создати домъ упоко­енiя кивоту завѣта Господня и подножiе ногъ Господа [Бога] на­шего, и уготовахъ на созиданiе потребная:
28:3 См.: 🔗1Пар. 22:8	Богъ же рече: не созиждеши мнѣ дому еже именовати имя мое въ немъ, зане человѣкъ воинъ еси ты и крови пролiялъ еси:
28:4 См.: 🔗Быт. 49:8 🔗1Цар. 16:12	и избра Господь Богъ Израилевъ мене от­ всего дому отца мо­его, да буду царь надъ Израилемъ во вѣки, и во Иудѣ избра цар­ст­во, и от­ дому Иудина домъ отца мо­его: и от­ сыновъ отца мо­его во мнѣ благоволи, еже быти ми царю надъ всѣмъ Израилемъ:
28:5 См.: 🔗3Цар. 3:6 🔗2Пар. 1:8 🔗Прем. 9:7	от­ сыновъ же мо­ихъ всѣхъ, сыны бо мнѣ многи даде Господь, избра соломона сына мо­его, да сѣдитъ на престолѣ цар­ст­ва Господня, надъ Израилемъ:
28:6 См.: 🔗2Цар. 7:13 🔗3Цар. 5:5 🔗1Пар. 17:11	и рече мнѣ Богъ: соломонъ сынъ твой созиждетъ домъ мой и дворъ мой, зане того избрахъ мнѣ въ сына быти, и азъ буду ему во отца
28:7 См.: 🔗2Цар. 7:13 🔗1Пар. 17:12	и укрѣплю цар­ст­во его даже до вѣка, аще укрѣпит­ся хранити заповѣди моя и судьбы моя, якоже и днесь:
28:8	нынѣ убо предъ лицемъ всего собранiя Господня и во ушы Бога на­шего, храните и взыщите вся заповѣди Господа Бога на­шего, да наслѣдите землю благу и оставите въ наслѣдiе сыномъ вашымъ по васъ даже до вѣка:
28:9 См.: 🔗1Цар. 16:7 🔗Пс. 7:10 🔗Иер. 11:20 🔗Иер. 17:10 🔗Иер. 20:12 🔗Отк. 2:23	и нынѣ, соломоне, сыне мой, да знаеши Бога отецъ тво­ихъ и служи ему сердцемъ совершен­нымъ и душевною волею, вся бо сердца испытуетъ Господь и всяко помышленiе разумѣетъ: аще взыщеши его, обрящеттися: аще же оставиши его, оставитъ тя въ конецъ:
28:10	нынѣ убо виждь, яко избра тя Господь, да созиждеши ему домъ во освященiе, крѣпися и соверши.
28:11 См.: 🔗Исх. 25:9	Даде же давидъ соломону сыну сво­ему начертанiе храма и домовъ его, и камаръ его, и горницъ, и полагалищъ внутрен­нихъ, и дому очищенiя,
28:12 См.: 🔗3Цар. 6:5	и подобiе, еже помысли духомъ сво­имъ, дворовъ дому Господня, и всѣхъ камаръ окрестъ въ сокровищихъ дому Господня, и влагалищъ святынь,
28:13	и виталищъ, и дневныхъ чредъ иерейскихъ и левитскихъ, во вся дѣла служенiя дому Господня, и влагалищъ служебныхъ сосудовъ службы дому Господня:
28:14	и мѣру вѣса ихъ златыхъ и сребряныхъ,
28:15	свѣтилниковъ вѣсъ даде ему и свѣщниковъ.
28:16	Даде ему подобнѣ вѣсъ трапезы предложенiя, кіяждо трапезы златыя, такожде и сребряныхъ,
28:17	и удицъ, и воз­лiялницъ, и фiалъ златыхъ, и вѣсъ златыхъ и сребряныхъ, и кадилницъ златыхъ, ко­егождо вѣса:
28:18	и жертвен­ника ѳимiамовъ от­ злата чиста вѣсъ оказа ему, и подобiе колесницы херувимовъ простирающихъ крила и осѣняющихъ надъ кивотомъ завѣта Господня.
28:19	Вся писан­ная рукою Господнею даде давидъ соломону, по сущему въ немъ разуму дѣла изображенiя.
28:20 См.: 🔗Втор. 31:6 🔗1Пар. 22:13 🔗Евр. 13:5	И рече давидъ соломону сыну сво­ему: укрѣпляйся и мужайся и твори: не бойся, ниже страшися, зане Господь Богъ мой съ тобою, не от­ступитъ от­ тебе, ниже оставитъ тя, дондеже совершиши ты все дѣло служенiя дому Господня: и се, подобiе храма и дому его, и камаръ его, и горницъ, и полагалищъ внутрен­нихъ, и дому очищенiя, и подобiе дому Господня:
28:21	и се, дневныя чреды иереевъ и левитовъ во всяко служенiе дому Господня, и съ тобою во всяцѣмъ дѣй­ст­вѣ, и всякъ усердный въ мудрости во всяцѣмъ художе­ст­вѣ, и князи, и вси людiе во вся словеса твоя.