Книга Премудрости Соломона, глава 13 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 13
13:1 См.: 🔗Рим. 1:19	Суетни убо вси человѣцы есте­с­т­вен­нѣ, въ нихже обрѣтает­ся невѣдѣнiе о Бозѣ, и от­ видимыхъ благъ не воз­могоша уразумѣти сущаго, ни дѣломъ внемлюще познаша хитреца:
13:2 См.: 🔗Втор. 4:19 🔗Деян. 7:42	но или огнь, или духъ, или скоръ воз­духъ, или кругъ звѣздный, или зѣлную воду, или свѣтила небесная, стро­ители мiру боги [быти] воз­мнѣша.
13:3 См.: 🔗Сир. 43:5 🔗Рим. 1:20	Ихже аще убо красотою услаждающеся, сiя боги воз­мнѣша, да увѣдятъ, колико сихъ Владыка есть лучшiй: красоты бо родоначалникъ созда я.
13:4	Аще же силѣ и дѣй­ст­вiю удивишася, да уразумѣютъ от­ нихъ, колико сотворивый сiя сильнѣйшiй есть:
13:5 См.: 🔗Рим. 1:20	от­ величе­ст­ва бо красоты созданiй сравнително рододѣлатель ихъ познавает­ся.
13:6 См.: 🔗Деян. 14:17 🔗Деян. 17:27	Но обаче на сихъ есть уничиженiе мало, ибо сами сіи негли прельщают­ся, Бога ищуще и хотяще обрѣсти:
13:7 См.: 🔗Рим. 1:19	въ дѣлѣхъ бо его живуще изслѣдуютъ и увѣщавают­ся зракомъ, яко блага видимая.
13:8	Паки ниже сіи прощенiя достойни:
13:9	аще бо толико воз­могоша вѣдѣти, да воз­могутъ уразумѣти вѣкъ, сихъ же Владыку како скорѣе не обрѣтоша?
13:10 См.: 🔗Деян. 17:29 🔗Рим. 1:23	Окаян­ни же суть, и въ мертвыхъ упованiя ихъ, иже назваша боги дѣла рукъ человѣческихъ, злато и сребро, хитрости умышленiе, и подобiя животныхъ, или каменiе неключимо, дѣло руки древнiя.
13:11 См.: 🔗Ис. 44:13 🔗Иер. 10:3	Аще же кто дровосѣчецъ тектонъ, угодное древо от­сѣкъ, отешетъ благохудожнѣ всю кору его, и хитр­ст­вуя благолѣпнѣ сотворитъ угоденъ сосудъ во употребленiе житiя,
13:12	останки же дѣла на уготованiе брашна изнуривъ насытися:
13:13	останокъ же иже от­ нихъ ни во что благопотребенъ, древо криво и сучiя полно, прiимъ извая съ при­­лѣжанiемъ праздности сво­ея и искус­ст­вомъ разума изобрази его, и уподоби его образу человѣчу,
13:14	или нѣко­ему животному ничтожному уподоби его, помазавъ шарами различными и очервленивъ видъ его, и всякъ порокъ, иже на немъ есть, измазавъ,
13:15	и сотворивъ ему достойное его обитанiе, на стѣнѣ постави е, укрѣпивъ желѣзомъ.
13:16	Да не убо падетъ, предумысли о немъ, вѣдый, яко не можетъ помощи себѣ: ибо идолъ есть и требуетъ помощи.
13:17	О стяжанiихъ же и о брацѣхъ и чадѣхъ сво­ихъ моляся, не стыдит­ся къ бездушному глаголя,
13:18 См.: 🔗Иер. 3:23 🔗1Кор. 8:4	и о здравiи убо немощное при­зываетъ, и о животѣ мертвое молитъ, и въ помощь неключимое при­зываетъ,
13:19	и о путеше­ст­вiи [проситъ] ниже ходити могущаго, и о при­­тяжанiи и дѣянiи и о рукъ подтвержденiи некрѣпкаго руками, муже­ст­ва проситъ от­ того, еже всѣхъ есть немощнѣйшее.