Послание апостола Павла к Ефесянам, глава 6

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 6
6:1 См.: 🔗Втор. 5:16 🔗Прит. 23:22 🔗Мф. 15:4 🔗Мк. 7:10 🔗Кол. 3:20	Чада, послушайте своихъ родителей о Господѣ: сiе бо есть праведно.
6:2	Чти отца тво­его и матерь: яже есть заповѣдь первая во обѣтованiи:
6:3 См.: 🔗Исх. 20:12	да благо ти будетъ, и будеши долголѣтенъ на земли.
6:4 См.: 🔗Прит. 13:25	И отцы, не раздражайте чадъ сво­ихъ, но воспитовайте ихъ въ наказанiи и ученiи Господни.
6:5 См.: 🔗1Пет. 2:18 🔗Кол. 3:22 🔗Тит. 2:9	Раби, послушайте господiй [сво­ихъ] по плоти со страхомъ и трепетомъ, въ простотѣ сердца ва­шего, якоже [и] Христа,
6:6	не предъ очима точiю работа­ю­ще яко человѣко­угодницы, но якоже раби Христовы, творяще волю Божiю от­ души,
6:7	со благоразумiемъ служаще якоже Господу, а не [яко] человѣкомъ,
6:8 См.: 🔗2Кор. 5:10	вѣдяще, яко кійждо, еже аще сотворитъ благое, сiе прiиметъ от­ Господа, аще рабъ, аще свободь.
6:9 См.: 🔗Втор. 10:17 🔗2Пар. 19:7 🔗Иов. 34:19 🔗Прем. 6:7 🔗Сир. 35:12 🔗Гал. 2:6	И господiе, таяжде творите къ нимъ, послабляюще [имъ] прещенiя, вѣдуще, яко и вамъ самѣмъ и тѣмъ Господь есть на небесѣхъ, и обиновенiя лица нѣсть у Него.
6:10	[Зач. 233.] Прочее же, братiе моя, воз­могайте во Господѣ и въ державѣ крѣпости Его:
6:11 См.: 🔗Рим. 13:12 🔗1Фес. 5:8	облецытеся во вся оружiя Божiя, яко воз­мощи вамъ стати противу кознемъ дiаволскимъ,
6:12 См.: 🔗Ин. 12:31 🔗Ин. 14:30 🔗Еф. 2:2	яко нѣсть наша брань къ {противу} крови и плоти, но къ началомъ, и ко властемъ [и] къ мiродержителемъ тмы вѣка сего, къ духовомъ злобы поднебеснымъ.
6:13	Сего ради прiимите вся оружiя Божiя, да воз­можете противитися въ день лютъ и вся содѣяв­ше стати.
6:14 См.: 🔗Лк. 12:35 🔗1Пет. 1:13	Станите убо препоясани чресла ваша истиною, и оболкшеся въ броня правды,
6:15	и обув­ше нозѣ во уготованiе благовѣ­ст­вованiя мира:
6:16	надъ всѣми же воспрiимше щитъ вѣры, въ немже воз­можете вся стрѣлы лукаваго разжжен­ныя угасити:
6:17 См.: 🔗Ис. 59:17 🔗1Фес. 5:8 🔗Евр. 4:12	и шлемъ спасенiя воспрiимите, и мечь духовный, иже есть Глаголъ Божiй:
6:18 См.: 🔗Лк. 18:1 🔗Кол. 4:2	[Зач. 234.] всякою молитвою и моленiемъ молящеся на всяко время духомъ, и въ сiе истое бдяще во всякомъ терпѣнiи и молитвѣ о всѣхъ святыхъ
6:19 См.: 🔗2Фес. 3:1	и о мнѣ, да даст­ся ми слово во от­верзенiе устъ мо­ихъ, съ дерзновенiемъ сказати тайну благовѣ­ст­вованiя,
6:20 См.: 🔗Деян. 21:11	о немже посол­ст­вую во узахъ, да въ немъ дерзаю, якоже подобаетъ ми глаголати.
6:21 См.: 🔗Деян. 20:4 🔗Кол. 4:7	Да увѣсте же и вы, яже о мнѣ, что дѣлаю, вся скажетъ вамъ Тихикъ, воз­люблен­ный братъ и вѣренъ служитель о Господѣ,
6:22	егоже послахъ къ вамъ на сiе истое, да увѣсте, яже о насъ, и да утѣшитъ сердца ваша.
6:23	Миръ братiи и любо­вь съ вѣрою от­ Бога Отца и Господа Иисуса Христа.
6:24	Благодать со всѣми любящими Господа на­шего Иисуса Христа въ неистлѣнiи. Аминь. Конецъ посланiю еже ко Ефесеемъ: имать въ себѣ главъ 6, зачалъ же церковныхъ 19.