Книга Неемии, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Неем. 1:1	И бысть въ месяцѣ нисанѣ лѣта двадесятаго Артаксеркса царя, и вино бѣ предо мною: и взяхъ вино и дахъ царю, и не бѣ инъ предъ нимъ.
2:2	И рече ми царь: чесо ради лице твое при­­скорбно есть, а нѣси болѣзнуяй? и нѣсть сiе, развѣ скорбь сердца. И убояхся зѣло
2:3 См.: 🔗Дан. 2:4 🔗Дан. 3:9 🔗Дан. 5:10	и рекохъ царю: царю, во вѣки живи: како не быти при­­скорбну лицу мо­ему, понеже градъ, домъ гробовъ отецъ мо­ихъ опустѣ, и врата его сожжена суть огнемъ.
2:4	И рече ми царь: почто о семъ ты вопрошаеши? И помолихся Господу Богу небесному
2:5	и рекохъ ко царю: аще царю видит­ся благо, и аще угоденъ будетъ рабъ твой предъ тобою, да послеши мене во Иудею, во градъ гробовъ отецъ мо­ихъ, и воз­созижду его.
2:6 См.: 🔗Неем. 5:14 🔗Неем. 13:6	Рече же ми царь, и наложница сѣдяше близъ его: до ко­его времене будетъ путь твой, и когда воз­вратишися? И угодно бысть предъ лицемъ царевымъ, и посла мя, и положихъ ему время.
2:7	И рекохъ царю: аще царю видит­ся благо, даждь мнѣ посланiе ко во­еводамъ странъ за рѣкою, да преведутъ мене, дондеже прiиду во Иудею,
2:8 См.: 🔗3Цар. 5:6 🔗1Езд. 7:6 🔗1Езд. 8:22	и посланiе ко Асафу стражу дубравы царевы, да дастъ ми древа покрыти врата столпа дому, и на стѣны градныя, и на домъ, въ оньже вниду. И даде ми царь, якоже рука Божiя благая [бѣ] со мною.
2:9	И прiидохъ ко во­еводамъ странъ за рѣкою и дахъ имъ посланiе царево: посла же царь со мною началники силы и кон­ницы.
2:10 См.: 🔗Неем. 4:1	И услыша санаваллатъ Аронитинъ и товіа рабъ Аммонитинъ, и зло има бысть, яко прiиде человѣкъ взыскати блага сыновомъ Израилевымъ.
2:11	И прiидохъ во Иерусалимъ и быхъ ту три дни.
2:12	И востахъ нощiю азъ и мужiе не мнози со мною, и ни комуже воз­вѣстихъ, что Богъ даетъ въ сердце мое сотворити со Израилемъ, и скота не бѣ со мною, токмо скотъ, на немже азъ сѣдяхъ.
2:13	И внидохъ во врата юдоли нощiю, ко устiю источника смоковничнаго и ко вратомъ гнойнымъ, и быхъ размышляя о стѣнѣ Иерусалимстѣй разоренѣй и о вратахъ его пояденыхъ огнемъ.
2:14 См.: 🔗Неем. 3:15	И прiидохъ ко вратомъ источника и ко купѣли царевѣ, и не бысть мѣста скоту, на немже сѣдяхъ, да пройдетъ.
2:15	И взыдохъ на стѣну потока нощiю, и размышляхъ о стѣнѣ, и бѣхъ во вратѣхъ юдоли, и воз­вратихся.
2:16	Стрегущiи же не вѣдяху, камо ходихъ и что азъ творю, и Иудеомъ и священ­никомъ, и честнымъ и во­еводамъ и прочымъ творящымъ дѣла даже до тогда не сказахъ.
2:17	И рекохъ имъ: вы видите озлобленiе сiе, въ немже есмы, како Иерусалимъ опустошенъ, и врата его предана огню: прiидите, и созиждемъ стѣны Иерусалима, и не будемъ ктому въ поношенiе.
2:18	И сказахъ имъ руку Божiю, яже есть блага со мною, и словеса царева, яже глагола мнѣ, и рекохъ: востанемъ и созиждемъ. И укрѣпишася руцы ихъ во благое.
2:19 См.: 🔗Неем. 4:1 🔗Иов. 12:4	И услыша санаваллатъ Аронитинъ и товіа рабъ Аммонитинъ и гисамъ Аравитинъ, и посмѣяшася намъ, и прiидоша къ намъ, и уничижиша, и рекоша: что дѣло сiе, еже вы творите? еда вы противу царя от­метаетеся?
2:20 См.: 🔗Еф. 2:12	И воз­дахъ имъ слово и рекохъ къ нимъ: Богъ небесе, той благопоспѣшитъ намъ, и мы раби его чистiи, [востанемъ] и созиждемъ: вамъ же нѣсть части и правды и памяти во Иерусалимѣ.